ભારતમાં છેલ્લા 24 કલાકમાં દૈનિક ધોરણે નવા 1,14,460 કેસ નોંધાયા છે. છેલ્લા બે મહિનામાં દૈનિક ધોરણે નોંધાયેલા કેસોમાં આ સૌથી ઓછો આંકડો છે. દેશમાં સતત 10 દિવસથી દૈનિક ધોરણે નવા કેસોની સંખ્યા 2 લાખ કરતાં નીચી જળવાઇ રહી છે. “સંપૂર્ણ સરકાર”ના અભિગમને અપનાવીને કેન્દ્ર અને રાજ્યો/કેન્દ્રશાસિત દ્વારા હાથ ધરવામાં આવેલા સહિયારા અને એકધારા પ્રયાસોનું આ પરિણામ છે.

ભારતમાં સક્રિય કેસોની સંખ્યામાં સતત ઘટાડો થઇ રહ્યો છે. દેશમાં સક્રિય કેસોનું ભારણ ઘટીને 15 લાખ કરતાં ઓછું થઇ ગયું છે; આજે સક્રિય કેસોની સંખ્યા 14,77,799 રહી છે. સતત છઠ્ઠા દિવસ સક્રિય કેસોનું ભારણ 20 લાખ કરતાં ઓછું નોંધાયું છે.

છેલ્લા 24 કલાકમાં સક્રિય કેસોની સંખ્યામાં 77,449 દર્દીનો ચોખ્ખો ઘટાડો નોંધાયો છે. દેશમાં નોંધાયેલા કુલ પોઝિટીવ કેસોમાંથી હવે સક્રિય કેસોની સંખ્યા 5.13% રહી છે.

કોવિડ-19થી સંક્રમિત થયેલા વધુને વધુ લોકો હવે સાજા થઇ રહ્યાં હોવાથી, ભારતમાં સતત 24 દિવસથી દૈનિક ધોરણે નવા નોંધાયેલા કેસોની સરખામણીએ દૈનિક ધોરણે સાજા થનારાની સંખ્યા વધુ જળવાઇ રહી છે. છેલ્લા 24 કલાકમાં 1,89,232 દર્દીઓ સાજા થયા હોવાનું નોંધાયું છે.

છેલ્લા 24 કલાક દરમિયાન નવા નોંધાયેલા કેસોની સરખામણીએ નવા સાજા થયેલા દર્દીઓની સંખ્યા 74,772 વધારે છે.

મહામારીની શરૂઆતથી આજદિન સુધીમાં કોવિડ-19ના કુલ પોઝિટીવ થયેલા કેસોમાંથી 2,69,84,781 દર્દીઓ સાજા થઇ ગયા છે. આના કારણે એકંદરે સાજા થવાનો દર વધીને 93.67% થયો છે અને તેમાં સતત વૃદ્ધિનું વલણ જળવાઇ રહ્યું છે.

છેલ્લા 24 કલાકમાં દેશમાં 20,36,311 પરીક્ષણો હાથ ધરવામાં આવ્યા હોવાથી ભારતમાં આજદિન સુધીમાં કુલ મળીને 36.4 કરોડથી વધારે (36,47,46,522) પરીક્ષણો કરવામાં આવ્યા છે.

એક તરફ, દેશમાં થતા પરીક્ષણોની સંખ્યામાં વધારો કરવામાં આવ્યો છે અને બીજી તરફ સાપ્તાહિક ધોરણે કેસોની પોઝિટીવિટીમાં સતત ઘટાડો નોંધાઇ રહ્યો છે. સાપ્તાહિક પોઝિટીવિટી દર હાલમાં 6.54% છે જ્યારે દૈનિક પોઝિટીવિટી દર આજે 5.62% નોંધાયો છે. સળંગ 13 દિવસથી આ દર 10%થી નીચે જળવાઇ રહ્યો છે.

અન્ય એક મહત્વપૂર્ણ સફળતારૂપે, દેશમાં આજદિન સુધીમાં કુલ આપવામાં આવેલા કોવિડ-19 વિરોધી રસીના ડોઝનો આંકડો 23 કરોડના મહત્વપૂર્ણ આધારચિહ્નને ઓળંગી ગયો છે. દેશમાં ચાલી રહેલા કોવિડ-19 વિરોધી રસીકરણ અભિયાન અંતર્ગત રસીના કુલ 23.13 કરોડ ડોઝ આપવામાં આવ્યા છે. છેલ્લા 24 કલાકમાં રસીના 33,53,539 ડોઝ આપવામાં આવ્યા છે.

આજે સવારે 7 વાગ્યા સુધીમાં પ્રાપ્ત થયેલા હંગામી અહેવાલો અનુસાર દેશમાં કુલ 32,42,503 સત્રોનું આયોજન કરીને રસીના કુલ 23,13,22,417 ડોઝ આપવામાં આવ્યા છે.

આમાં સામેલ છે:

SD/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com