থা অনিদা খ্বাইদগী নেম্বা ওইনা, ভারতনা নোংমদা অনৌবা কেস লাখ ১.১৪ রিপোর্ত তৌরকখ্রে

হৌখিবা পুং ২৪ অসিদা ভারতনা অনৌবা কেস ১,১৪,৪৬০ রিপোর্ত তৌরকখ্রে৷ হায়রিবা মশিং অসি থা অনিগী মনুংদা খ্বাইদগী নেম্বনি৷ হৌজিক্তি লৈবাক অসিদা থংননা ১০শুবা নুমিৎকী ওইনা নোংমদা অনৌবা কেস লাখ ২দগী হেন্না তানা লাকখ্রে৷ মসিগী রিজল্ত অসি কেন্দ্র অমসুং রাজ্যশিং/য়ু.তি.শিংনা  “হ্বোল ওফ গভর্মেন্ত” এপ্রোচ ইন্দুনা য়াম্না কন্না খুৎশম্নদুনা হোৎনবগী মহৈনি৷

ভারততা লেপ্পা লৈতনা এক্তিব কেস মশিং হন্থরক্লি৷ লৈবাক অসিগী এক্তিব কেসলোদ লাখ ১৫গী মখাদা লৈখ্রে; ঙসি ১৪,৭৭,৭৯৯ ওইখ্রে৷ থংননা তরুকশুবা নুমিৎশিংগী ওইনা কেসলোদ অসি লাখ ২০গী মখাদা লৈখ্রে৷

হৌখিবা পুং ২৪ অসিদা কেস ৭৭,৪৪৯ হন্থরকখ্রে অমসুং হৌজিক হৌজিক এক্তিব কেস ওইনা লৈরিবা মশিং অসি লৈবাক অসিগী অপুনবা পোজিতিব কেস মশিংগী ৫.১৩% খক্তনি৷

কোবিদ-১৯ ইনফেক্সন অসিদগী মীওই হেন্না হেন্না ফরক্তুনা, থংননা ২৪শুবা নুমিৎকী ওইনা ভারততা নৌনা লাকখিবা অনৌবা কেস মশিংদগী নৌনা লাইচৎ অসিদগী ফরকখিবগী মশিংনা হেনখ্রে৷ হৌখিবা পুং ২৪ অসিদা মীওই ১,৮৯,২৩২ লাইচৎ অসিদগী ফরকপা ঙমখ্রে হায়না রেজিস্তর তৌখ্রে৷

নোংমদা লাকপা অনৌবা কেস মশিংশিং অসিগা য়েংনবা মতমদা হৌখিবা পুং ২৪ অসিদা লাইচৎ অসিদগী নৌবা ফরকখিবগী মশিং অসি ৭৪,৭৭২নি৷

লাইনা-লাইচৎ অসি হেক হৌরকপা মতমদগী নারক্লিবা মীওইশিংগী মনুংদা, মীওই ২,৬৯,৮৪,৭৮১দি কোবিদ-১৯ লাইনা-লাইচৎ অসিদগী মপুং ফানা ফরকপা ঙমখ্রে৷ মসিনা রিকোভরী রেত অসি ৯৩.৬৭% ওইহল্লে৷

হৌখিবা পুং ২৪দা লৈবাক অসিদা তেস্ত পুন্না ২০,৩৬,৩১১ পাংথোকখ্রে অমসুং হৌজিক ফাওবদা লৈবাক অসিদা তেস্ত কোতি ৩৬.৪(৩৬,৪৭,৪৬,৫২২) হেন্না তৌখ্রে৷

নাকল অমরোমদা, লৈবাক অসিদা তেস্ত তৌবগী চাং হেনগৎহনখ্রে, চয়োল খুদিংগী পোজিতিব ওইখিবগী চাং লেপ্পা লৈতনা হন্থরক্লি৷ হৌজিক হৌজিক চয়োলগী ওইনা ওইরিবা পোজিতিব ওইখিবগী চাং অসি ৬.৫৪%নি অদুগা নোংমদা পোজিতিব ওইখিবগী চাং অসি ঙসি ৫.৬২% ওইখি৷ হৌজিক্তি থংননা ১৩শুবা নুমিৎকী ওইনা ১০%দগী হেন্না তানা লৈখ্রে৷

অতোপ্পা য়াম্না মরু ওইবা এচিবমেন্ত অমা ওইনা, লৈবাক অসিদা কাপখিবা কোবিদ-১৯ ভেক্সিনগী চাং অসি পুন্না কোতি ২৩ হেনখ্রে৷ নেসনৱাইদ ভেক্সিনেসন দ্রাইবকী মখাদা ভেক্সিন দোজ কোতি ২৩.২৩ কাপখ্রে৷ হৌখিবা পুং ২৪ অসিদা ভেক্সিন দোজ ৩৩,৫৩,৫৩৯ কাপখি৷

ঙসি অয়ুক্কী পুং ৭ ফাওবগী মনুংদা ফংখিবা পোভিজনেল রিপোর্তকী মতুং ইন্না, সেসন ৩২,৪২,৫০৩দা ভেক্সিন দোজ পুন্না ২৩,১৩,২২,৪১৭ কাপখ্রে৷

মসিগী মনুং চল্লিবশিং অদুদি:

******