ଭାରତରେ ଗତ ୨୪ ଘଣ୍ଟା ମଧ୍ୟରେ ୯୪,୦୫୨ ନୂଆ କରୋନା ମାମଲା ଚିହ୍ନଟ ହୋଇଛି । କ୍ରମାଗତ ତୃତୀୟ ଦିନରେ ଦେଶରେ ଦୈନିକ ନୂଆ କରୋନା ମାମଲା ୧ ଲକ୍ଷରୁ ତଳେ ରହିପାରିଛି । ଏହା କେବଳ କେନ୍ଦ୍ର ଏବଂ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ସରକାରଙ୍କ ମିଳିତ ପ୍ରଚେଷ୍ଟାର ଫଳ ।

ଭାରତରେ ସକ୍ରିୟ କରୋନା ମାମଲା କ୍ରମାଗତ ଭାବେ ହ୍ରାସ ପାଇ ଚାଲିଛି । ଆଜି ଦେଶରେ ସକ୍ରିୟ ମାମଲା ରହିଛି ୧୧,୬୭,୯୫୨  । କ୍ରମାଗତ ଦଶ ଦିନ ହେଲା ଏହି ସଂଖ୍ୟା ୨୦ ଲକ୍ଷ ତଳେ ରହିପାରିଛି ।

ଗତ ୨୪ ଘଣ୍ଟାରେ ସକ୍ରିୟ ମାମଲାରେ ୬୩,୪୬୩ ହ୍ରାସ ହୋଇଛି ଏବଂ ସକ୍ରିୟ ମାମଲା ଏବେ ଦେଶର ମୋଟ ପଜିଟିଭ୍ ମାମଲାର ମାତ୍ର ୪.୦୦% ରହିଛି ।

ଦେଶରେ ଏବେ ପ୍ରତିଦିନ ଅଧିକରୁ ଅଧିକ ଲୋକ କୋଭିଡ ସଂକ୍ରମଣରୁ ସୁସ୍ଥ ହେଉଥିବାରୁ କ୍ରମାଗତ ୨୮ ଦିନ ହେଲା ଦୈନିକ ସୁସ୍ଥଙ୍କ ସଂଖ୍ୟା ଦୈନିକ ନୂଆ କରୋନା ମାମଲାକୁ ପଛରେ ପକାଇଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୧,୫୧,୩୬୭ ଜଣ କୋଭିଡରୁ ସୁସ୍ଥ ହୋଇଛନ୍ତି ।

ଗତ ୨୪ ଘଣ୍ଟାରେ ଆସିଥିବା ନୂଆ କରୋନା ମାମଲା ତୁଳନାରେ ୫୭,୩୧୫ ଜଣ ଅଧିକ ସୁସ୍ଥ ହୋଇପାରିଛନ୍ତି ।

ଦେଶରେ କରୋନା ମହାମାରୀ ଆରମ୍ଭ ହେବା ପରଠାରୁ ଏ ପର୍ଯ୍ୟନ୍ତ ମୋଟ ୨,୭୬,୫୫,୪୯ ଜଣ କୋଭିଡ-୧୯ ସଂକ୍ରମଣରୁ ସୁସ୍ଥ ହୋଇଥିବା ବେଳେ ଗତ ୨୪ ଘଣ୍ଟା ମଧ୍ୟରେ ୧,୫୧,୩୬୭ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ଏହାଦ୍ୱାରା ଦୈନିକ ବୃଦ୍ଧି ପାଉଥିବା ସୁସ୍ଥତା ହାର ଆଜି ୯୪.୭୭%ରେ ପହଞ୍ଚିଛି ।

ଦେଶବ୍ୟାପୀ ଟେଷ୍ଟିଂ କ୍ଷମତା ବୃଦ୍ଧି କରାଯାଇଥିବା ବେଳେ ଗତ ୨୪ ଘଣ୍ଟା ମଧ୍ୟରେ ୨୦,୦୪,୬୯୦ ଟେଷ୍ଟ କରାଯାଇଛି । ଏ ପର୍ଯ୍ୟନ୍ତ ଭାରତରେ ୩୭.୨୧ କୋଟି (୩୭,୨୧,୯୮,୨୫୩)ରୁ ଅଧିକ ଟେଷ୍ଟ କରାଯାଇଛି ।

ଏକ ପକ୍ଷରେ ଦେଶବ୍ୟାପୀ ଟେଷ୍ଟିଂ କ୍ଷମତା ବୃଦ୍ଧି କରାଯାଉଥିବା ବେଳେ ସାପ୍ତାହିକ ପଜିଟିଭିଟି ହାର ଏବେ ଅଛି ୫.୪୩% । ଏବେ ଦୈନିକ ପଜିଟିଭିଟି ହାର ୪.୬୯% ରହିଛି, ଯାହାକି ଗତ ୧୭ ଦିନ ଧରି ୧୦% ତଳେ ରହିଛି ।

ଦେଶବ୍ୟାପୀ ଚାଲିଥିବା କୋଭିଡ ଟିକାକରଣ ଅଭିଯାନରେ ଏ ପର୍ଯ୍ୟନ୍ତ ୨୪ କୋଟି ଡୋଜରୁ ଅଧିକ ଟିକା ଦିଆଯାଇଛି । ଗତ ୨୪ ଘଣ୍ଟା ମଧ୍ୟରେ ୩୩,୭୯,୨୬୧ ଡୋଜ୍ ଟିକା ଦିଆଯାଇଛି ।

ଆଜି ସକାଳ ୭ଟା ସୁଦ୍ଧା ମୋଟ ୩୩,୮୨,୭୭୫ ସେସନରେ ୨୪,୨୭,୨୬,୬୯୨ ଡୋଜ୍ ଟିକା ଦିଆଯାଇଛି ।

****

SR