ইনফ্রাস্ত্রকচর রোদমেপকী মতাংদা খন্ন-নৈননবা ঙসি মফম অসিদা ফাইনান্স অমসুং কোর্পোরেত এফিয়র্সকী কেন্দ্রগী মন্ত্রী শ্রীমতি নির্মালা সিথারমননা সরকারগী সেনিয়র ওফিসিয়েলশিংগা লোইননা ভর্চুয়েল মীফম অমা পাংথোকখ্রে৷ মসিগী মীফম অসিনা ইনফ্রাস্ত্রকচর রোদমেপকী মতাংদা মন্ত্রালয়শিং/দিপার্তমেন্তশিং অসিগা লোইননা ফাইনান্স মন্ত্রীনা খন্ন-নৈনখিবা ৫শুবা রিভিয়ু মীফম ওইখি৷ মীফম অসিদা, মন্ত্রালয়শিংগী অমসুং মখোয়গী সি.পি.এস.ই.শিংগী কেপিতেল এক্সপেন্দিচর(সি.এ.পি.ই.এক্স.) প্লানশিং, বদজেৎ এনাউন্সমেন্তশিং চৎননবগী স্তেতস অমসুং ইনফ্রাস্ত্রকচর ইনবেস্তমেন্ত অথুবা মতমদা থাদনবগী খোঙথাংশিং খন্ন-নৈনখি৷ ফাইনান্স সেক্রেতরী, সেক্রেতরী(ইকোনোমিক এফিয়র্স), সেক্রেতরী(পব্লিক এন্তরপ্রাইজেস), সেক্রেতরী(রোদ ত্রান্সপোর্ত অমসুং হাইৱেজ), সেক্রেতরী(তেলিকম্ম্যুনিকেসন্স) অমসুং সেক্রেতরী(এতোমিক ইনর্জী) অমসুং মন্ত্রালয়/দিপার্তমেন্ত অহুম অসিগী সি.পি.এস.ই.শিংগী সি.এম.দি.শিং/সি.ই.ও.শিংনা মীফম অসিদা শরুক য়াখি৷

ফাইনান্স সেক্রেতরী অমসুং সেক্রেতরী এক্সপেন্দিচর দা. তি.ভি. সোমানথান(য়েৎ) অমসুং ইকোনোমিক এফিয়র্স দিপার্তমেন্তগী সেক্রেতরী, শ্রী অজে সেথ(ওই) শরুক য়াদুনা ইনফ্রাস্ত্রকচর রোদ মেপকী মতাংদা খন্ন-নৈননবা ফাইনান্স মন্ত্রী শ্রীমতি নির্মালা সিথারমননা ভর্চুয়েল্লী ওইনা শরুক য়াখ্রে৷

মন্ত্রালয়শিংগী অমসুং মখোয়গী সি.পি.এস.ই.শিংগী কেপিতেল এক্সপেন্দিচর পর্ফোমেন্স অদু য়েংশিল্লদুনা, লাইনা-লাইচৎ অসিগী মতুংদা শেল-থুমগী ফিভম অসি অমুক হন্না ফগৎহন্নবা হোৎনবদা সি.এ.পি.ই.এক্স.না য়াম্না মরু ওইবা থৌদাং লৌরগনি হায়না ফাইনান্স মন্ত্রালয়না ফোংদোকখ্রে অমসুং মন্ত্রালয়শিংনা মখোয়গী কেপিতেল এক্সপেন্দিচর অদু ফ্রন্ত-লোদ তৌবদা হেন্না পুক্নিং থৌগৎখ্রে৷ মন্ত্রালয়শিংনা মখোয়গী সি.এ.পি.ই.এক্স. তার্গেৎশিং অসিদগী হেন্না ফংবা ঙম্নবা হোৎনগদবনি হায়নসু মহাক্না ফোংদোকখ্রে৷ শেঞ্জাগী চহি ২০২১-২২গী বদজেৎনা লুপা কোতি লাখ ৫.৫৪গী কেপিতেল আউতলে অমা পী, হায়রিবা শেনফম অসি ২০২০-২১গী বদজেৎ অদুদগী ৩৪.৫% হেল্লি হায়না ফাইনান্স মন্ত্রীনা ফোংদোকখি৷

ইনফ্রাস্ত্রকচরদা থাদরিবা ইনফ্রাস্ত্রকচর এক্সপেন্দিচর অসি কেন্দ্র সরকারগী বদজেতরী এক্সপেন্দিচর খক্তা নত্তে, থাদরিবা শেনফম অসিদা রাজ্য সরকারশিং অমসুং প্রাইভেৎ সেক্তরগী শরুকসু য়াওরি হায়না শ্রীমতি সিথারমননা ফোংদোকখ্রে৷ মসিদা এক্সত্রা-বদজেতরী রিসোর্চেসকী খুৎথাংদা সরকারগী এক্সপেন্দিচরসু য়াওরিবনি৷ মরম অদুনা, ইন্নোবেতিব স্ত্রকচরিংগী খুৎথাংদা ফন্দ থাদরিবা প্রোজেক্তশিং অসি ফংবা ঙম্নবা মন্ত্রালয়শিংনা এক্তিব্লী ওইনা থবক তৌগদবনি অমসুং ইনফ্রস্ত্রকচরদা শেল হেন্না থাদনবগীদমক প্রাইভেৎ সেক্তরদা সপোর্ত পুম্নমক ফংহনগদবনি৷ বাইএবল প্রোজেক্তশিংগীদমক মন্ত্রালয়শিংনা পব্লিক প্রাইভেৎ পার্তনরশিপ(পি.পি.পি.) মোদ এক্সপ্লোর তৌবগী তঙাই ফদবা লৈ হায়নসু ফাইনান্স মন্ত্রীনা ফোংদোকখ্রে৷ অথুবা মতমদা মাইক্রো, স্মোল অমসুং মেদিয়ম এন্তরপ্রাইজেস(এম.এস.এম.ই.)গী শেনফম অদু শেংদোক্নবা ফাইনান্স মন্ত্রীনা মন্ত্রালয়শিং অমসুং মখোয়গী সি.পি.এস.ই.শিং অসিদসু খঙহনখ্রে৷

এস্পিরেস্নেল জিলাশিং য়াওনা লৈবাক অসিগী শরুক পুম্নমক্তা হাই লেবেল দাতা কন্নেক্তিবিতীগী কান্নবা পুরক্লিবা মরু ওইবা প্রোজেক্তশিং অদু ফাইনান্স মন্ত্রীনা দি.ও.তি. এক্সপিদাইততা খঙহনখ্রে৷ চিংগী লমদমদা কন্নেক্তিবিতী হেনগৎনবগী ওইথোকপা অদু এক্সপ্লোর তৌননবা অমসুং ভেহিকল স্ক্রাপ্পিং ফেসিলিতী অথুবা মতমদা চৎননবা এম.ও.আর.তি.ঐচ.তা হায়খ্রে৷ অত্ম নির্ভর ভারত পেকেজ(এ.এন.বি.পি.)গী মখাদা লাওথোকখিবা ইনিসিয়েতিবশিংগী এচিবমেন্ত অদু মতম চানা ফংহন্নবা এতোমিক ইনর্জীগী দিপার্তমেন্তদা খঙহনখ্রে৷

লোইশিল্লকপগী শরুক্তা, এচিবমেন্ত অদু লৈরিবা তাইমলাইনশিং অসিগী মনুংদা ফংবা ঙম্ননবা মরু ওইবা অচৌবা প্রোজেক্তশিংদা শেল থাদনবা ফাইনান্স মন্ত্রীনা মন্ত্রালয়শিংগী সেক্রেতরীশিংদা খঙহনখ্রে৷ মরী লৈনবা রাজ্য সরকারশিংগা লোইননা সেক্তর-স্পেসিফিক প্রোজেক্তশিং অসি চাং নাইনা য়েংশিন্ননবা মহাক্না মন্ত্রালয়শিংদসু হায়জখ্রে৷

 ******