• নেসনৱাইদ ভেক্সিনেসন দ্রাইবকী ফেস-৩ হৌখিবদগী ভারতকী ভেক্সিন কাপখিবা অপুনবা মশিং অসি কোতি ১৫.৮৯ হেনখ্রে
• লৈবাক অসিগী রেমদেসিভির পুথোকপগী শরুক ৩গী চাং হেনগৎলে
• ঙসি দিল্লীনা ওক্সিজেন তন ২৪৪ ফংগনি
• ভারততা লাইচৎ অসিদগী ফগৎলকখিবগী অপুনবা মশিং অদু ঙসি ১,৬৬,১৩,২৯২ য়ৌরে

#Unite2FightCorona

#IndiaFightsCorona

নেসনৱাইদ ভেক্সিনেসন দ্রাইবকী ফেস-৩ হৌখিবদগী ভারতকী ভেক্সিন কাপখিবা অপুনবা মশিং অসি কোতি ১৫.৮৯ হেনখ্রে

• রাজ্য/য়ু.তি. ১২দা  চহি ১৮-৪৪ ফাওবগী চহি কাংলুপ অসিগী মনুংদা লৈরিবা বেনিফিসরী ৪,০৬,৩৩৯দা কোবিদ ভেক্সিনগী অহানবা দোজ কাপখ্রে৷
• ঙসি ফাওবদা ভারতকী ওইনা লাইচৎ অসিদগী ফগৎলকপগী চাং অসি পুন্না ১,৬৬,১৩,২৯২ য়ৌরে৷
• হৌখিবা পুং ২৪ অসিদা মীওই ৩,২০,২৮৯ লাইচৎ অসিদগী নাবা ফগৎলক্তুনা লৈবাক অসিগী রিকোভরী রেত অসি ৮১.৯১% ওইরে৷
• হৌখিবা পুং ২৪ অসিদা রাজ্য/য়ু.তি. অনিদা কোবিদনা মরম ওইরগা শিখিবা কেস অমতা লাকখিদে৷ মখোয়শিং অদুদি দি. অমসুং দি. অমসুং দি. অমসুং এন অমসুং অরুনাচল প্রদেশনি৷

অকুপ্পা ৱারোলগীদমক: https://pib.gov.in/PressReleasePage.aspx?PRID=1715837

হৌজিক ফাওবদা ভারত সরকারনা রাজ্যশিং/য়ু.তি.শিংদা লেম্না ভেক্সিন দোজ কোতি ১৬.৬৯ হেন্না ফংহনখ্রে

হৌজিক হৌজিক রাজ্যশিং/য়ু.তি.শিং অসিদা ভেক্সিন দোজ লাখ ৭৫ হেন্না শিজিন্ননবা লৈরি৷ লাক্কদৌরিবা নুমিৎ ৩ অসিদা অহেনবা দোজ লাখ ৪৮ হেন্না রাজ্যশিং/য়ু.তি.শিং অসিনা ফংলগনি৷

অকুপ্পা ৱারোলগীদমক: https://pib.gov.in/PressReleasePage.aspx?PRID=1715845

মালেম শিনবা থুংনা শন্দোরক্লিবা লাইচৎ অসি থেংননবগীদমক মালেমগী কম্ম্যুনিতীদগী পীরকখিবা কোবিদ-১৯ সপ্লাইশিং ভারত সরকারনা ইফেক্তিব ওইনা এলোকেসন তৌখ্রে

মালেম শিনবা থুংনা শন্দোরক্লিবা লাইচৎ কোবিদ-১৯ মাই পাক্না লান্থেংননবা ভারত সরকারনা য়াম্না কন্না হোৎনরিবা অসিদা মেলেমগী কম্ম্যুনিতীনা মতেং পাংলকখ্রে৷ লৈবাক কয়া অমনা মেদিকেল ইক্ব্যুইপমেন্ত, হিদাক-লাংথকশিং, ওক্সিজেন কন্সেন্ত্রেতরশিং, ভেন্তিলেতরশিং পীরক্লি৷ মপান লৈবাকশিংদগী ভারতনা ফংলিবা মেদিকেল অমসুং অতোপ্পা রিলিফ অমসুং সপোর্ত মেতরিয়েল অদু য়াম্না ইফেক্তিব ওইনা য়েন্থোক্নবগীদমক স্ত্রিমলাইন অমসুং সিস্তেমেতিক ওইবা মেকানিজম অমা শেমখ্রে৷

অকুপ্পা ৱারোলগীদমক: https://pib.gov.in/PressReleasePage.aspx?PRID=1715896

লৈবাক অসিগী রেমদেসিভির পুথোকপগী শরুক ৩গী চাং হেনগৎলে- শ্রী মনশুখ মন্দাবিয়া

লৈবাক অসিদা রেমদেসিভির পুথোকপগী চাং অসি অঙকপা ফংনা হেনগৎলক্লি। নুমিৎ খরনিখক্কী মনুংদা, ভারতনা রেমদেসিভির পুথোকপগী শরুক ৩গী চাং হেনগৎখি অমসুং লৈবাক্কী অপাম্ববু অথুবা মতমদা পীবা ঙম্লগনি। ৱাফম অসি, কেমিকেল অমসুং ফর্তিলাইজরগী রাজ্য মন্ত্রী, শ্রী মনশুখ মন্দাবিয়ানা ঙসি লাউথোকখিবনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1715876

দিল্লীনা ঙসি ওক্সীজেন তন ২৪৪ ফংগনি; মসিগা লোয়ননা, ওক্সীজেন এক্সপ্রেসনা দিল্লী খক্তদা ঙসি অঙনবদগী পীরক্লিবশিং থাদুনা পুং ২৪গী মনুংদা এল.এম.ও. চাউরাকপা এম.তি. ৪৫০ পীগনি

ইন্দিয়ন রেলৱেজনা হৌজিক ফাওবদা তেঙ্কর ১০৩দা এল.এম.ও.গী চাউরাকপা এম.তি. ১৫৮৫বু লৈবাক শিনবা থুংবগী রাজ্যশিংদা য়ৌহনখ্রে। ওক্সীজেন এক্সপ্রেস ২৭না মখোয়গী খোঙচৎ লোইশিনখ্রে অমসুং ওক্সীজেন এক্সপ্রেস ৬না তেঙ্কর ৩৩দা এল.এম.ও. এম.তি. ৪৬৩ (চাউরাকপা) পুদুনা চেল্লি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1715936

হাইদ্রবাদ জুদা লৈবা এস.এ.আর.এস.-কোব ২ নারবা এসিয়াগী নোংশাগী ফিভম হেন্না ফগৎলক্লি।

মমাংগী চহিদা এস.এ.আর.এস.-কোব ২ পোজিতিব ওইখ্রবা মালেমগী অতোপ্পা মফমশিংগী জুদা লৈরিবা শা-ঙাশিংদা থেংনবগী মতুং ইন্নবা লাইনা অসি মীওইবদা শন্দোকই হায়বগী খুদমদি লৈতে। মরম অদুনা মীদিয়াশিংনা পাউ অসি মীয়ামদা শন্দোকপদা য়াম্না চেকশিন্নবা অমসুং ইথৌদাং খঙনা পাংথোকপীনবা ৱাফম থম্লি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1715909

মরুওইবা ত্বীৎশিং

देश में तेज़ गति से रेमडेसिवीर का उत्पादन बढ़ाया जा रहा है I
सिर्फ कुछ ही दिनों में भारत ने रेमडेसिवीर की उत्पादन क्षमता 3 गुना तक हाँसिल की है और जल्द ही बढ़ती हुई मांग को पूरा कर पाएंगे !
PM @NarendraModi जी के नेतृत्व में सरकार द्वारा कोरोना से लड़ने के लिए अथक प्रयास जारी है। pic.twitter.com/hHqpnrxizx

— Mansukh Mandaviya (@mansukhmandviya) May 4, 2021

Importing COVID related equipments or medicaments through courier!

For expeditious customs clearance, ensure the following points 👇 pic.twitter.com/oa801zr8Y3

— CBIC (@cbic_india) May 4, 2021

#Unite2FightCorona https://t.co/soJ0gHaUyI

— CBIC (@cbic_india) May 3, 2021

MoRTH has made it mandatory for #Oxygen containers/tankers/vehicles to be fitted with Vehicle Location Tracking (VLT) devices.

GPS tracking will ensure monitoring and protection of these tankers, besides ensuring there is no diversion or delay pic.twitter.com/I54wEscXNV

— PIBIndiaMoRTH (@PIBMoRTH) May 4, 2021

পি.আই.বি. ফিল্দ ওফিসশিংদগী ফংবা পাউ

মহারাস্ত্র: গ্রেতর মুম্বাইগী মুনিসিপাল কোর্পোরেসন্না গোরিগাউনদা লৈরিবা মহাক্কী নেস্কো কোবিদ কেয়র সেন্তরদা অনৌবা ফমুং ১৫০০ হাপচিনখ্রে৷ ঙসি মুম্বাইদা লৈবাক অসিগী অহানবা  'ভেক্সিনেসন সেন্তরদা দ্রাইব' চত্থবা হৌখ্রে৷ মসিগী সেন্তর অসি দাদারদা লৈরিবা কোহিনূর স্ক্যের  তৱারগী পার্কিং লোততা শেমগৎখিবনি৷ নাম্মা শোইরবা মীওইশিংনা ভেক্সিনেসন সেন্তর অসিদা চৎনবা হোৎনবদা অৱাবা খুদোংচাদবা কয়া অমা থেংনরিঙৈ চৈরক অসিদা মসিগী 'ভেক্সিনেসন সেন্তরদা দ্রাইব চত্থবা' ফেসিলিতী অসি লৈবাক মীয়ামগীদমক ফংহনখ্রে৷

গুজরাত: ঙরাং গুজরাততা কোবিদ-১৯গী অনৌবা কেস ১২,৮২০ লাকখি৷ হৌখিবা পুং ২৪ অসিদা পেসেন্ত ১১,৯৯৯ লাইচৎ অসিদগী নাবা ফরদুনা হোস্পিতালশিংদগী দিচার্জ তৌখি৷
অমরোমদা, ঙরাং রাজ্য অসিদা মীওই ১,৪১,৮৪৩ ভেক্সিন কাপখি৷ ঙসিদগী অহমেদবাদ মুনিসিপাল কোর্পোরেসন্না শহর অসিদা চহি ৪৫গী মথক্তা লৈরিবা মীওইশিংদা ভেক্সিন কাপ্পগী থবক অদু লেপহনখ্রে৷ ভেক্সিন থাদোরকপগী মতুং ইন্না, অনৌবা ভেক্সিনগী স্তোক লাক্লবা মতমদা ভেক্সিন কাপ্পা অদু অমুক মখা চত্থরগনি৷
রাজস্থান: রাজস্থান সরকারনা ৱেস্ত বেঙ্গল অমসুং ওরিশাগুম্বা রাজ্যশিং অসিদগী লেপ্পা লৈতনা ওক্সিজেন লৌশিন্নবা কেন্দ্রদগী মেত্রিক তন ৫০০গী কম্বাইন কেপাসিতী ওইগদবা অহেনবা তেঙ্কর ৫৪ পীবিনবা হায়জখ্রে৷ নিংথৌকাবা নুমিৎতা রাজ্য অসিগী চীফ সেক্রেতরী নিরঞ্জন আর্য়না রাজ্য অসিগী লৈরিবা অমসুং দরকার ওইরিবা ওক্সিজেনগী চাং অদু য়েংশিল্লদুনা রাজ্য অসিদা ওক্সিজেন কন্সেন্ত্রেতরশিং অথুবা মতমদা য়ৌহল্লক্নবা ওফিসিয়েলশিংদা খঙহনখ্রে৷ রাজ্য অসিদা ওক্সিজেন প্লান্তশিং য়াম্না খোঙজেল য়াংনা শেমগৎ-শাগৎনবগীদমক নিংথৌকাবা নুমিৎতা আর্বান দিবলপমেন্ত অমসুং হাউজিং(য়ু.দি.ঐচ.)না তোঙান তোঙানবা খোঙথাংশিং লাওথোকখ্রে৷

মধ্য প্রদেশ: মধ্য প্রদেশতা,  রাজ্য অসিগী ফ্রন্তলাইন ৱাকরশিংগী কেতিগোরীদা এক্রিদিতেদ জর্নেলিস্তশিং মনুং চলহনখ্রে৷ রাজ্য অসিদা লৈরিবা ভেক্সিনগী মতুং ইন্না মে ১৬তগী হৌদুনা কাপ্পদৌরিবা ভেক্সিনেসনগী মতম অদু লেপ্লগনি৷ চহি ১৮গী মথক্তা লৈরিবা চহি কাংলুপ অসিগী ওইনা রাজ্য অসিনা ভেক্সিন দোজ লাখ ১.৫. হেন্না ফংখ্রে৷

ছত্তিশগর: এপ্রিল ৯দগী মে ৬গী অমুক ফাওবদা রাইপুর য়াওনা রাজ্য অসিগী জিলা পুম্নমক কন্তেনমেন্ত জোনশিংনি হায়না লাওথোকখ্রে৷ মতুং তারকপদা, রাজ্য অসিদা ইকোনোমিক অমসুং ব্যুজিনেস এক্তিবিতী অমতা য়াহনখিদ্রে৷ রাজ্য অসিনা ‘কন্তেনমেন্ত জোন’ ওইনা লৈখিবনা মরম ওইদুনা ছত্তিশগর রাজ্য অসিদা অপিকপা অমসুং ময়াইওইরপ চাওনা করবার তৌদুনা লৈরিবা ব্যুজিনেসমেনশিং অসিদা গ্রান্ত রিলিফ পীবিনবা মুখ্য মন্ত্রী শ্রী বঘেলনা কেন্দ্রগী শেল-থুম মন্ত্রী শ্রীমতি নির্মলা সিথারমনদা চিথী অমা ইখ্রে৷

গোৱা: লৈবাকপোকপা নুমিৎতা গোৱা সরকারনা মে ১০ ফাওবদা অদুমক রাজ্য অসিদা কোবিদ-১৯গী অথিংবা থম্লিবশিং অসিগী মখাদা রেস্তুরেন্তশিং য়াওনা নন-ইসেন্সিয়েল সর্ভিসশিং অসিসু মনুং চলহন্নবা খন্নখ্রে৷ থম্লিবা অথিংবশিং অসিগী মতুং ইন্না রাজ্য সরকারনা ফোংখিবা মমাংগী ওর্দর অদু শেমদোক্তুনা, রাজ্য অসিদা লৈরিবা মীয়ামশিংগী অপাম্বা অদুগী মতুং ইন্না নন-ইসেন্সিয়েল সর্ভিসশিং অদুমক মথৌ তৌবা য়াহন্দনা থম্লগনি হায়না মুখ্য মন্ত্রী প্রমোদ সৱান্তনা ফোংদোকখ্রে৷

কেরলা: হৌজিক ফাওবদা, রাজ্য অসিদা মীওই ৭৫,৫৫,৫৩২ কোবিদ ভেক্সিন কাপখ্রে৷ মসিগী মনুংদা, মীওই ৬১,০৩,৫৬৩না অহানবা দোজ কাপখ্রে অমসুং মীওই ১৪,৫১,৯৬৯না অনিশুবা দোজ কাপখ্রে৷ কোবিদ শন্দোরকপগী চাং অসি হেন্না-হেন্না ফিভম শোকচিল্লকপা অসিগী য়েংলগা রাজ্য অসিদা ঙসিদগী মিনি লোকদাউন তাইপ রেস্ত্রিক্সনশিং থম্বা হৌখ্রে৷ ঙরাং অনৌবা পোজিতিব কেস ২৬,০১১ লাকখি৷ তি.পি.আর. অসি ২৭.০১নি৷ এক্তিব কেস ৩,৪৫,৮৮৭ য়ৌরে অমসুং লাইচৎ অসিদগী শিখিবনা ৫৪৫০নি৷

তামিল নাদু: লৈবাকপোকপা নুমিৎতা মেদিয়া প্রোফেস্নেলশিং অসি ফ্রান্তলাইন ৱার্করশিং ওইরে হায়না দি.এম.কে. প্রসিদেন্ত অমসুং মুখ্য মন্ত্রী-ইলেক্ত এম.কে. স্তেলিননা লাওথোকখ্রে;  জর্নেলিস্তশিং অসি কোরোনা লাইচৎ অসিদগী ঙাকথোক্নবা হান্ননা ভেক্সিন কাপথোকপা য়াবগী খুদোংচাবা অসিগা লোইননা বেনিফিৎ কয়া অমগী হৌজিক্তি ইলিজিবল ওইরগনি৷ রেমদিসিভির অসি অতোপ্পা শহরশিংদসু য়োন্ননবা নিংথৌকাবা নুমিৎতা এম.কে. স্তেলিননা রাজ্য সরকারগী ওফিসিয়েলশিংদসু খঙহনখ্রে৷ নিংথৌকাবা নুমিৎতা রাজ্য সরকার অসিনা মহাক্কী কোবিদ-১৯ কন্তেনমেন্ত স্ত্রতিজিগী শরুক অমা ওইনা মনা-মশিংগুম্বা তঙাই ফদবা পোৎলমশিং য়োল্লিবা নত্রনা বার য়াওনা অতোপ্পা দুকানশিংদা অহেনবা অথিংবশিং থম্লি লাওথোকখ্রে৷ নিংথৌকাবা নুমিৎতা তি.এন.দা হান্নগী কেস ১২,২৮,০৬৪দা অনৌবা কেস ২০,৯৫২ লাকখি অমসুং নৌনা মীওই ১২২ শিরক্তুনা হৌজিক ফাওবদা লাইচৎ অসিনা শিহনখিবা মশিং অসি ১৪,৪৬৮ য়ৌখ্রে৷

ঙরাং মীওই ৭৬,৮৭৭ কোবিদ-১৯ ভেক্সিন কাপখি৷ ঙসি ফাওবদা, রাজ্য অসিদা মীওই ৬১,২৩,১৬১ ভেক্সিন কাপখ্রে, মসিগী মনুংদা মীওই ৪৭,০৫,৭১৫না অহানবা দোজ কাপখি অমসুং মীওই ১৪,১৭,৪৪৬না অনিশুবা দোজ কাপখি৷

কর্নতাকা: ০৩-০৫-২০২১দা থোকখিবা রাজ্য সরকারগী বুল্লেতিনগী মতুং ইন্না, অনৌবা কেস: 44,438 লাকখি; অপুনবা এক্তিব কেস: ৪৪৪৭৩৪; কোবিদ লাইচৎনা মরম ওইদুনা নৌনা শিখিবা মশিং: ২৩৯; কোবিদনা মরম ওইদুনা শিখিবগী অপুনবা মশিং: ১৬২৫০নি৷ ঙরাং রাজ্য অসিদা মীওই ৫৯,৯১৮রোমগী চাং কোবিদ ভেক্সিন কাপতুনা ঙসি ফাওবদা রাজ্য অসিদা মীওই পুন্না ৯৮,৭৮,২১৩ ভেক্সিন কাপখ্রে৷ লাইচৎ শন্দোরকপা হেনগৎলকপা অসিনা মরম ওইদুনা কর্নতাকাগী দি.সি.এম. অশ্বাথ নরায়ননা অনৌবা কোবিদ তাক্স ফোর্স শেম্নবা হায়খ্রে৷

আন্ধ্র প্রদেশ: হৌখিবা পুং ২৪ অসিদা কোবিদকী অনৌবা কেস ১৮,৯৭২ লাকখি, মীওই ৭১ লাইচৎ অসিনা মরম ওইদুনা শিখি অমসুং মীওই ১০,২২৭না দিচার্জ তৌখি৷ অপুনবা কেস: ১১,৬৩,৯৯৪; এক্তিব কেস: ১,৫১,৮৫২; দিচার্জ: ১০,০৩,৯৩৫; শিখিবা মশিং: ৮২০৭নি৷ ঙরাং ফাওবদা রাজ্য অসিদা কোবিদ ভেক্সিন দোজ পুন্না ৬৭,২৯,০৩৮ কাপখ্রে, মসিগী মনুংদা অহানবা দোজ কাপ্লিবা মশিংনা ৫১,৯২,২৪৫নি অমসুং অনিশুবা দোজ কাপ্লিবা মীওই মশিংনা ১৫,৩৬,৭৯৩নি৷ ওক্সিজেন সিলিন্দরশিং অমসুং হিদাক-লাংথকশিং য়াওনা কোবিদ মেদিকেসন লৌশন্নবা সেনিয়র ওফিসিয়েলশিংগা লোইননা কম্মিতী অমা শেমখ্রে হায়না প্রিন্সিপাল সেক্রেতরী(হেল্থ) অনিল কুমার সিঙ্গলনা ফোংদোকখ্রে৷ কোবিদ-১৯গী কেস লেপ্পা-লৈতনা হেনগৎলক্লিবা অসিনা মরম ওইদুনা রাজ্য অসিদা মে ৫দগী হৌদুনা নুমিৎ ১৪নিগী ওইনা পার্সিয়েল কার্ফ্যু থম্নবা রাজ্য অসিনা ৱারেপখ্রে৷ সেক্সন ১৪৪ চৎনদুনা অয়ুক্কী পুং ৬তগী নুংথিলগী পুং ১২ ফাওবা খক্তংদা দুকান পুম্নমক থোং হাংবা য়াগনি অমসুং মসিগী মতুং তারকপদগীদি তঙাই ফদবা সর্ভিসশিং খক্তমক চৎনবা য়াহল্লগনি৷

তেলঙ্গনা: ঙরাং(নিংথৌকাবা) রাজ্য অসিদা অনৌবা কেস ৬,৮৭৬ লাক্তুনা অমসুং নৌনা মীওই ৫৯ শিখিদুনা রাজ্য অসিগী অপুনবা পোজিতিব কেস অসি ৪,৬৩,৩৬১ য়ৌরে অমসুং লাইচৎ অসিনা মরম ওইদুনা শিখিবগী মশিংনা ২,৪৭৬ য়ৌরে৷ হৌজিক রাজ্য অসিদা লৈরিবা এক্তিব কেস মশিং অসি ৭৯,৫২০নি৷ রাজ্য সরকার অসিনা চহি ৪৫গদী মথক্তা লৈরিবা মীওইশিংনা অহানবা নত্রগা অনিশুবা কোবিদ ভেক্সিন দোজ কাপ্নবগীদমক মাংজৌননা শুংশোই শোইদনা রেজিস্ত্রেসন তৌননবা খঙহনখ্রে৷ ভেক্সিন কাপ্লিবা মফমশিংদা মী কা হেন্না চিল্লিবা অসি থোক্তনবা মসিগী ৱারেপ অসি লৌখিবনি অমসুং ভেক্সিন কাপ্লিবা মফম অদুদা খুদক্তগী ওইনা বেনিফিসরীশিংগী রেজিস্ত্রেসন তৌবা লেপখ্রে৷

অসাম: নিংথৌকাবা নুমিৎতা অসামদা কোবিদ-১৯না মরম ওইদুনা মীওই ২৯ লৈখিদ্রে৷ রাজ্য অসিদা নৌনা মীওই ৪,৪৮৯ লাইচৎ অসি নাখিদুনা পোজিতিব ওইখিবগী চাং অসি চাদা ৮.০২ ওইখি৷ কামরুত(মেত্রো)দা পোজিতিব কেস ১,৬৪৫ রোকোর্দ তৌরকখি৷ গুৱহাতি মেদিকেল কোলেজ অমসুং হোস্পিতালগী প্রিন্সিপাল অমসুং চীফ সুপিরিন্তেন্দেন্ত, দা. অচয়ুত চন্দ্র বাইশ্যনা মহাক্কী হোস্পিতালদা আই.সি.য়ু. ফেসিলিতিদা লৈরিবা ফমুংশিং য়াওনা পুন্না ফমুং ২০০রোমগী চাং হাংদুনা লৈরি হায়না ফোংদোকখ্রে৷ রাজ্য অসিদা কোবিদকী কেস কা হেন্না হেনগৎলক্লিবা অসিগী য়েংলগা, রাজ্য অসিদা লৈরিবা নেস্নেল পার্ক অমসুং ৱাইল্দলাইফ সেঙ্কচুরী পু্ম্নমক বিজিতরশিংগী ওইনা খুদক্তগী থিংজিনখ্রে৷

মনিপুর: রাজ্য অসিদা নৌনা মীওই ৩৬২ পোজিতিব ওইরক্তুনা রাজ্য অসিগী অপুনবা এক্তিব কেস অসি ২,০৭১ য়ৌখ্রে৷ মনিপুরদা কোবিদ-১৯না মরম ওইদুনা অহেনবা মীওই তরেৎ অমগসু শিহনখ্রে৷ খ্বাইদগী নৌবা পাউগী মতুং ইন্না, রাজ্য অসিদা কোবিদ ভেক্সিন কাপখিবা অপুনবা মশিং অসি ২,০৯,০৭২ য়ৌখ্রে৷ মনিপুরদা চহি ১৮গী মথক্তা লৈরিবা মীওইশিংদা কোবিদ ভেক্সিন কাপ্পা হৌদ্রি৷
মেঘলয়:. নিংথৌকাবা নুমিৎতা মেঘলয়দা নৌনা মীওই তরুক শিখি অমসুং অনৌবা কেস ২৪৬ লাকখি৷ রাজ্য অসিদা নৌনা মীওই ১৭৭ লাইচৎ অসিদগী ফরক্তুনা হৌজিক ফাওবদা লাইচৎ অসিদগী ফরকখিবগী অপুনবা মশিং অসি ১৫,৬০৬ য়ৌখ্রে৷ নিংথৌকাবা নুমিৎতা মেঘলয়না অহেনবা স্তোক অমা ওইনা কোবিদ ভেক্সিন দোজ ৭৫,০০০ ফংখ্রে৷

সিক্কিম: সিক্কিমদা অনৌবা কোবিদ কেস ২৭ লাকখি৷ হৌজিক রাজ্য অসিগী লৈরিবা এক্তিব কেস মশিং অসি ১৭২৩নি অমসুং পেসেন্ত ১৪৬না কোবিদ হোস্পিতালশিংদা এদমিত তৌখ্রে৷ অহেনবা মী অমগসু লাইচৎ অসিনা শিহনখিদুনা রাজ্য অসিদা মমাংগী চহিদগী লাইচৎ শন্দোরকপা হেক হৌরকপদগী শিখিবা অপুনবা মশিং অসি ১৫০নি৷
ত্রিপুরা: রাজ্য অসিদা নৌনা মীওই ১৩৪ পোজিতিব ওইখি অমসুং লাইচৎ অসিনা মরম ইদুনা মীওই অমতা শিখিবগী পাউ লৈতে অমসুং হৌজিক লৈরিবা অপুনবা এক্তিব কেস মশিং অদুনা ১৪৫৫নি৷ অমরোমদা, রাজ্য অসিনা ঙরাং ভেক্সিন দোজ লাখ ১.৫ ফংখ্রে৷

নগালেন্দ:নিংথৌকাবা নুমিৎতা নগালেন্দদা অনৌবা কোবিদ কেস ১০১ লাকখি অমসুং মীওই ৬ শিখি৷ এক্তিব কেসনা ১৫৮৪ লৈরি অমসুং পোজিতিব ওইখিবা অপুনবা মশিংনা ১৪,৪৫১ ওইরে৷ কোবিদকী কেস কা হেন্না হেনগৎলকপা অসিনা মরম ওইদুনা দিমাপুর, কোহিমা কন্তেনমেন্ত জোনশিংনি হায়না লাওথোকখ্রে৷ নুমিৎ ৭নিগী ওইনা মী চত্থোক-চশিন তৌবা য়াওনা থবক-থৌরম পুম্নমক থিংজিনখ্রে৷

পি.আই.বি. ফেক্ত চেক

*********