કોવિડ-19 મહામારી સામેની જંગમાં પ્રોત્સાહક સંકેત રૂપે, 40 દિવસના અંતરાલ પછી દૈનિક ધોરણે નવા નોંધાયેલા કેસોનો આંકડો પ્રથમ વખત 2 લાખથી ઓછો (14 એપ્રિલ 2021ના રોજ દૈનિક ધોરણે નવા નોંધાયેલા કેસની સંખ્યા 1,84,372 હતી) રહ્યો છે. છેલ્લા 24 કલાકમાં નવા 1,96,427 દર્દીઓ નોંધાયા છે.

સંયુક્ત રીતે, દેશમાં સક્રિય કેસોનું ભારણ ઘટીને હવે 25,86,782 થઇ ગયું છે. 10 મે 2021ના રોજ સર્વાધિક સક્રિય કેસો નોંધાયા પછી તેના ભારણમાં એકધારો ઘટાડો નોંધાઇ રહ્યો છે. છેલ્લા 24 કલાકમાં દેશમાં કુલ સક્રિય કેસોની સંખ્યામાં 1,33,934 દર્દીનો ચોખ્ખો ઘટાડો નોંધાયો છે. દેશમાં નોંધાયેલા કુલ પોઝિટીવ કેસોમાંથી હવે સક્રિય કેસોની સંખ્યા 9.60% રહી છે.

ભારતમાં છેલ્લા 12 દિવસથી સળંગ દૈનિક ધોરણે નવા નોંધાઇ રહેલા પોઝિટીવ કેસોની સરખામણીએ નવા સાજા થતા કેસોનો આંકડો વધારે નોંધાઇ રહ્યો છે. છેલ્લા 24 કલાકમાં 3,26,850 દર્દીઓ સાજા થયા છે.

ભારતમાં કુલ સાજા થયેલા કેસોનો આંકડો વધીને આજે 2,40,54,861 સુધી પહોંચી ગયો છે. રાષ્ટ્રીય સરેરાશ સાજા થવાનો દર 89.26% સુધી પહોંચી ગયો છે.

છેલ્લા 24 કલાકમાં દેશમાં કુલ 20,58,112 પરીક્ષણો કરવામાં આવ્યા છે અને દેશમાં આજદિન સુધીમાં સંયુક્તરૂપે કરવામાં આવેલા કુલ પરીક્ષણોનો આંકડો 33,25,94,176 થયો છે. દૈનિક પોઝિટીવિટી દર ઘટીને આજે 9.54% સુધી પહોંચી ગયો છે.

આજે સવારે 7 વાગે પ્રાપ્ત થયેલા હંગામી અહેવાલ અનુસાર દેશભરમાં આજદિન સુધીમાં સંયુક્ત રીતે કુલ 28,41,151 સત્રોનું આયોજન કરીને રસીના કુલ 19,85,38,999 ડોઝ આપવામાં આવ્યા છે. આમાંથી 97,79,304 HCWs એ પ્રથમ ડોઝ અને 67,18,723 HCWs એ બીજો ડોઝ લીધો છે. આ ઉપરાંત, 1,50,79,964 FLWs એ પ્રથમ ડોઝ અને 83,55,982 FLWs એ બીજો ડોઝ લીધો છે. 18થી 44 વર્ષના વયજૂથના 1,19,11,759 લાભાર્થીએ પ્રથમ ડોઝ લીધો છે, 45 થી 60 વર્ષ સુધીના વયજૂથમાં 6,15,48,484 લાભાર્થીએ પ્રથમ ડોઝ અને 99,15,278 લાભાર્થીએ બીજો ડોઝ લીધો છે અને 60 વર્ષથી વધુ ઉંમરના 5,69,15,863 લાભાર્થીએ પ્રથમ ડોઝ જ્યારે 1,83,13,642 લાભાર્થીએ બીજો ડોઝ લીધો છે.

છેલ્લા 24 કલાકમાં 18 થી 44 વર્ષના વયજૂથના લાભાર્થીઓમાં રસીના 12.82 લાખ ડોઝ આપવામાં આવ્યા છે. 1 મે 2021ના રોજ ઉદારીકૃત કિંમતો અને પ્રવેગિત રાષ્ટ્રીય કોવિડ-19 રસીકરણ વ્યૂહનીતિનો અમલ કરવામાં આવ્યો ત્યારથી આજદિન સુધીમાં એક દિવસમાં આ સૌથી વધારે ડોઝ આપવામાં આવ્યા છે.

SD/GP