କୋଭିଡ-୧୯ ବିରୋଧରେ ଲଢ଼େଇ କ୍ଷେତ୍ରରେ ଭାରତରେ ଏକ ଉତ୍ସାହଜନକ ଲକ୍ଷଣ କ୍ରମରେ ୪୦ ଦିନ ପରେ ଦୈନିକ ନୂଆ ସଂକ୍ରମଣ ୨ ଲକ୍ଷ ତଳକୁ ହ୍ରାସ ପାଇଛି (୨୦୨୧ ଏପ୍ରିଲ ୧୪ରେ ଦୈନିକ ନୂଆ ସଂକ୍ରମଣ ଥିଲା ୧,୮୪,୩୭୨) । ଗତ ୨୪ ଘଣ୍ଟା ମଧ୍ୟରେ ଦେଶରେ ୧,୯୬,୪୨୭ ନୂଆ କରୋନା ମାମଲା ଆସିଛି ।

ଦେଶରେ ଏବେ ମୋଟ ସକ୍ରିୟ କରୋନା ମାମଲା ମଧ୍ୟ ୨୫,୮୬,୭୮୨କୁ ହ୍ରାସ ପାଇଛି । ୨୦୨୧ ମେ ୧୦ ତାରିଖରେ ସକ୍ରିୟ ମାମଲା ଶୀର୍ଷରେ ଥିଲା ଏବଂ ଏହା ପରଠାରୁ ହ୍ରାସ ପାଉଛି । ଗତ ୨୪ ଘଣ୍ଟା ମଧ୍ୟରେ ସକ୍ରିୟ ମାମଲାରେ ସିଧାସଳଖ ,୩୩,୯୩୪ ହ୍ରାସ ପାଇଛି । ଏହା ଏବେ ଦେଶର ମୋଟ ପଜିଟିଭ୍ ମାମଲାର ୯.୬୦% ରହିଛି ।

ଭାରତରେ କ୍ରମାଗତ ଦ୍ୱାଦଶ ଦିନ ପାଇଁ ମଧ୍ୟ ଦୈନିକ ସୁସ୍ଥଙ୍କ ସଂଖ୍ୟା ଦୈନିକ ନୂଆ ସଂକ୍ରମଣ ମାମଲା ଠାରୁ ଅଧିକ ରହୁଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୩,୨୬,୮୫୦ ଜଣ ସୁସ୍ଥ ହୋଇଛନ୍ତି ।

ଭାରତରେ କରୋନାରୁ ମୋଟ ସୁସ୍ଥଙ୍କ ସଂଖ୍ୟା ୨,୪୦,୫୪,୮୬୧ରେ ପହଞ୍ଚିଛି । ଜାତୀୟ ସୁସ୍ଥତା ହାର ଆହୁରି ବୃଦ୍ଧି ପାଇ ୮୯.୨୬%ରେ ପହଞ୍ଚିଛି ।

ଗତ ୨୪ ଘଣ୍ଟାରେ ଦେଶରେ ୨୦,୫୮,୧୧୨ ନମୁନା ଟେଷ୍ଟ ହୋଇଛି ଏବଂ ମୋଟ ଟେଷ୍ଟ ସଂଖ୍ୟା ୩୩,୨୫,୯୪,୧୭୬ରେ ପହଞ୍ଚିଛି । ଦୈନିକ ପଜିଟିଭିଟି ହାର ଏବେ ହ୍ରାସ ପାଇ ୯.୫୪%ରେ ପହଞ୍ଚିଛି ।

ଆଜି ସକାଳ ୭ଟା ସୁଦ୍ଧା ମୋଟ ୨୮,୪୧,୧୫୧ ସେସନରେ ୧୯,୮୫,୩୮,୯୯୯ ଡୋଜ୍ ଟିକା ଦିଆଯାଇଛି । ଏହା ମଧ୍ୟରେ ରହିଛି, ୯୭,୭୯,୩୦୪ ଜଣ ଏଚସିଡବ୍ଲୁଙ୍କୁ ପ୍ରଥମ ଡୋଜ୍, ୬୭,୧୮,୭୨୩ ଜଣ ଏଚସିଡବ୍ଲୁଙ୍କୁ ଦ୍ୱିତୀୟ ଡୋଜ୍, ୧,୫୦,୭୯,୯୬୪ ଜଣ ଏଫଏଲଡବ୍ଲୁଙ୍କୁ ପ୍ରଥମ ଡୋଜ୍, ୮୩,୫୫,୯୮୨ ଜଣ ଏଫଏଲଡବ୍ଲୁଙ୍କୁ ଦ୍ୱିତୀୟ ଡୋଜ୍, ୧୮-୪୪ ବର୍ଷ ବର୍ଗର ୧,୧୯,୧୧,୭୫୯ ଜଣଙ୍କୁ ପ୍ରଥମ ଡୋଜ୍ ଏବଂ ୪୫ରୁ ୬୦ ବର୍ଷ ବର୍ଗର ୬,୧୫,୪୮,୪୮୪ ଜଣଙ୍କୁ ପ୍ରଥମ ଡୋଜ୍ ଓ ୯୯,୧୫,୨୭୮ ଜଣଙ୍କୁ ଦ୍ୱିତୀୟ ଡୋଜ୍ ଟିକା । ୬୦ ବର୍ଷରୁ ଅଧିକ ବୟସର ୫,୬୯,୧୫,୮୬୩ ଜଣଙ୍କୁ ପ୍ରଥମ ଡୋଜ୍ ଓ ୧,୮୩,୧୩,୬୪୨ ଜଣଙ୍କୁ ଦ୍ୱିତୀୟ ଡୋଜ୍ ଟିକା ମଧ୍ୟ ଦିଆଯାଇଛି ।

ଗତ ୨୪ ଘଣ୍ଟା ମଧ୍ୟରେ ୧୮-୪୪ ବର୍ଷ ବର୍ଗର ଲୋକଙ୍କୁ ୧୨.୮୨ ଲକ୍ଷ ଡୋଜ୍ ଟିକା ଦିଆଯାଇଛି । ୨୦୨୧ ମେ ୧ରେ ଦେଶବ୍ୟାପୀ ଉଦାରୀକରଣ ଦରରେ ଟିକାକରଣ ଅଭିଯାନ ଆରମ୍ଭ ହେବା ପରେ ଏହା ସର୍ବାଧିକ ।

SR