नवी दिल्ली/मुंबई 13 मे 2021

आरोग्य मंत्रालयाची कोविड-19  घडामोडींवरील माहिती

कोविड परिस्थितीच्या व्यवस्थापनासाठी तसेच देशांतर्गत वैद्यकीय यंत्रणा बळकट राहावी याकरता जगभरातून येत असलेल्या मदतीचे तत्पर आणि सुविहित वाटप केन्द्र सरकार, राज्ये आणि केन्द्र शासित प्रदेशांना करत आहे.

एकूण, 9,284 ऑक्सीजन कॉन्सेट्रेटर्स; 7,033 ऑक्सीजन सिलेंडर्स; 19 ऑक्सीजन जनरेशन प्लांट्स; 5,933 व्हेंटिलेटर्स/ बाय पीएपी  आणि  3.44 लाखांपेक्षा जास्त रेडमडीसीवीर वायल्स आदी साहित्य  रस्ते आणि हवाई मार्गे आतापर्यंत पाठवले आहेत.

दुसरीकडे, आतापर्यंत देशभरात कोविड-19 प्रतिबंधक लसीकरणाअंतर्गत  17.72 कोटींपेक्षा जास्त मात्रा देण्यात आल्या आहेत. सध्या लसीकरणाचा देशव्यापी तिसरा टप्पा सुरु आहे.

ताज्या अहवालानुसार आज सकाळी सात वाजेपर्यंत कोविड 19 प्रतिबंधक लशींच्या एकूण 17,72,14,256 मात्रा, 25,70,537 सत्रांमधून देण्यात आल्या आहेत. यात 96,00,420 आरोग्य क्षेत्रातील कर्मचारी ज्यांनी पहिली मात्रा घेतली आहे आणि  65,70,062 आरोग्य क्षेत्रात कार्यरत कर्मचारी ज्यांनी दुसरी मात्रा घेतली आहे, 1,42,34,793 आघाडीवर कार्यरत कर्मचारी ( पहिली मात्रा), 80,30,007 आघाडीवर कार्यरत कर्मचारी (दुसरी मात्रा), 34,80,618 लाभार्थी जे  18-45 वयोगटातील आहेत (पहिली मात्रा), तर 45 ते 60 वयोगटातील 5,62,43,308 (पहिली मात्रा) आणि  81,58,535 (दुसरी मात्रा). तसेच 60 वर्षांपेक्षा जास्त वयोगटातील 5,40,99,241 लाभार्थींना पहिली मात्रा आणि 1,67,97,272 लाभार्थींना दुसरी मात्रा देण्यात आली आहे.

देशामधील दहा राज्यात एकूण लशींपैकी 66.73% मात्रा देण्यात आल्या आहेत.

गेल्या 24 तासात 18-44 वयोगटातील 4,31,285 लाभार्थ्यांना कोविड-19 प्रतिबंधक लसाची पहिली मात्रा देण्यात आली. तर आतापर्यंत तिसऱ्या टप्प्यातल्या लसीकरण मोहिमेत 18ते 44 वयोगटातील एकूण 34,80,618 लाभार्थ्यांचे लसीकरण झाले आहे. यात 30 राज्ये/ केन्द्र शासित प्रदेशांचा समावेश आहे.

गेल्या 24 तासात सुमारे 19 लाख लशींच्या मात्रा देण्यात आल्या. लसीकरणाच्या-117 व्या दिवशी (12 मे, 2021), 18,94,991 लशीच्या मात्रा देण्यात आल्या. 17,684 सत्रांमध्ये, 9,98,409 लशीची पहिली मात्रा आणि 8,96,582 लाभार्थ्यांना दुसरी मात्रा देण्यात आली

दिनांक: 12 मे,2021 (दिवस-117)

देशभरात एकूण 1,97,34,823 जण आज कोरोनामुक्त झाले. राष्ट्रीय कोरोनामुक्ती दर 83.26% वर पोहचला आहे.

गेल्या 24 तासात 3,52,181 जण कोरोनामुक्त झाले. कोरानामुक्त झालेल्या नवीन प्रकरणांपैकी  72.90% प्रकरणे, दहा राज्यामधील आहेत.

भारतातील एकूण सक्रीय रुग्णांची संख्या आज 37,10,525 वर पोहचली आहे. यात आता देशातील एकूण सक्रीय रुग्णांपैकी  15.65% प्रकरणांचा समावेश आहे. देशातील एकूण सक्रीय रुग्णांपैकी 79.67% रुग्ण हे 12 राज्यांमधे आहेत.

गेल्या 24 तासात 3,62,727  नव्या रुग्णांची नोंद झाली आहे.

गेल्या 24 तासात दहा राज्यांमधे 72.42% नव्या रुग्णांची नोंद झाली.

महाराष्ट्रात सर्वाधिक 46,781 दैनंदिन नव्या रुग्णांची नोंद झाली त्यानंतर केरळ 43,529 तर कनार्टकात 39,998 नवे रुग्ण आढळले.

राष्ट्रीय मृत्यूदर 1.09% वर कायम आहे गेल्या 24 तासात 4,120 मृत्यूंची नोंद झाली. दहा राज्यांमधे 74.30% नवे मृत्यू झाले. महाराष्ट्रात सर्वाधिक (816). कर्नाटकात 516 दैनंदिन मृत्यूंची नोंद झाली.

इतर अपडेट्स :

• सुमारे एका वर्षाहून,अतिशय कमी कालावधीत आरोग्य आणि कुटुंब कल्याण मंत्रालयाच्या   (एमएचएफडब्ल्यूच्या)  नॅशनल टेलीमेडिसिन सर्व्हिस (  ई-संजीवनी) या वैशिष्ट्यपूर्ण  सेवेद्वारे 50  लाखांपेक्षाही अधिक (अर्ध्या कोटींपेक्षा जास्त) रुग्णांना सेवा दिली आहे.
• देशाचे राष्ट्रीय नियामक,भारतीय औषध महानियंत्रक(डीसीजीआय) यांनी  काळजीपूर्वक तपासणी केल्यानंतर, विषय तज्ञ समिती (एसईसी) ची शिफारस मान्य केली आहे आणि  12.05.2021 रोजी लस उत्पादक भारत बायोटेक लिमिटेडला 2 ते  18 वर्षे वयोगटासाठी कोवॅक्सीन (कोविड प्रतिबंधक लस ) ची दुसऱ्या/ तिसऱ्या टप्यातील मानवी चाचणी घेण्यासाठी परवानगी दिली.
• गेल्या वर्षभरापासून ‘संपूर्ण सरकार’या दृष्टिकोनातून रुग्णालयात उपचार घेणाऱ्या कोविड रूग्णांच्या प्रभावी व्यवस्थापनासाठी राज्य सरकार आणि केंद्रशासित प्रदेशांच्या प्रयत्नांना केंद्र सरकार पाठिंबा देत आहे.  रुग्णालयात अस्तित्वात असलेल्या पायाभूत सुविधा वाढविण्यासाठी, केंद्र सरकार एप्रिल 2020 पासून राज्य/ केंद्रशासित प्रदेश/ केंद्रीय रुग्णालये/संस्थांना व्हेंटिलेटर्ससह  आवश्यक वैद्यकीय उपकरणे खरेदी आणि उपलब्ध करून देत आहे.
• डॉ.एन. के. अरोरा यांच्या अध्यक्षतेखालील कोविड कार्यकारी गटाने, कोव्हीशील्ड लसीच्या पहिल्या आणि दुसऱ्या मात्रेमधील अंतर 12 ते 16 आठवड्यांपर्यंत वाढवण्याची शिफारस केली आहे. कोव्हीशिलड लसीच्या दोन मात्रांमधील विद्यमान अंतर 6-8 आठवडे आहे.
• देशातील अभूतपूर्व कोविड लाटेशी सामना करण्याच्या प्रयत्नांना बळ देण्यासाठी म्हणून 27 एप्रिल 2021 पासून भारत सरकारला विविध देश आणि संस्थांकडून आंतरराष्ट्रीय देणग्या आणि कोविड-19 वरील उपचारांसाठी वैद्यकीय साधनसामग्री प्राप्त होत आहे.
• प्रसारमाध्यमांच्या एका स्तरामधून काही वृत्त प्रसिद्ध करण्यात येत आहेत आणि त्यांनंतर काही अज्ञात ट्वीटच्या माध्यमातून असे आरोप करण्यात येत आहेत की कोवॅक्सीनला परवाना देण्यासाठी विलंब करण्यात आला आणि देशात कोवॅक्सीन लस तयार करण्यासाठी तंत्रज्ञानाच्या हस्तांतरणाला मंजूरी देण्यात उशीर करण्यात आला.
• सर्व अडचणींवर मात करत आणि नवे पर्याय शोधत भारतीय रेल्वे देशभरातील राज्यांना द्रवरूप ऑक्सिजनचा पुरवठा करत आहे. आतापर्यंत भारतीय रेल्वेने देशभरातील विविध राज्यांना जवळपास 7115 मेट्रीक टन द्रवरुप ऑक्सिजन 444 पेक्षा जास्त टँकर्स मधून पुरवला आहे.
• कोविड 19 विरुद्ध देशाचा लढा अधिक बळकट करण्यासाठी देशातील विमानतळे दररोज देशभरात वैद्यकीय आवश्यक सामग्री आणि उपकरणांची वाहतूक करत आहेत. भारतीय विमानतळ  प्राधिकरणाचे भुवनेश्वर विमानतळ आणि संबंधित भागधारक अहोरात्र  वैद्यकीय उपकरणे आणि सामग्रीची अविरत वाहतूक सुलभ करून सक्रिय भूमिका बजावत आहेत.

महाराष्ट्र अपडेट्स :-

महाराष्ट्र सरकारने सध्या राज्यात लागू असलेले कोविड संबधित प्रतिबंधात्मक निर्बंध 1 जून 2021 च्या सकाळी 7 वाजे पर्यंत वाढवले आहेत. राज्य सरकारने राज्यात प्रवेश करणाऱ्यांसाठी त्यांचा RT-PCR अहवाल नकारात्मक असणे अनिवार्य केले आहे. राज्यात प्रवेश करू इच्छिणाऱ्यांनी प्रवेशाआधी 48 तास या निदानाचा अहवाल काढलेला असला पाहिजे.

लसींच्या तुटवड्यामुळे महाराष्ट्र सरकारने 18 ते 44 वयोगटातील व्यक्तींसाठीची लसीकरण मोहिम तात्पुरती स्थगित केली आहे.  या वयोगटासाठी खरेदी केलेले सर्व डोस 45 वर्षांवरील वयोगटातील लोकांना देण्यासाठी वापरण्याचा निर्णय राज्य मंत्रिमंडळाने घेतला आहे असे राज्याच्या आरोग्यमंत्र्यांनी स्पष्ट केले.

गोवा अपडेट्‌स:-

राज्यात प्रवेशासाठी नकारात्मक कोविड-19 अहवाल अनिवार्य करावा या उच्च न्यायालयाच्या निर्देशांचे कडक पालन होत असल्याची खात्री करून घेण्यासाठी गोवा पोलिसांनी राज्यातील सीमांवरील गस्त वाढवली आहे. गोवा वैद्यकीय महाविद्यालयाला ऑक्सिजनचा पुरेसा पुरवठा करणारा करार केल्यानंतर गोवा सरकारने खाजगी रुग्णालये व प्राथमिक उपचार केंद्रांवरील ऑक्सिजन पुरवठ्याचा आढावा घेण्यास सुरुवात केली आहे.

Jaydevi PS/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com