প্রধানমন্ত্রীগী লোইশঙ
ভারত-ই.য়ু.গী লুচিংবশিংগী মীফম (মে ০৮, ২০২১)
Posted On:
06 MAY 2021 6:11PM by PIB Imphal
য়ুরোপিয়ন কাউন্সিলগী প্রসিদেন্ত মিস্তর চার্ল্স মাইকেলদগী বর্তন লাকপনা প্রধান মন্ত্রী শ্রী নরেন্দ্র মোদীনা স্পেসিএল ইনভাইতী অমা ওইনা মে ০৮, ২০২১দা য়ুরোপিয়ন কাউন্সিলগী মীফমদা শরুক য়াগনি। ভারত-ই.য়ু.গী লুচিংবশিংগী মীফম অসি পোর্তুগলগী প্রধান মন্ত্রী মিস্তর মিস্তর এন্তোনিয়ো কোস্তানা পাঙথোকপনি। পোর্তুগলনা হৌজিক্কী ওইনা কাউন্সিল ওফ য়ুরোপিয়ন য়ুনিয়নগী প্রসিদেন্সী পাইরি।
প্রধান মন্ত্রীনা ই.য়ু. মেম্বর স্তেৎ ২৭কী হেদশিং নত্ত্রগা সরকারগা লোইননা মীফম অসিদা শরুক য়াগনি। ই.য়ু.+২৭না চহি অসিগী মার্চতা য়ু.এস.কী প্রসিদেন্তগা লোইননা ফোর্মেৎ অসিদা মমাংদা অমুক্তং উনখিদা ঙাইরি। লুচিংবশিংনা কোবিদ-১৯ লাইচৎ অমসুং হেল্থকিয়রদা মতেং পীনবা; সস্তেনেবল অমসুং ইনক্লুসিব গ্রোথ হেনগৎহনবা; ভারত-ই.য়ু ইকনোমিক পার্তনরশিপ লোইননা নাকল অনিমক্কী ওইবা রিজনেল অমসুং গ্লোবেলগী হীরমশিংগী মতাংদা ৱাখল্লোন ফোঙদোক্নগনি।
ভারত-ই.য়ু.গী লুচিংবশিংগী মীফম অসি ই.য়ু. মেম্বর স্তেৎশিংগী লুচিংবা পুম্নমক্কা লোইননা খন্ননবা অমুক্তা ফংখিদ্রিবা খুদোংচাবা অমনি। মসি রাজনিতীগী ওইনা অচৌবা মাই পাকপা অমনি অমসুং জুলাই ২০২০দা পাঙথোকপা ১৫শুবা ভারত-ই.য়ু. মীফমতগী হৌনা উরকখিবা মরীশিং অসি মখা তানা ফগৎহল্লগনি।
***
(Release ID: 1716626)
Visitor Counter : 154
Read this release in:
Telugu
,
English
,
Urdu
,
Hindi
,
Marathi
,
Bengali
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam