জোর্দান কিংদম শেমগৎখিবা চহী ১০০ শুরকপগা মরী লৈননা পাংথোক্লিবা থৌরম অসিদা ঐনা থমোই শেংনা থাগৎচরি৷
ঐনা নিংথৌ অব্দুল্লাহ অমসুং জোর্দানগী লৈবাক মীয়ামদা ইকাই খুম্নবা উৎচরি৷
মালেমগী হিস্তোরিকেল অমসুং রিলিজিয়স হেরিতেজ অসিদা জোর্দান অসি ইকাই খুম্ননিংঙাই ওইরবা মমিং অমনি৷
মিৎয়েং শাংনা উবা ঙম্বা নিংথৌ অব্দুল্লাহগী লুচিং মখাদা, জোর্দান লৈবাক অসিনা কা হেন্না চাওখৎপা পুরকপা ঙম্লিবনি৷

ইকোনোমিক, সোসিয়েল অমসুং কল্চরেল দিবলপমেন্তদা জোর্দান লৈবাক অসিনা চাওখৎলক্লিবা অসি থাগৎনিংঙাই ওই৷
মালেম অসিগী য়াম্না মরু ওইবা মফম অমদা, জোর্দান লৈবাক অসিনা মোদিরেসন অমসুং ইনক্লুসিবিতীগী গ্লোবেল সিম্বোল অমা ওইনা অমসুং শক্তি লৈরবা খোল্লাউ অমা ওইনা থোকলকখ্রে৷
লৈবাক অসিনা মহাক্কা য়ুমথংনরিবা লৈবাকশিং অসিগা শান্তি লৈনা হিংমিন্নরিবা অসিগীদমক শান্তি লৈবা মোদেল স্তেত অমা ওইবা ঙমখ্রে অমসুং লৈবাক অসি স্তেবিলিতীগী সিম্বোল অমা ওইরি৷
নোংচুপ থংবা এসিয়া অসিদা শান্তি হেন্না লৈহন্নবা হোৎনবদা নিংথৌ অসিনা লেপ্পা লৈতনা য়াম্না মরু ওইবা থৌদাং লৌরি৷
রিজনেল পিছ অমসুং সেক্যুরিতীদা কোর্দিনেসন হেন্না প্রমোত তৌনবা এক্বাবা প্রোসেস অসিনা হোৎনখে৷
অসিগুম্না, ২০০৪গী অমন মেসেজ অসি মীওইবা জাতি অসিবু ইকাই খুম্ননবগীদমক, অপুনবগী শক্তম কাইদনবগীদমক অমসুং তোলিরেন্সকীদমক ওইনদি শক্তি লৈরবা মেসেজ ওই৷
নিংথৌ অসিনা ইতিহাসিক ওইরবা মওং অমদা ২০১৮দা ন্যু দিল্লীদা লাকলম্বা মতমদা মেসেজ অসিমক ফোংদোকখিবা লৈখ্রে৷
লৈবাক অমা অসি শান্তি লৈনা লৈহনবা অমসুং চাওখৎপা পুরকপা মতমদা মোদিরেসন অমসুং পিছফুল কো-একজিস্তেন্স অসি য়াম্না মরু ওই হায়বা  থাজবা অসিদা ভারত অমসুং জোর্দান লৈবাক অনি অমতা ওইনা লেপ্লি৷
মীওইবা জাতি অসিগী তুমগী পুন্সি অসিদা হেন্না শাফবা মওং অমদা পুরক্নবগীদমক পুন্না খুৎশম্নদুনা ঐখোয়না লেপ্পা-লৈতনা হোৎনরগনি৷
অমুক্কা হন্না, অসিগুম্লবা নুংঙাইরবা থৌরম অসিদা লৈবাক অসিগী নিংথৌ অমসুং প্রজাশিং অসিদা ঐনা থমোই শেংনা থাগৎপা ফোংদোকচরি৷
অল্ফ মাব্রুক, কয়ারক হন্না থাগৎচরি, শুক্রান,
অদোম্বু থাগৎচরি৷

                                                                                                *****