ભારતને કોવિડ-19 મહામારી સામેની જંગમાં વૈશ્વિક સમુદાય પાસેથી પ્રાપ્ત થયેલા 8,900 ઓક્સિજન કોન્સન્ટ્રેટર્સ, 5,043 ઓક્સિજન સિલિન્ડર, 18 ઓક્સિજન જનરેશન પ્લાન્ટ્સ, 5,698 વેન્ટિલેટર્સ/ Bi PAP/ C PAP અને 3.4 લાખથી વધારે રેમડેસિવીરના વાયલ (શીશી)ની ડિલિવરી રાજ્યો/કેન્દ્રશાસિત પ્રદેશોને આજદિન સુધીમાં કરવામાં આવી છે/રવાના કરવામાં આવ્યા છે. કોવિડ સામેની રાજ્યોની પ્રતિક્રિયા વધુ મજબૂત બનાવવા અને તેમને પૂરક સહાય માટે આ જથ્થો પહોંચાડવામાં આવ્યો છે. વૈશ્વિક સમુદાય પાસેથી પ્રાપ્ત થયેલી સહાય રાજ્યો અને કેન્દ્રશાસિત પ્રદેશોમાં ઝડપથી પહોંચડવા માટે કેન્દ્ર સરકારે તાત્કાલિક કસ્ટમ મંજૂરી અને હવાઇ તેમજ રોડ માર્ગેથી જથ્થો પહોંચાડવાની કામગીરી સુનિશ્ચિત કરી છે.

દેશવ્યાપી રસીકરણ કવાયતના તબક્કા-3નું વધારે વિસ્તરણ કરવામાં આવ્યું હોવાથી દેશભરમાં આજદિન સુધીમાં આપવામાં આવેલા કોવિડ-19 વિરોધી રસીના કુલ ડોઝનો આંકડો આજે 17.27 કરોડ કરતાં વધારે થઇ ગયો છે.

બે મહિના (61 દિવસ) પછી પ્રથમ વખત દેશમાં કુલ સક્રિય કેસોના ભારણમાં છેલ્લા 24 કલાકમાં 30,016 દર્દીઓનો ચોખ્ખો ઘટાડો નોંધાયો છે.

આ ઉપરાંત, 61 દિવસ પછી પ્રથમ વખત છેલ્લા 24 કલાકમાં નવા નોંધાયેલા કેસોની સરખામણીએ નવા સાજા થયેલા દર્દીઓની સંખ્યા વધારે નોંધાઇ છે.

ભારતમાં દૈનિક ધોરણે નોંધાતા નવા કેસ અને નવા સાજા થયેલા કેસોમાં થતી આગેકૂચ નીચે આપેલા આલેખમાં દર્શાવી છે.

આજે સવારે 7 વાગે પ્રાપ્ત થયેલા હંગામી અહેવાલ અનુસાર દેશભરમાં આજદિન સુધીમાં સંયુક્ત રીતે કુલ 25,15,519 સત્રોનું આયોજન કરીને રસીના કુલ 17,27,10,066 ડોઝ આપવામાં આવ્યા છે. આમાંથી 95,64,242 HCWs એ પ્રથમ ડોઝ અને 65,05,744 HCWs એ બીજો ડોઝ લીધો છે. આ ઉપરાંત, 1,40,54,058 FLWs એ પ્રથમ ડોઝ અને 78,53,514 FLWs એ બીજો ડોઝ લીધો છે. 18થી 45 વર્ષના વયજૂથના 25,59,339 લાભાર્થીએ પ્રથમ ડોઝ લીધો છે, 45 થી 60 વર્ષ સુધીના વયજૂથમાં 5,55,10,630 લાભાર્થીએ પ્રથમ ડોઝ અને 71,95,632 લાભાર્થીએ બીજો ડોઝ લીધો છે અને 60 વર્ષથી વધુ ઉંમરના 5,38,06,205 લાભાર્થીએ પ્રથમ ડોઝ જ્યારે 1,56,60,702 લાભાર્થીએ બીજો ડોઝ લીધો છે.

દેશમાં આજદિન સુધીમાં આપવામાં આવેલા કુલ ડોઝમાંથી 66.7% ડોઝ દસ રાજ્યોમાં આપવામાં આવ્યા છે.

આજે, 18 થી 44 વર્ષની વયજૂથના 5,24,731 લાભાર્થીએ કોવિડ રસીનો પ્રથમ ડોઝ લીધો હતો અને આ વયજૂથમાં સમગ્ર દેશમાં 30 રાજ્યો/કેન્દ્રશાસિત પ્રદેશોમાં આપવામાં આવેલા કુલ ડોઝની સંખ્યા 25,59,339 થઇ ગઇ છે. નીચે આપેલા કોષ્ટકમાં 18 થી 44 વર્ષના વયજૂથના લાભાર્થીઓને આજદિન સુધીમાં આપવામાં આવેલા ડોઝની વિગતવાર માહિતી આપી છે.

દેશભરમાં છેલ્લા 24 કલાકમાં રસીના 25 લાખ કરતાં ડોઝ આપવામાં આવ્યા છે.

કોવિડ-19 વિરોધી રસીકરણ કવાયતના 115મા દિવસે (10 મે 2021ના રોજ) દેશભરમાં રસીના કુલ 25,03,756 ડોઝ આપવામાં આવ્યા હતા. આમાં, 18,542 સત્રોનું આયોજન કરીને 10,75,948 લાભાર્થીને પ્રથમ ડોઝ જ્યારે 14,27,808 લાભાર્થીને રસીનો બીજો ડોઝ આપવામાં આવ્યો હતો.

તારીખ: 10 મે, 2021 (દિવસ-115)

ભારતમાં આજે કુલ સાજા થયેલા દર્દીઓની સંખ્યા 1,90,27,304 સુધી પહોંચી ગઇ છે. રાષ્ટ્રીય સાજા થવાનો સરેરાશ દર 82.75% નોંધાયો છે.

છેલ્લા 24 કલાકમાં દેશમાં 3,56,082 દર્દીઓ સાજા થયા હોવાનું નોંધાયું છે.

નવા સાજા થનારા કુલ કેસોમાંથી 72.28% દર્દીઓ દસ રાજ્યોમાંથી છે.

દેશભરમાં છેલ્લા 24 કલાકમાં નવા 3,29,942 પોઝિટીવ કેસ નોંધાયા છે.

છેલ્લા 24 કલાકમાં નવા નોંધાયેલામાંથી 69.88% દર્દીઓ દસ રાજ્યોમાં છે.

દેશમાં દૈનિક ધોરણે સૌથી વધુ નવા કેસ કર્ણાટકમાં નોંધાયા છે જ્યાં દૈનિક ધોરણે વધુ 39,305 દર્દી સંક્રમિત થયા છે. તે પછીના ક્રમે, મહારાષ્ટ્રમાં એક દિવસમાં 37,236 જ્યારે તમિલનાડુમાં નવા 28,978 કેસ નોંધાયા છે.

ભારતમાં સક્રિય કેસોના ભારણનો કુલ આંકડો ઘટીને આજે 37,15,221 સુધી પહોંચી ગયો છે. દેશમાં કુલ નોંધાયેલા પોઝિટીવ કેસોમાંથી સક્રિય કેસોનો આંકડો હવે 16.16% થઇ ગયો છે.

બે મહિના (61 દિવસ) પછી પહેલી વખત છેલ્લા 24 કલાકમાં ભારતમાં કુલ સક્રિય કેસોના ભારણમાં 30,016 દર્દીનો ચોખ્ખો ઘટાડો થયો છે.

ભારતમાં કુલ સક્રિય કેસોના ભારણમાંથી 82.68% દર્દીઓ તેર રાજ્યોમાં છે.

નીચે આપેલા આલેખમાં દર્શાવ્યા અનુસાર, દેશમાં કુલ સક્રિય કેસોના ભારણમાંથી 24.44% દર્દીઓ હવે 10 જિલ્લામાંથી છે.

રાષ્ટ્રીય મૃત્યુદર હાલમાં 1.09% છે.

છેલ્લા 24 કલાકમાં 3,876 દર્દીનાં મૃત્યુ નોંધાયા છે.

નવા દૈનિક મૃત્યુઆંકમાં 73.09% દર્દીઓ દસ રાજ્યોમાંથી છે. કર્ણાટકમાં દૈનિક ધોરણે સૌથી વધુ મૃત્યુઆંક (596) નોંધાયો છે જ્યારે તે પછીના ક્રમે મહારાષ્ટ્રમાં એક દિવસમાં 549 દર્દીનાં મૃત્યુ નોંધાયા છે.

                                                                                                                                 *****************************

SD/GP/PC