প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং ওস্ত্রেলিয়াগী প্রধান মন্ত্রী ওনরেবল স্কোত মোরিসন এম.পি.গী মরক্তা তেলেফোন্দা ৱারী শানখ্রে
Posted On:
07 MAY 2021 2:56PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ওস্ত্রেলিয়াগী প্রধান মন্ত্রী ওনরেবল স্কোত মোরিসন এম.পি.গা তেলেফোন্দা ৱারী শানখ্রে।
প্রধান মন্ত্রী মেদীনা কোবিদ-১৯গী অনিশুবা ৱেব অসিগী মায়োক্তা ভারতনা লান্থেংনরিবা অসিদা ওস্ত্রেলিয়াগী মীয়াম অমসুং মখোয়গী সরকারনা থৌজাল লৈবা মতেং পীরকপা অসিগীদমক থাগৎপা ফোংদোক্লি।
লুচিংবা অনিনা কোবিদ অসিবু মালেমগী ওইনা লাকশিন্নবা অসিদা তঙাইফদনা চংগদবা ভেক্সিন অমসুং হিদাক লাংথকশিং চপ মান্ননা শোইদনা ফংহনবা হায়না য়ানখি। হিরম অসিদা ভারত অমসুং খা-অফ্রিকানা দবল্যু.তি.ও.দা তি.আর.আই.পি.এস.গী মখাদা মতম খরগী ৱেবর অমা নিবগী খোঙথাং লৌখৎলিবা অসিদা ওস্ত্রেলিয়াগী মতেং পাম্লি।
লুচিংবশিং অসিনা ২০২০গী জুনগী ৪দা পাংথোকখিবা ভর্চুএল সম্মিত্তা শেমখিবা ভারত-ওস্ত্রেলিয়া কম্প্রেহেন্সিব স্ত্রাতেজিক পার্তনরশীপ অসিদগী হৌজিক ফাওবা খুমাং চাওশিল্লিবা অসি পনখি অমসুং মী অমগা মী অমগগী মরক্তা মখা তানা হেন্না মরী ফগৎননবা খন্নখি।
লুচিংবশিং অসিনা রিজনেলগী হিরমদশু ৱা-খন্নখি অমসুং রুল-বেজ ইন্তর্নেস্নেল ওর্দর অমসুং অয়েৎপা লৈতবা, অরোৎপা লৈতবা অমসুং ইনক্লুসিব ওইবা ইন্দো-পেসিফিক রিজন অমা ওইনবা পুন্না থবক তৌমিন্নবগী তঙাইফদবা হন্না পনখি।
***
(Release ID: 1716794)
Visitor Counter : 188
Read this release in:
Punjabi
,
English
,
Urdu
,
Marathi
,
Hindi
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam