প্রধানমন্ত্রীগী লোইশঙ
প্রধান মন্ত্রীনা ৪৭শুবা জি.৭ সম্মিত্তা শরুক য়াবা
Posted On:
10 JUN 2021 6:34PM by PIB Imphal
য়ু.কে.গী প্রধান মন্ত্রী বোরিস জোন্সন্না বার্তোন তৌরক্তুনা, প্রধান মন্ত্রী শ্রী নরেন্দ্র মোদীনা জুনগী ১২ অমসুং ১৩দা ৪৭শুবা জি.৭ সম্মিতকী আউতরীচ সেসন্দা ভর্চুএল ওইনা শরুক য়াগনি। য়ু.কে.না হৌজিক্কী ওইনা জি.৭গী প্রসিদেন্তগী ফম পায়রি অমসুং ইন্দিয়াগা লোয়ননা ওস্ত্রেলিয়া, রিপব্লিক ওফ কোরিয়া অমসুং খা আফ্রিকাবু জি.৭ সম্মিতকীদমক অতিথী ওইবা লৈবাক অমা ওইনা বার্তোন তৌরি। হায়রিবা মীফম অসি হায়ব্রিদ মোদ ওইনা পাংথোক্কনি।
‘বিল্দ বেক বেত্তর’ হায়বা অসিনা সম্মিত অসিগী থীমনি অমসুং য়ু.কে.না মখোয়গী প্রসিদেন্সিগী মরুওইবা মফম মরি পীরি। হায়রিবা অসিনা তুংদা লায়চৎ অসিদগী য়াম্না অথুবা মতমদা ফগৎহন্নবা মালেমগী ওইবা মকোক চিংবনি; কোম্থোকপা অমসুং মান্নবা ত্রেদ অমা তুংগী ওইনা পুখৎপা; অইং অশাগী অওনববু লাকশিনবা অমসুং প্লানেত অসিগী বাইওদাইবর্সিতীবু য়োকখৎপা; অমসুং সেয়র ভেল্যু চেম্পিওন ওইবা অসিনি। লুচিংবশিংনা হকশেল অমসুং ক্লাইমেৎকী অহোংবদা মিয়েং থমদুনা মালেমগী ওইনা লায়চৎ অসিদগী ফগৎহনবা অসিদা ওইরকপা য়াবগী ৱাফম থম্নখি।
প্রধান মন্ত্রীনা জি.৭গী মীফমদা শরুক য়াগদৌরিবা অসিনা অনিশুবনি। বিয়ারিতজ সম্মিত্তা “গুদৱিল পার্তনর” অমা ওইনা ২০১৭দা জি.৭ ফ্রেঞ্চ প্রসিদেন্সীদা ভারতপু বার্তোন তৌখি অমসুং প্রধান মন্ত্রীনা “ক্লাইমেত, বাইওদাইবর্সিতী অমসুং ওসিন্স” অমসুং ‘দিজিতেল ত্রান্সফোর্মেসন’গী সেসন্দা শরুক য়াখি।
***
(Release ID: 1726081)
Visitor Counter : 213
Read this release in:
Marathi
,
Kannada
,
Gujarati
,
Tamil
,
Telugu
,
Assamese
,
Odia
,
English
,
Urdu
,
Hindi
,
Bengali
,
Punjabi
,
Malayalam