नवी दिल्ली/मुंबई 12 मे 2021

#Unite2FightCorona

#IndiaFightsCorona

PRESS INFORMATION BUREAU

MINISTRY OF INFORMATION AND BROADCASTING

GOVERNMENT OF INDIA

आरोग्य मंत्रालयाची कोविड-19 शी संबंधित घडामोडींवरील माहिती

भारतातील एकूण कोविड सक्रीय रुग्णांची संख्या कमी होत असून आता ती 37,04,099 झाली आहे. देशातील एकूण सक्रीय रुग्णसंख्येच्या ती 15.87% इतकी आहे.

गेल्या 24 तासांत कोविड सक्रीय रुग्णसंख्येत 11,122 नी घसरण झाली आहे. सक्रीय रुग्णसंख्येत घसरण होण्याचा आजचा सलग दुसरा दिवस आहे.

देशातील एकूण सक्रीय रुग्णांपैकी 82.51% रुग्ण हे देशातील 13 राज्यांमधील आहेत.

भारतात आतापर्यंत कोविड मुक्त झालेल्यांची संख्या आजमितीला 1,93,82,642 इतकी आहे तर राष्ट्रीय रोगमुक्ती दर 83.04% इतका आहे.

गेल्या 24 तासांत 3,55,338 रुग्ण कोविडमधून मुक्त झाले.

सलग दुसऱ्या दिवशी रोगमुक्त झालेल्यांची संख्या दैनंदिन पातळीवर नव्याने बाधित झालेल्यांपेक्षा जास्त होती.

71.58% रुग्ण हे देशाच्या दहा राज्यांमधील आहेत.

“संपूर्णतः सरकार” दृष्टीकोनाच्या माध्यमातून राज्य सरकारांच्या कोविड व्यवस्थापनाच्या प्रयत्नांना पाठबळ पुरविण्यासाठी भारत सरकार जागतिक पातळीवरून आलेल्या मदतीचे अत्यंत तातडीने वितरण करीत आहे. भारताला केलेल्या जागतिक मदतीच्या रूपाने, राज्ये आणि केंद्रशासित प्रदेशांच्या कोविड प्रतिसादाला बळकट करून मदत करण्यासाठी आतापर्यंत एकूण 9,200 ऑक्सिजन कॉन्सन्ट्रेटर्स, 5,243 ऑक्सिजन सिलेंडर्स, 19 ऑक्सिजन निर्मिती संयंत्रे, 5,913 व्हेन्टिलेटर्स/बाय पॅप, रेमडेसिवीर औषधाच्या सुमारे 3.44 लाख कुप्या प्राप्त झाल्या आहेत. केंद्र सरकार, राज्ये आणि केंद्रशासित प्रदेशांना जागतिक मदतीचे सुरळीत आणि जलद वितरण सुनिश्चित करण्यासाठी वेगवान सीमा शुल्क विभाग मंजुरी आणि हवाई तसेच रस्ते मार्गांचा वापर करीत आहे.

दुसरीकडे, राष्ट्रव्यापी कोविड प्रतिबंधक लसीकरण मोहिमेच्या तिसऱ्या टप्प्याचा विस्तार होत असताना देशातील लसीकरण झालेल्यांच्या एकूण संख्येने 17.52 कोटींचा आकडा पार केला आहे.

आज सकाळी 7 वाजेपर्यंतच्या आकडेवारीच्या अंतरिम अहवालानुसार, देशात आज एकूण 25,47,534 सत्रांच्या आयोजनाच्या माध्यमातून कोविड लसीच्या 17,52,35,991 मात्रा देण्यात आल्या आहेत. यामध्ये लसीची पहिली मात्रा घेतलेले 95,82,449 आरोग्य सेवा कर्मचारी तर लसीची दुसरी मात्रा घेतलेले 65,39,376 आरोग्य सेवा कर्मचारी, 1,41,49,634 आघाडीवरील कर्मचारी (पहिली मात्रा), 79,52,537 आघाडीवरील कर्मचारी (दुसरी मात्रा), 18 ते 45 वर्षे वयोगटातील 30,44,463 लाभार्थी (पहिली मात्रा) तसेच 45 ते 60 वर्षे या वयोगटातील 5,58,83,416 लाभार्थी (पहिली मात्रा) आणि 78,36,168 लाभार्थी (दुसरी मात्रा) तसेच 60 वर्षांहून जास्त वयाचे 5,39,59,7721 लाभार्थी (पहिली मात्रा) आणि 1,62,88,176 लाभार्थी (दुसरी मात्रा) यांचा समावेश आहे.

इतर अपडेटस्

• कोरोना विषाणूच्या B.1.617 या प्रकाराचा समावेश जागतिक आरोग्य संघटनेने जागतिक चिंताजनक प्रकारामध्ये केल्याचे वृत्त अनेक प्रसारमाध्यमांमधून प्रसिद्ध झाले आहे. यापैकी काही माध्यमांनी B.1.617 हा कोरोना विषाणू म्हणजे “भारतीय प्रकार” असल्याचे म्हटले आहे. मात्र, हे वृत्त पूर्णपणे चुकीचे आणि निराधार आहे. जागतिक आरोग्य संघटनेने कोरोना विषाणूच्या B.1.617 या प्रकाराविषयी दिलेल्या आपल्या 32 पानी माहितीमध्ये विषाणूचा हा प्रकार भारतीय असल्याचे म्हटलेले नाही. प्रत्यक्षात या अहवालात “भारतीय” हा शब्दच वापरलेला नाही.

• डीआरडीओ अर्थात संरक्षण संशोधन आणि विकास संस्थेने विकसित केलेल्या 'ऑक्सिकेअर' यंत्रणेची 1,50,000 एकके, 322.5 कोटी रुपये खर्चून खरेदी करण्यास पीएम केअर्स निधीने मान्यता दिली आहे. ऑक्सिकेअर ही रक्तातील ऑक्सिजनच्या पातळीनुसारचा ऑक्सिजनचा पुरवठा करणारी यंत्रणा असून, पुरवठा सुरु असताना रुग्णाच्या रक्तातील ऑक्सिजनची पातळी लक्षात घेऊन त्याप्रमाणे ती स्वतःच मात्रेचे नियमन करू शकते. पीएम केअर्स निधीने दिलेल्या मंजुरीनुसार 1,00,000 मानवसंचलित आणि 50,000 स्वयंचलित एकके आणि नॉन-रिब्रीदर प्रकारचे ऑक्सिजन पुरवठ्यास उपयुक्त असे मास्क खरेदी करण्यात येत आहेत.

• जागतिक समुदाय सद्भावनेने 27 एप्रिल 2021 पासून देणगी स्वरूपात तसेच कोविड -19 प्रतिबंधक वैद्यकीय सामुग्री आणि उपकरणांचा पुरवठा करून कोविड व्यवस्थापनातील आव्हानांना तोंड देण्यासाठी भारताला मदत करत आहे. संपूर्णतः सरकार दृष्टीकोनाअंतर्गत सुव्यस्थित आणि पद्धतशीर यंत्रणेच्या माध्यमातून केंद्र सरकारची विविध मंत्रालये तसेच विभाग संयुक्त सहकार्यातून, कोविड विरुद्ध लढ्यात भारताच्या प्रयत्नांना बळ देण्यासाठी जगभरातून प्राप्त मदत सामग्रीचे अखंडितपणे वितरण करत आहेत. 27 एप्रिल 2021 ते 10 मे 2021 या काळात एकूण 9,284 ऑक्सिजन कॉन्सन्ट्रेटर्स,7,033 ऑक्सिजन सिलेंडर्स, 19 ऑक्सिजन निर्मिती संयंत्रे, 5,933 व्हेन्टिलेटर्स/बीआय पीएपी; रेमडेसिवीर औषधाच्या सुमारे 3.44 लाख कुप्या यांचे रस्ते तसेच हवाई वाहतुकीच्या माध्यमातून वितरण झाले आहे किंवा ते सामान वितरणासाठी रवाना झाले आहे.

• सध्या कोरोना विषाणूमुळे आलेल्या महामारीच्या दुसऱ्या लाटेचा संपूर्ण देशावर झालेला परिणाम आणि वैद्यकीय सुविधांमध्ये तसेच घरात उपचार घेणाऱ्या रुग्णांसाठी वाढती ऑक्सिजनची मागणी लक्षात घेऊन केंद्रीय उर्जा मंत्रालयाने राज्यांमधील ऑक्सिजन निर्मिती प्रकल्पांना अहोरात्र अखंडितपणे वीज पुरवठा होईल याची सुनिश्चिती करून घेण्यासाठी अनेक सक्रीय प्रतिबंधात्मक आणि उपकारक उपाययोजना हाती घेतल्या आहेत. उर्जा मंत्रालयाने परिचालन परीक्षणासाठी देशभरातील प्रमुख 73 ऑक्सिजन निर्मिती प्रकल्प निश्चित केले आहेत यापैकी 13 प्रकल्प राष्ट्रीय राजधानी क्षेत्र विभागात ऑक्सिजनचा पुरवठा करतात.

• वाणिज्य आणि उद्योग, रेल्वे, ग्राहक व्यवहार आणि अन्न व सार्वजनिक वितरण मंत्री श्री पीयूष गोयल यांनी आज सांगितले की, व्यापार आणि गुंतवणूक संरक्षणासंदर्भातील संतुलित, महत्वाकांक्षी, सर्वसमावेशक आणि परस्पर लाभाच्या करारासाठी वाटाघाटी सुरू करण्यात भारताला अधिक प्रशस्त वाटते. जागतिक आर्थिक मंचाच्या जागतिक व्यापार दृष्टीकोन या सत्रामध्ये बोलताना ते म्हणाले की, क्षेत्रीय व्यापक आर्थिक भागीदारी (आरसीईपी) हा करार संतुलित नव्हता त्यामुळे भारतातील शेतकरी, आमचे सूक्ष्म, लघु, मध्यम उद्योग , दुग्ध उद्योग क्षेत्र दुखावले गेले असते आणि म्हणूनच क्षेत्रीय व्यापक आर्थिक भागीदारी आरसीईपीमध्ये सहभागी न होणे भारतासाठी योग्य होते.

• कोविड आपत्तीमध्ये सुरु असलेल्या मदतकार्याचा भाग म्हणून भारतीय नौदलाने सुरु केलेल्या ‘समुद्र सेतू 2’ या मोहिमेअंतर्गत, वैद्यकीय वापरासाठीचा प्रत्येकी 20 मेट्रिक टन द्रवरूप ऑक्सिजन भरलेले दोन क्रायोजेनिक कंटेनर्स आणि 230 ऑक्सिजन सिलेंडर्स आणणारे भारतीय नौदलाचे आय.एन.एस.तरकश हे जहाज, आज, 12 मे 2021 रोजी मुंबईत पोहोचले. फ्रान्सच्या “ऑक्सिजन एकता सेतू” अभियानातून हे ऑक्सिजन कंटेनर्स देण्यात आले आहेत तर कतार मध्ये स्थायिक भारतीय समुदायाने भारताला भेट म्हणून ऑक्सिजन सिलेंडर्स पाठविले आहेत. आयएनएस तरकश जहाजावरून आलेला माल महाराष्ट्राच्या नागरी प्रशासनाकडे सोपविण्यात आला आहे.
• देशातील कोविड-19 ची परिस्थिती हाताळण्यासाठी स्थानिक नागरी प्रशासनाला प्राणवायू तसेच इतर वैद्यकीय मदत पोचवण्यास भारतीय हवाई दल आणि भारतीय नौदल अष्टौप्रहर कार्यरत आहेत. 12 मे 2021 रोजी सकाळी भारतीय हवाईदलाने 6856 मेट्रीक टन क्षमतेचे 403 ऑक्सिजनचे सिलेंडर्स, 163 मेट्रीक टन क्षमतेची इतर उपकरणे देशातील विविध भागांमध्ये 634 लढावू विमानांमधून पाठवले. जामनगर, भोपाळ, चंदीगढ पानगढ, इंदोर, रांची, आग्रा, जोधपूर, बेगमपेठ, भुवनेश्वर, पुणे, सुरत, रायपूर, उद्यपुर, मुंबई, लखनौ, नागपूर, ग्वाल्हेर, विजयवाडा, बडोदे, दिमापूर व हिंडन या शहरांमध्ये ही मदत पोचवण्यात आली.

• कोविड-19 संसर्गाच्या दुसऱ्या लाटेशी सुरु असलेल्या देशाच्या लढ्यात पहिल्या फळीत सज्ज असलेल्या आरोग्य सेवा व्यावसायिकांमध्ये MNS अर्थात लष्करी नर्सिंग सेवेतील अधिकारी देखील समाविष्ट आहेत. कोविड -19 रुग्णांना वैद्यकीय सेवा पुरविण्यासाठी संरक्षण दलाच्या विविध रुग्णालयांमध्ये हे अधिकारी कर्तव्य बजावीत आहेत. DRDO अर्थात संरक्षण संशोधन आणि विकास संस्थेने दिल्ली, लखनौ, अहमदाबाद, वाराणसी आणि पाटणा या ठिकाणी नव्याने उभारलेल्या कोविड-19 रुग्णालयांमध्ये MNS चे 294 अधिकारी नेमण्यात आले आहेत.

• सर्व अडचणींवर मात करत आणि नवे उपाय योजत, भारतीय रेल्वे वैद्यकीय वापरासाठीचा द्रवरूप ऑक्सिजन देशभरातील विविध राज्यांना पोचवण्याच्या कामी मदत करत आहे. आतापर्यंत भारतीय रेल्वेने जवळपास 6260 मेट्रीक टन वैद्यकीय वापरासाठीचा द्रवरुप ऑक्सिजन चे 396 टँकर्स देशभरातील विविध राज्यांना पोचवले आहेत. काल रोजी ऑक्सिजन एक्स्प्रेसनी देशभरात जवळपास 800 मेट्रीक टन ऑक्सिजन पोहोचवला. आता पर्यंत 100 ऑक्सिजन एक्स्प्रेसनी ही सेवा बजावली असून विविध राज्यांना मदत पोचवली आहे. मदतीची विनंती करणाऱ्या सर्व राज्यांना शक्य तेवढा वैद्यकीय वापराचा द्रवरूप ऑक्सिजन कमीत कमी वेळात पोचवण्याचा भारतीय रेल्वेचा प्रयत्न आहे. हे प्रसिद्ध होईपर्यंत महाराष्ट्रात 407 मेट्रीक टन, उत्तरप्रदेशात जवळपास 1680 मेट्रीक टन, मध्यप्रदेशात 360 मेट्रीक टन, हरयाणात 939 मेट्रीक टन, तेलंगणात 123 मेट्रीक टन, राजस्थानात 40 मेट्रीक टन, कर्नाटकात 120 मेट्रीक टन तर दिल्लीत 2404 मेट्रीक टन ऑक्सिजन उतरवण्यात आला आहे.

• देशातील काही राज्यांमध्ये, अ‍ॅम्फोटेरिसिन बी या औषधाच्या मागणीत अचानक वाढ दिसून आली आहे, जे औषध म्हणून डॉक्टरांद्वारे रुग्णांना कोविडपश्चात म्युकरमायकोसीस या गुंतागुंतिच्या आजाराने ग्रस्त रुग्णांना, घेण्यास सूचित केले जात आहे. या कारणास्तव, भारत सरकार या औषध उत्पादकांसोबत त्याचे उत्पादन वाढवण्यासाठी बोलणी करीत आहे. या औषधाची अतिरिक्त आयात करून तसेच स्थानिक उत्पादनात वाढ करत पुरवठ्याच्या स्थितीत सुधारणा होण्याची अपेक्षा आहे. उत्पादक / आयातदार यांच्याकडे असलेल्या शिल्लक साठ्याच्या स्थितीचा आढावा घेतल्यानंतर आणि 11 मे 2021 रोजी औषध विभागातील अ‍ॅम्फोटेरिसिन बी या औषधाच्या मागणीचा पाहिल्यानंतर राज्य आणि केंद्रशासित प्रदेशांमध्ये हे औषध वाटप अपेक्षित पुरवठ्यानुसार दिनांक 10 मे ते 31 मे, 2021 पर्यंत उपलब्ध केले जाईल. सरकारी, खाजगी रुग्णालये आणि आरोग्य सेवा संस्थांमधून समान प्रमाणात पुरवठ्याचे वितरण करण्यासाठी एक यंत्रणा तयार करण्याची विनंती राज्यांना करण्यात आली आहे. या वाटपातील औषध मिळविण्यासाठी खाजगी आणि शासकीय रुग्णालयांतून संपर्क रुग्णांच्या सोयीसाठी सार्वजनिकपणे जाहीर करण्याचे आदेश राज्यांना देण्यात आले आहेत. याव्यतिरीक्त राज्यांना अशी विनंती करण्यात आली आहे, की यापूर्वी पुरवठा केला गेलेला साठा आणि उपलब्ध असलेला साठा यांचा काटेकोरपणे वापर करावा. राष्ट्रीय औषध मूल्यांकन प्राधिकरण (नॅशनल फार्मास्युटिकल्स प्राइसिंग अथॉरिटी ,एनपीपीए) यांच्याद्वारे पुरवठ्याच्या व्यवस्थेचे परीक्षण केले जाईल.

महाराष्ट्र अपडेट्स :-

18 ते 44 वर्षे वयोगटासाठीचा कोव्हॅक्सिनच्या मात्रांचा साठा, 45 वर्षापुढील व्यक्तींच्या दुसऱ्या मात्रेसाठी वळविण्याचे निर्देश राज्य सरकारने दिल्यानंतर, बृहन्मुंबई महानगरपालिका (बीएमसी) लहान वयोगटाला कोव्हिशील्ड लसीच्या मात्रा देणे सुरूच ठेवेल असे पालिकेने जाहीर केले आहे. बीएमसी येत्या आठवड्यात दोन दिवस दुसरी मात्रा देण्यासाठी राखीव ठेवण्याची शक्यता आहे. महाराष्ट्राचे प्राणवायू प्रतिमान (ऑक्सिजन मॉडेल) साऱ्या देशात नावाजले जात आहे. एप्रिल महिन्याच्या मध्यापासून राज्य सरकार हे प्रतिमान वापरत असल्याने राज्याकडे वैद्यकीय वापरासाठी पुरेसा प्राणवायू उपलब्ध आहे.

गोवा अपडेट्‌स:-

गोवा वैद्यकीय महाविद्यालयाच्या प्राणवायू पुरवठ्यास जोड देण्यासाठी ड्यूरा सिलेंडर बसवण्याचा विचार गोवा सरकार करत आहे. दाबाखाली वायू भरण्याऐवजी द्रवरूप वैद्यकीय प्राणवायू भरला असता, यापैकी प्रत्येक सिलेंडरची क्षमता किमान 28 जंबो सिलेंडर्सइतकी आहे. 'राज्यात प्रवेशणाऱ्या मालवाहू गाड्यांतील दोन चालक व एक सहाय्यक यांंच्याकडे कोविड निगेटिव्ह असल्याचे प्रमाणपत्र असले पाहिजे'- ही यापूर्वी घातलेली अट, आज, पुढील आदेश येईपर्यंत काढून टाकण्यात आली. मात्र अशा व्यक्तींना थर्मल गनने केल्या जाणाऱ्या तापमान तपासणीस सामोरे जावे लागेल, जेणेकरून त्यांना कोणतीही लक्षणे नसल्याची खातरजमा करता येईल. त्यांच्यात लक्षणे दिसून आल्यास त्यांना गोव्यात प्रवेश करण्याची परवानगी देता येणार नाही.

PIB FACT CHECK

***

M.Chopade/J.Waishampayan/P.Kor

*** 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com