কোৱিন পোর্তেলগী খুৎথাংদা কোবিদ ভেক্সিন কাপ্নবা এপোইন্তমেন্ত বূক তৌখ্রবা প্রজাশিংনা মখোয় মখোয়গী পীরিবা মতম অদুদা ভেক্সিন কাপ্পা তশেংনা চৎহৌদ্রবসু মখোয়দা ভেক্সিন দোজ অমা কাপখ্রে হায়না এস.এম.এস.গী খুৎথাংদা নোতিফিকেসন লাকখ্রে৷ কুপথনা নৈনরুবা মতমদা, ভেক্সিনেতর অদুনা সিতিজন অদু ভেক্সিন কাপখ্রে হায়না লান্না মার্ক তৌরম্বা (ভেক্সিনেতর অদুনা শোইনা দাতা মেনশিনলম্বা) থেংনখি৷

অসিগুম্বা অশোইবশিং অমসুং প্রজা মীয়ামনা থেংনরিবা খুদোং চাদবা অসি হন্থনবা, কোৱিন সিস্তেমনা ২০২১গী মে ৮দগী হৌদুনা কোৱিন এপ্লিকেসনদা “দিজিৎ ৪গী সেক্যুরিতী কোদ”কী অনৌবা ফিচর অমা হাপচিল্লগনি৷ ভেক্সিনেসন স্তেতস অদু চুম্না রোকোর্দ তৌনবা হৌজিক্তি ভেরিফিকেসন তৌরবা মতুংদা করিগুম্বা বেনিফিসরী অদু ইলিজিবল ওইরম্বা তারবদি মীওই অদুদা ভেক্সিন দোজ কাপত্রিঙৈ মমাংদা ভেরিফাইয়র/ ভেক্সিনেতর অদুনা মীওই অদুগী দিজিৎ ৪গী কোদ অদু হংলগনি অমসুং হায়রিবা কোদ অদুমক কোৱিন সিস্তেমদা মেনশিল্লগনি৷

মসিগী অনৌবা ফিচর অসি ভেক্সিনেসন স্লোত অমগীদমক ওনলাইন বূক্কিং তৌখ্রবা প্রজাশিং খক্তগী ওইনা এপ্লিকেবল ওইরগনি৷ “দিজিৎ ৪গী সেক্যুরিতী কোদ” অদু এপোইন্তমেন্ত একনোলেজমেন্ত স্লিপতা নমথোক্লগনি অমসুং কোদ অদু ভেক্সিনেতর অদুদা খঙহল্লোইদবনি৷ এপোইন্তমেন্ত অদু মাই পাক্না বূক্কিং তৌরবা মতুংদা বেনিফিসরী অদুদা কনফর্মেসন এস.এম.এস.কা লোইননা দিজিৎ মরিগী কোদ অদুসু থারক্লগনি৷ এপোইন্তমেন্ত একনোলেজমেন্ত স্লিপ অদু মোবাইলদসু সেব তৌবা অমসুং উৎপা য়াগনি৷

প্রজাশিংদা খঙহনবা –

• ভেক্সিনেসন রোকোর্দিং প্রোসেস অদু য়াম্না লাইনা মপুং ফানা পাংথোক্ননবগীদমক দিজিৎ-৪গী সেক্যুরিতী কোদ অদু পীবা য়ানবা প্রজাশিংনা মখোয় মখোয়গী এপোইন্তমেন্ত স্লিপকী কোপী অমা শুংশোই শোইদনা পুরক্কদবনি অমসুং নত্রগা এপোইন্তমেন্ত কনফর্মেসন এস.এম.এস.কা লোইননা রেজিস্তর তৌরবা মোবাইল নম্বর অদু পুরক্কদবনি হায়না খঙহনখ্রে৷
• ভেক্সিন দোজ অদু কাপত্রিঙৈ মমাংদা ভেরিফাইয়র/ভেক্সিনেতর অদুদা সেক্যুরিতী কোদ অদু উৎপা য়াই হায়নসু খঙহনখ্রে৷ ভেক্সিন দোজ কাপ্লবা মতুংদা দিজিতেল সর্তিফিকেৎ অদু পীগদবনা মরম ওইদুনা মসি য়াম্না মরু ওইবা শরুক অমনি৷
• ভেক্সিনেসন রোকোর্দ অদু সেক্যুরিতী কোদকা লোইননা অপদেত তৌরবা মতম খক্তদা দিজিতেল সর্তিফিকেৎ পীগদবনা মরম ওইদুনা প্রজাশিংনা ভেক্সিনেতর অদুদা সেক্যুরিতী কোদ অদু শুংশোই শোইদনা পীশিনবিগদবনি৷
• প্রোসেস অদু মপুং ফানা লোইরবা মতুংদা প্রজাশিংনা কনফর্মেসন এস.এম.এস. অমা ফংলগনি৷  কনফর্মেসন এস.এম.এস. অদুনা ভেক্সিনেসন তৌবগী প্রোসেস অদু মাই পাক্না চত্থখ্রে অমসুং দিজিতেল সর্তিফিকেৎ অদু পীখ্রে হায়বা অসি তাক্কনি৷ কনাগুম্বা মীওই অমনা কনফর্মেসন এস.এম.এস. অসি ফংদবা তারবদি, মীওই অদুনা ভেক্সিনেতর/ভেক্সিনেসন সেন্তর ইন-চার্জ অদুগা পাউ ফাওনবিয়ু৷

                                                                                                ******