ইকোনোমিক এফিয়র্সকী মতাংদা প্রধান মন্ত্রী শ্রী নরেন্দ্র মোদিনা সভাপতি ওইদুনা ফমখিবা কেবিনেত কম্মিতীনা তালচর ফর্তিলাইজর্স লিমিতেদ(তি.এফ.এল.)না কোইল গ্যাসিফিকেসন রুতকী খুৎথাংদা পুথোক্লিবা য়ুরিয়াগী এক্সক্লুসিব সবসিদী পোলিসী চৎনহন্নবগীদমক ফর্তিলাইজর্স দিপার্তমেন্তনা পুখৎলক্লিবা প্রপোজেল অদু এপ্রুব তৌখ্রে৷

ওবজেক্তিবশিং

লৈবাক অসিদা য়ুরিয়া মরাং কাইনা ফংহন্নবা অমসুং স্ত্রাতিজিক ইনর্জী সেক্যুরিতী লৈহন্নবা, কোইল গ্যাসিফিকেসন তেক্নোলোজীগী শিজিন্নদুনা তালচর ফর্তিলাইজর লিমিতেদ প্লান্তগা লোইননা চংশিনমিন্ননবা ৱারেপখ্রে৷ প্রোজেক্ত অসিনা লৌমীশিংদা হার হেন্না ফংহন্দুনা নোংপোক থংবা লমদমশিংদা চাওখৎপা পুরক্লগনি অমসুং লৈবাক অসিগী নোংপোক থংবা শরুক্তা য়ুরিয়া হারশিং অসি পুথোক-পুশিন তৌবদা চংলিবা শেল অদুসু হন্থহল্লগনি৷ মসিনা চহিদা এল.এম.তি. ১২.৭গী চাংদা পুশিল্লক্লিবা য়ুরিয়াগী চাং অসি হন্থহনবদা মতেং পাংদুনা ফোরেন্দ এক্সচেঞ্জতা কনবা ঙম্লগনি৷

প্রোজেক্ত অসিনা 'মেক ইন ইন্দিয়া' ইনিসিয়েতিব অমসুং অত্ম নির্ভর' কেমপেন্দদা কানবা পীরগনি অমসুং মসিনা লম্বীশিং, রেল লম্বীগুম্বা ইনফ্রাস্ত্রকচর শেমগৎপদা মতেং পাংদুনা এন্সিলরী ইন্দস্ত্রী য়োকখৎপা য়াওনা লৈবাক অসিগী নোংপোক থংবা শরুক্তা শেল-থুমগী ফিভম ফগৎহনবদা চাওনা কান্নবা পীরগনি৷ প্রোজেক্ত অসিনা অনৌবা ব্যুজিনেসকী খুদোংচাবা অদুসু প্রোজেক্তকী কেতচমেন্ত এরিয়াদা এন্সিলরী ইন্দস্ত্রীশিংগী মওংদা ফংহল্লগনি৷

কোইলাগী মমলশিং অসি নন-বোলেতাইল ওইবা অমসুং কোইলা মরাং কাইনা ফংবনা কোইলাগী গ্যাসিফিকেসন প্লান্তশিং য়াম্না মরু ওই৷ তালচর প্লান্তনা য়ুরিয়া পুথোকপা মতমদা য়াম্না মরু ওইনা শিজিন্নরিবা নেচরেল গ্যাসতা কা হেন্না মখা পোল্লিবা অসিসু হন্থহনদুনা এল.এন.জি. ইমপোর্ত বিল হন্থহল্লগনি৷ তালচর য়ুনিততা শিজিন্নরিবা গ্যাসিফিকেসন প্রোসেস অসি ক্লিন কোইল তেক্নোলোজী অমনি, মসিনা কোইলা মৈ থারগা পুথোক্লিবা থৌওং অসিগা হকথেংননা চাংদম্নবা মতমদা SOx, NOx  পুথোকপগী চাং য়াম্না হন্থহল্লি অমসুং পার্তিকুলেত ইমিসনশিং ফ্রী ওইহল্লি৷

বেক্তগ্রাউন্দ

তালচর ফর্তিলাইজর্স লিমিতেদ(তি.এফ.এল.) অসি পি.এস.য়ু. মরি মমিং ওইনা হায়রবদা রাস্ত্রিয়া কেমিকেল্স অমসুং ফর্তিলাইজর্স(আর.সি.পি.), জি.এ.আই.এল.(ভারত) লিমিতেদ(গেইল), কোইল ইন্দিয়া লিমিতেদ(সি.আই.এল.) অমসুং ফর্তিলাইজর কোর্পোরেসন ওফ ইন্দিয়া লিমিতেদ(এফ.সি.আই.এল.)কী জোইন্ত বেঞ্চর কম্পেনী অমা ওইনা ২০১৫গী নবেম্বর ১৩দা শেমখি৷ হৌজিক্তি তি.এফ.এল.না চহি অমদা মেত্রিক তন লাখ ১২.৭কি ইন্সতোল্দ কেপাসিতী লৈবা গ্রীনফিল্দ য়ুরিয়া প্লান্ত অমা শেমগৎতুনা ফর্তিলাইজর কোর্পোরেসন ওফ ইন্দিয়া লিমিতেদ (এফ.সি.আই.এল.)কী হান্নগী তালচর প্লান্ত অদু অমুক হন্না হিংগৎহল্লি৷ তি.এফ.এল. য়ুরিয়া প্রোজেক্তকী ইস্তিমেতেদ প্রোজেক্ত কোস্ত অদু লুপা কোতি ১৩২৭৭.২১ (+/-১০%)নি৷

                                                                                       *****