প্রধান মন্ত্রী নরেন্দ্র মোদীনা হন্দক্তা মশীং য়াম্না কেস লৈবগী রিপোর্ত লাকখিবা স্তেত ১১ অমসুং য়ুনিয়ন তেরিতোরীশিংগী চীফ মিনিস্তরশিংগা কোবিদ-১৯গী ফিবমগী মতাংদা ফম্বা অৱাংবা থাক্কী মিতিংদা চেয়র লৌখ্রে।

ভাইরস অসিনা অমুক্তদা স্তেত কয়া অমা লোয়ননা তাইয়র ২ অমসুং তাইয়র ৩ সবরশিং অসিদা শন্দোরক্লিবা অসিদা পি.এম. মোদীনা পল্লদুনা হায় মদুদি লায়চৎ অসি পুন্না হোৎনমিন্নদুনা অপুনবা শক্তি অমগা লোয়ননা লান্থেংনদবনি। মহাকনা হায় অহানবা ৱেব অসিদা ভারতনা মায় পাকখিবা অসি পুন্না থবক তৌমিন্নবা অসিননি অমসুং অপুনবা লালোং অমসুং হন্না হায়খি মদুদি ঐখোয় পুন্না অৱাবা অসি হায়রিবা অসিগা চপ মান্ননা মায়োক্নগদবনি।

পি.এম. মোদীনা স্তেত পুম্বদা অমসুং লান্থেং অসিদা অঙম্বা মতেং পীগনি হায়না থাজবা পীখি। মহাক্না মখা তানা হায় মদুদি হেলথ মিনিস্তরনা স্তেতশিং অসিগা পাউ ফাওনরি অমসুং ফিভম অসিবু য়াম্না কুপ্না য়েংশিল্লি অমসুং মতম-মতমগী মতুং ইন্না মরুওইবা পাওতাক কয়া অমা পীরি।

ওক্সিজেন পীবা অসিদা, পি.এম. মোদীনা স্তেতশিংনা পীরকপা পোইন্তশিং লৌশিল্লি। মহাক্না হায় মদুদি ওক্সিজেন হেন্না ফংহন্নবা লেপ্পা লৈতনা হোৎনরি। মরী লৈনবা দিপার্তমেন্ত অমসুং মিনিস্ত্রীশিংনা পুন্না থবক তৌমিন্নরি। ইন্দস্ত্রীগী ওইবা ওক্সিজেনশিং অসিসু খুদক্কী ওইবা তঙাইফদবা মেন্নবা ওন্থোক্লি।

পি.এম. মোদীনা স্তেত পুম্বা পুন্না থবক তৌমিন্নবা তকশিনখি অমসুং হিদাক-লাংথক অমসুং ওক্সিজেনগী মরী লৈনবা তঙাইফদবশিং ফংনবা অমগা অমগা মতেং পীননবা তকশিনখি। মহাক্না স্তেতশিংদা হোর্দিং অমসুং ওক্সিজেন অমসুং হিদাক-লাংথক্তা ব্লেক মার্কেতিং তৌবা য়েংশিন্নবা তকশিনখি। পি.এম.না হায় মদুদি স্তেত অমতনা ওক্সিজেন ফংদবা লৈহল্লোইদবনি। প্রধান মন্ত্রীনা স্তেত খুদিংদা স্তেতশিং অসিগী হোস্পিতাল পুম্বদা ওক্সিজেন ফংন্নবা অৱাংবা থাক্কী কো-ওর্দিনেসন কমিতী অমা লিংখৎননবা তকশিনখি। ওর্দিনেসন কমিতী অসিনা হোস্পিতালশিংদা তঙাইফদবা লৈরকপা মতমদা সেন্তরদগী হের ফংবগা য়ৌহনগদবনি। পি.এম.না চীফ মিনিস্তরশিং অসিদা খঙহনখি মদুদি মহাক্না ওক্সিজেন পীবা অসিগী ঙরাং তৌখিবা মিতিংদা চেয়র লৌই হায়না অমসুং ওক্সিজেন পীবা অসি হেনগৎনবা খন্নবা মিতিং অমদা শরুক য়াগনি। 

পি.এম. মোদীনা হায় মদুদি সেন্ত্রেল সরকার অসিনা ওক্সিজেন তেঙ্কর চৎথতোক-চৎশিন তৌবগী মতম হন্থনবা অঙম্বা থাক্তা হোৎনরি। মসিগীদমক, রেলৱেনা ওক্সিজেন এক্সপ্রেস হৌদোকখ্রে। অহাংবা ওক্সিজেন তেঙ্করশিং অসিনা মতম কন্নবা এয়রফোর্সনা হোল্লি।

প্রধান মন্ত্রীনা হায় মদুদি রিসোর্সশিং অসি ফগৎহনবগা, ঐখোয়না চাংয়েং তৌবদা  মিয়েং চংগদবনি। মহাক্না মরুওইবা পীরদুনা হায় মদুদি মীয়াম্না য়াম্না লায়না খুদোংচাবা অসি ফংনবা পাক-শন্না তেস্তিং তৌগদবনি।

পি.এম.না হায়খি মদুদি অসিগুম্বা ফিভম অসিদা ভেক্সিনেসন অসি তপথহল্লোইদবনি। পি.এম. মোদীনা পল্লি মদুদি ইন্দিয়ানা মালেমদা ভেক্সিনেসনগী থৌরম অসি খ্বায়দগী চাওবা ওইরি অমসুং হৌজিকফাওবদা ভেক্সিন দোজ করোর ১৩ লেম্না স্তেতশিংদা ইন্দিয়া সরকারনা পীখি। সেন্ত্রেল সরকারনা চহি ৪৫গী মথক্তা লৈবশিং লোয়ন-লোয়ননা হেলথ কেয়র অমসুং  ফ্রন্ত-লাইন্দা থবক তৌরিবশিং লেম্না ভেক্সিন পীরিবা অসি চপ মান্ননা চৎথগনি। মে ১দগী, পি.এম.না মখা তাখি, ভেক্সিন অসি চহি ১৮গী মথক্তা লৈবা নাগরিক পুম্বা ফংলগনি। ঐখোয়না পান্দম অমগা লোয়ননা মীপুম খুদিংমক ভেক্সিন অসি ফংহনবা তাই।

পি.এম. মোদীনা হায় অনাবাশিং অসি লায়েংনবা লৌখৎলিবা খোঙথাং অসিগা লোয়ননা হোস্পিতাল অসিসু চেকশিনবা অসি য়াম্না মথৌ তাই। হন্দক্তা হোস্পিতালদা ওক্সিজেন য়ুবা অমসুং মৈনা চাকখিবা অসিদা অৱাবা ফোংদোক্তুনা, পি.এম. মোদীনা হায় মদুদি হোস্পিতালগী এদমিনিস্ত্রেতিব স্তাফশিং অসিনা প্রোতোকোলশিং অসি হেন্না খঙবা মথৌ তাই।

পি.এম. মোদীনা এদমিনিস্ত্রেসন্দা মীয়াম্বু ৱাখল তাহন্দুনা অকিবা পোকহন্দনবা তকশিনখি। মহাক্না হায়খি পুন্না হোৎনমিন্নদুনা, লৈবাক শিনবা থুংবা অসিদা শন্দোক্লিবা অনিশুবা ৱেবকী লায়চৎ অসি থিংবা ঙমগনি।

হান্ননা, দাঃ ভি.কে. পোলনা প্রজেন্তেসন অমা পীখি, হায়রিবা অসিদা লায়না অসিগী নৌনা হেনগৎলক্লিবা অসি থেংননবা শেম-শাবা উৎখি। দাঃ ভি.কে. পোলনা মেদিকেলগী খুদোংচাবা হেনগৎহন্নবা অমসুং অনাবশিং লায়েংনবা পান্দম উৎখি। মহাক্না মীপুম খুদিংবু মেদিকেল ইনফ্রাস্ত্রকচর, তীম অমসুং সপ্লাই হেনগৎহনবা; ক্লিনিকেল মেনেজমেন্ত; লাকশিনবা; ভেক্সিনেসন অমসুং কম্ম্যুনিতী ইনগেজমেন্ত শম্লপ্না হায়খি।

উন্নবা অসিদা, স্তেতকী চীফ মিনিস্তরশিংনা প্রধান মন্ত্রীদা হৌজিক ওইরিবা ৱেব অসিগী মরী লৈনবা স্তেত সরকারশিংনা লৌখৎলিবা খোঙথাংগী মরমদা হায়খি। মখোয়না হায়খি মদুদি পি.এম.না লমজিংবিবা অমসুং এন.আই.তি.আই.না পীবা রোদমেপ্না মখোয়গী থৌরাংদা হেন্না কান্নবা পীরি।

*****