نئی دہلی:16جون، 2021۔کووی شیلڈ کی دونوں خوراکوں کے درمیان کے وقفے کو 6 سے 8 ہفتے سے بڑھا کر 12 سے 16 ہفتے کرنے کے سلسلے میں میڈیا کی کچھ رپورٹیں آئی ہیں، جن میں اشارہ دیاگیاہے کہ اس فیصلے کے سلسلے میں تکنیکی ماہرین کے درمیان اختلاف تھا۔

قابل ذکر ہے کہ کووی شیلڈ کی خوراکوں کے درمیان وقفے کو بڑھانے کافیصلہ  ایڈینوویکٹر ویکسین کے اثر کےبارے میں بنیادی سائنسی وجوہات پر مبنی ہےاور اس پر کووڈ-19 ورکنگ گروپ اور  این ٹی اے جی آئی کی قائمہ تکنیکی ذیلی کمیٹی (ایس ٹی ایس سی)  کی میٹنگوں میں تفصیل سے  تبادلہ خیال کیا جاچکاہے اور کسی بھی رکن نے کوئی اختلاف رائے ظاہر نہیں کیا۔

کووڈ-19 ٹیکہ کاری سے متعلق قومی تکنیکی مشاورتی گروپ (این ٹی اے جی آئی) کی 22ویں میٹنگ 10مئی 2021 کومنعقدہوئی  تھی۔ کووڈ-19 ورکنگ گروپ کے اراکین درج ذیل ہیں:

کووڈ-19 ورکنگ گروپ نے  قومی ٹیکہ کاری پالیسی کے تحت استعمال ہونے والی ویکسین کووی شیلڈ کی خوراکوں کے وقفے میں تبدیلی کیلئے ایک تجویز تبادلہ خیال کیا۔ اس نے سفارش کی کہ خاص طور سے برطانیہ (یو کے) کے ریئل لائف شواہد کی بنیاد پر کووڈ-19 ورکنگ گروپ نے کووی شیلڈٹیکے کیلئے دوخوراکوں کے درمیان کا وقفہ 12 سے 16 ہفتہ بڑھانے پر رضامندی ظاہر کی۔

کووڈ-19 ورکنگ گروپ کی اس سفارش کو محکمہ برائے بایوٹیکنالوجی کے سکریٹری اورڈی ایچ آر کےسکریٹری اورآئی سی ایم آر کےڈائرکٹر جنرل کی مشترکہ  صدارت میں 13 مئی 2021 کو منعقدہ این ٹی اے جی آئی کی  کی قائمہ تکنیکی ذیلی  کمیٹی(ایس ٹی ایس سی) کی 31ویں میٹنگ میں تبادلہ خیال  کیلئے پیش کیا گیا۔

ایس ٹی ایس سی کے اراکین درج ذیل ہیں:

این ٹی اے جی آئی کی ایس ٹی ایس سی نے  درج ذیل سفارش کی: کووڈ-19 ورکنگ گروپ کی سفارش کے مطابق کووی شیلڈ ٹیکے کی دونوں خوراکوں کےد رمیان  کم از کم تین مہینے کے وقفے کی سفارش کی گئی۔

دونوں ہی میٹنگوں  کووڈ-19 ورکنگ گروپ اور ایس ٹی ایس سی میں تینوں اراکین ڈاکٹر میتھیوز ورگیز،ڈاکٹرایم ڈی گپٹے، اورڈاکٹر جے پی مولی اِل میں سے کسی نے بھی عدم اتفاق ظاہر نہیں کیا جیسا کہ رائٹر س کے ذریعے نیوز رپورٹ میں پیش کیا گیا ہے۔ مزید برآں اس بات کاریکارڈ ہے کہ ڈاکٹرمیتھیوز ورگیز نے رائٹر س کے ساتھ اپنے مبینہ اختلاف رائے کے  معاملے پر بات کرنے سے انکار کیا ہے۔

-----------------------

ش ح۔م ع۔ ع ن

U NO:5534