ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ

ಭಾರತದ ದೈನಿಕ ಹೊಸ ಪ್ರಕರಣಗಳ ಸಂಖ್ಯೆ 1.14 ಲಕ್ಷ, ಎರಡು ತಿಂಗಳಲ್ಲಿಯೇ ಕನಿಷ್ಠ.


ಸತತ 10 ದಿನಗಳಿಂದ ದೈನಿಕ ಹೊಸ ಪ್ರಕರಣಗಳ ಸಂಖ್ಯೆ 2 ಲಕ್ಷಕ್ಕಿಂತ ಕಡಿಮೆ ಇದೆ

ಒಟ್ಟು 14,77,799 ಸಕ್ರಿಯ ಪ್ರಕರಣಗಳೊಂದಿಗೆ , ಭಾರತದ ಪ್ರಕರಣಗಳ ಹೊರೆ 15 ಲಕ್ಷಕ್ಕಿಂತ ಕೆಳಗಿದೆ.

ಸತತ 24 ನೇ ದಿನವೂ ದೈನಿಕ ಹೊಸ ಪ್ರಕರಣಗಳ ಸಂಖ್ಯೆಗಿಂತ ಗುಣಮುಖರಾದವರ ಸಂಖ್ಯೆ ಹೆಚ್ಚು.

ರಾಷ್ಟ್ರೀಯ ಗುಣಮುಖ ದರದಲ್ಲಿ ನಿರಂತರ ಹೆಚ್ಚಳ; ಗುಣಮುಖ ದರ 93.67 % ಗೆ ಏರಿಕೆ.

ದೈನಿಕ ಪಾಸಿಟಿವ್ ದರ ಇನ್ನಷ್ಟು ಕುಸಿದು ಶೇ. 5.62 ರಲ್ಲಿದೆ. ಸತತ 13 ನೇ ದಿನವೂ ಪಾಸಿಟಿವ್ ದರ ಶೇ.10ಗಿಂತ ಕೆಳಗಿದೆ.

ಲಸಿಕಾಕರಣ ವ್ಯಾಪ್ತಿಯಲ್ಲಿ 23 ಕೋಟಿಯ ಮೈಲಿಗಲ್ಲನ್ನು ದಾಟಿದ ಭಾರತ

Posted On: 06 JUN 2021 10:18AM by PIB Bengaluru

ಭಾರತದಲ್ಲಿ  ಕಳೆದ 24 ಗಂಟೆಗಳಲ್ಲಿ ದೈನಿಕ 1,14,460 ಹೊಸ ಪ್ರಕರಣಗಳು ವರದಿಯಾಗಿವೆ. ಕಳೆದ ಎರಡು ತಿಂಗಳಲ್ಲಿಯೇ ಇದು ಅತ್ಯಂತ ಕನಿಷ್ಠ ಸಂಖ್ಯೆಯಾಗಿದೆ. ದೇಶವು ಸತತ 10 ನೇ ದಿನವೂ ದೈನಿಕ 2 ಲಕ್ಷಕ್ಕಿಂತ ಕಡಿಮೆ ಹೊಸ ಪ್ರಕರಣಗಳನ್ನು ದಾಖಲಿಸಿದೆ. ಕೇಂದ್ರ ಮತ್ತು ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳು “ಇಡೀ ಸರಕಾರವಾಗಿ” ಅನುಸರಿಸಿದ  ಸಂಯುಕ್ತ ಪ್ರಯತ್ನಗಳಿಗೆ ದೊರೆತ ಫಲ ಇದಾಗಿದೆ.

https://static.pib.gov.in/WriteReadData/userfiles/image/image0012CDK.jpg

ಭಾರತದ ಸಕ್ರಿಯ ಪ್ರಕರಣಗಳ ಹೊರೆ ಸತತ ಇಳಿಕೆಯಾಗುತ್ತಿದೆ. ಇಂದು ದೇಶದ ಸಕ್ರಿಯ ಪ್ರಕರಣಗಳ ಹೊರೆ 15 ಲಕ್ಷಕ್ಕಿಂತ ಕೆಳಗಿಳಿದಿದೆ ಮತ್ತು ಅದು 14,77,799 ರಲ್ಲಿದೆ. ಸತತ ಆರನೇ ದಿನವೂ ಪ್ರಕರಣಗಳ ಹೊರೆ 20 ಲಕ್ಷಕ್ಕಿಂತ ಕಡಿಮೆ ಇದೆ.

ಕಳೆದ 24 ಗಂಟೆಗಳಲ್ಲಿ 77,449 ನಿವ್ವಳ ಇಳಿಕೆ ಕಂಡು ಬಂದಿದೆ. ಮತ್ತು ದೇಶದ ಒಟ್ಟು ಪಾಸಿಟಿವ್ ಪ್ರಕರಣಗಳಿಗೆ ಹೋಲಿಸಿದರೆ ಸಕ್ರಿಯ ಪ್ರಕರಣಗಳ ಸಂಖ್ಯೆ ಬರೇ 5.13% ರಷ್ಟಿದೆ.

https://static.pib.gov.in/WriteReadData/userfiles/image/image002UWXJ.jpg

 

ಕೋವಿಡ್ -19 ಸೋಂಕಿನಿಂದ ಹೆಚ್ಚು ಜನರು ಗುಣಮುಖರಾಗುತ್ತಿದ್ದು, ಭಾರತದ ದೈನಿಕ ಚೇತರಿಕೆ/ಗುಣಮುಖ ಪ್ರಕರಣಗಳ ಸಂಖ್ಯೆ ಸತತ 24 ನೇ ದಿನವೂ  ದೈನಿಕ ಹೊಸ ಪ್ರಕರಣಗಳ ಸಂಖ್ಯೆಗಿಂತ ಹೆಚ್ಚಾಗಿದೆ. ಕಳೆದ 24 ಗಂಟೆಗಳಲ್ಲಿ 1,89,232 ಮಂದಿ ಗುಣಮುಖರಾಗಿದ್ದಾರೆ.

ಕಳೆದ 24 ಗಂಟೆಗಳಲ್ಲಿ ದೈನಿಕ ಹೊಸ ಪ್ರಕರಣಗಳಿಗೆ ಹೋಲಿಸಿದರೆ ಗುಣಮುಖ ಪ್ರಕರಣಗಳು 74,772 ರಷ್ಟು ಹೆಚ್ಚಾಗಿವೆ.

https://static.pib.gov.in/WriteReadData/userfiles/image/image003D8UY.jpg

 

ಸಾಂಕ್ರಾಮಿಕವು ಜಾಗತಿಕವಾಗಿ ಆರಂಭಗೊಂಡಂದಿನಿಂದ ಸೋಂಕಿತರಾಗಿದ್ದವರ 2,69,84,781 ಮಂದಿ ಈಗಾಗಲೇ ಕೋವಿಡ್ -19 ರಿಂದ ಗುಣಮುಖರಾಗಿದ್ದಾರೆ.  ಇದರಿಂದ  ಒಟ್ಟು  ಗುಣಮುಖ ದರ 93.67%, ಆಗಿದೆ, ಅದು ಹೆಚ್ಚಳದ ಪ್ರವೃತ್ತಿಯನ್ನು ದಾಖಲಿಸುತ್ತಿದೆ.

ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ ಒಟ್ಟು 20,36,311 ಪರೀಕ್ಷೆಗಳನ್ನು ನಡೆಸಲಾಗಿದೆ ಮತ್ತು ಭಾರತವು ಇದುವರೆಗೆ ಒಟ್ಟು 36.4 ಕೋಟಿ (36,47,46,522) ಪರೀಕ್ಷೆಗಳನ್ನು ನಡೆಸಿದೆ.
ಒಂದೆಡೆ ದೇಶಾದ್ಯಂತ ಪರೀಕ್ಷೆಗಳನ್ನು ಹೆಚ್ಚಿಸಲಾಗಿದ್ದರೆ, ಸಾಪ್ತಾಹಿಕವಾಗಿ ಪಾಸಿಟಿವ್ ಪ್ರಕರಣಗಳ ಸಂಖ್ಯೆಯಲ್ಲಿ ಇಳಿಕೆ ಕಂಡು ಬಂದಿದೆ. ಸಾಪ್ತಾಹಿಕ ಪಾಸಿಟಿವ್ ದರ ಪ್ರಸ್ತುತ 6.54% ಇದೆ, ದೈನಿಕ ಪಾಸಿಟಿವ್ ದರ ಇಂದು 5.62% ಆಗಿದೆ. ಅದು ಸತತ 13ನೇ ದಿನವೂ 10% ಗಿಂತ ಕೆಳಗಿದೆ.

https://static.pib.gov.in/WriteReadData/userfiles/image/image004R1Z2.jpg

ಇನ್ನೊಂದು ಪ್ರಮುಖ ಸಾಧನೆಯಲ್ಲಿ,  ದೇಶದಲ್ಲಿ ರಾಷ್ಟ್ರವ್ಯಾಪೀ ಲಸಿಕಾ ಆಂದೋಲನದ ಮೂಲಕ ಹಾಕಲಾದ ಕೋವಿಡ್ -19 ಲಸಿಕಾ ಡೋಸ್ ಗಳ ಒಟ್ಟು ಪ್ರಮಾಣ ಇಂದು 23 ಕೋಟಿ ದಾಟಿದೆ. ರಾಷ್ಟ್ರವ್ಯಾಪ್ತಿ ಲಸಿಕಾ ಆಂದೋಲನದ ಮೂಲಕ 23.13 ಕೋಟಿ ಲಸಿಕಾ ಡೋಸ್ ಗಳನ್ನು  ಹಾಕಲಾಗಿದೆ.  ಕಳೆದ 24 ಗಂಟೆಗಳಲ್ಲಿ  33,53,539 ಲಸಿಕಾ ಡೋಸ್ ಗಳನ್ನು ಹಾಕಲಾಗಿದೆ.

ಇಂದು ಬೆಳಿಗ್ಗೆ 7 ಗಂಟೆಯವರೆಗಿನ  ತಾತ್ಕಾಲಿಕ ವರದಿಗಳ ಪ್ರಕಾರ ಒಟ್ಟು 32,42,503 ಅಧಿವೇಶನಗಳ ಮೂಲಕ 23,13,22,417 ಲಸಿಕಾ ಡೋಸ್ ಗಳನ್ನು ಹಾಕಲಾಗಿದೆ.

ವಿವರಗಳು ಈ ಕೆಳಗಿನಂತಿವೆ:

ಎಚ್.ಸಿ.ಡಬ್ಲ್ಯು

1ನೇ ಡೋಸ್

99,63,790

2ನ್ ಡೋಸ್

68,55,261

ಎಫ್.ಎಲ್.ಡಬ್ಲ್ಯು.

1ನೇ ಡೋಸ್

1,61,65,342

2ನ್ ಡೋಸ್

86,62,859

18-44 ವರ್ಷ ವಯೋಗುಂಪಿನವರು

1ನೇ ಡೋಸ್

2,77,39,545

2ನ್ ಡೋಸ್

1,61,253

45 ರಿಂದ  60 ವರ್ಷ ವಯೋಗುಂಪಿನವರು

1ನೇ ಡೋಸ್

7,07,15,580

2ನ್ ಡೋಸ್

1,12,99,332

60ವರ್ಷಕ್ಕಿಂತ ಮೇಲ್ಪಟ್ಟವರು

1ನೇ ಡೋಸ್

6,05,54,245

2ನೇ ಡೋಸ್

1,92,05,210

ಒಟ್ಟು

23,13,22,417

 

***



(Release ID: 1724916) Visitor Counter : 333