প্রধানমন্ত্রীগী লোইশঙ

ইন্দিয়া-সেচেল্সকী অৱাংবা থাক্কী ভর্চুএল থৌরম (এপ্রিল ৮, ২০২১)দা প্রধান মন্ত্রীগী ৱারোল

Posted On: 08 APR 2021 6:53PM by PIB Imphal

সেচেল্স রিপব্লিক্কী রাস্ত্রপতী,

ইকাই খুম্নরবা ৱাবেল রামকালাৱান জি, 

শক্নাইরবা অতিথীশিং,
খুরুমজরি,
ঐহাক্না অহানবমক্তদা রাস্ত্রপতী রামকালাৱান জিবু হরাও তয়াম্বা উৎচরি। মহাক অসি বিহারগী গোপালঞ্জ দিস্ত্রীক্তকী হৌরকফম ওইবা ভারত মচা অমনি। ঙসিদি, মহাক্কী পোক্নফম খুঙ্গং পারসৌনিগী মীওইখক্তা নত্তনা ভারত মচা পুম্বনা মহাক্কী মায় পাকপা অসিদা চাওথোক্লি। মহাক্কী রাস্ত্রপতীগী মীখল অসিদা সেচেল্সতা লৈরিবা মীয়ামশিংনা মহাকপু মহাক্কী মীয়ামগীদমক তৌরিবা থবকশিং অসি থাজরি হায়বা অসি উৎলি।   

মরুপশিং,
ঐহাক্না সেচেল্সতা ২০১৫দা চৎলুবা খোঙচৎ নিংথিনা নিংশিংলি। মসি ঐহাক্কী ইন্দিয়ন ওসিন রিজনগী লৈবাকশিংদা লম কোইবা চৎখিবা অহানবনি। ইন্দিয়া অমসুং সেচেল্স অনিনা ঐহাক্কী ইন্দিয়ন ওসিনগী মফমশিংদা লৈরিবা য়ুম্লোন্নবশিংদা য়াম্না চেৎপা মরী লৈনৈ।
সেচেল্স অসি ইন্দিয়াগী মিয়েং ‘এস.এ.জি.এ.আর.’ –‘সেক্যুরিতী এন্দ গ্রোথ ফোর ওল ইন দ রিজন’ ময়াইদা লৈরি।  ভারতনা সেচেল্সকী সেক্যুরিতীগী থম্লিবা চোকশিন থৌরাং অমসুং চাওখৎ থৌরাং অসিগী মরী লৈনবা অসি ইকাই খুম্নবা উৎচরি। ঙসিদি ঐখোয়গী মরীদা য়াম্না মরুওইবা মফম অমা য়ৌবা ঙম্লে। ঐখোয়না ঐখোয়গী চাওখৎ-থৌরাংগী মরী অসিগী মখাদা অনৌবা প্রোজেক্ত কয়া অমা পুন্না হৌনবা উন্নরি।  
মরুপশিং,
য়েৎপা লৈতবা, নিং-তম্বা অমসুং জুদিসিএল সিস্তেম অমা লৈবা হায়বা অসি দেমোক্রেসী খুদিংদা মথৌ তাই। ঐখোয়না সিচেলিস্তা অনৌবা কোর্ত মাইজিস্ত্রেতকী বিল্দিং অমা শাবা অসি হরাওজৈ। মসিগী নৌনা শাবা বিল্দিংশিং অসি কোবিদ-১৯গী চাংয়েংগী মতম মনুংদা লোইশিনখিবনি। ঐহাক্না থাজৈ মদুদি মসিনা ঐখোয়গী অচেৎপা মরুপ মপাং ওইবগী খুদম অমা ওইনা মতম চুপ্পদা নিংশিংদুনা লৈহৌরগনি।
ভারতনা মতম পুম্বদা চাওখৎপা অমা পুরক্নবা হোৎনবদা মীওইবগী মতেংনা ঙম্বনি হায়বা অসি থাজৈ। মসিগী ৱাখল্লোন অসি ঙসি হৌদোকখিবা হায় ইম্পেক্ত কম্ম্যুনিতী দিবলপমেন্ত প্রোজেক্ত তরা অসিনা উৎলি। হায়রিবা প্রোজেক্তশিং অসিনা সিচেলিস্তা লৈরিবা কাংলুপ কয়া অমগী পুন্সিদা অওনবা কয়া অমা পুরক্লগনি।

মরুপশিং,
ভারতনা সেচেল্সকী মেরিতাইম সেক্যুরিতীবু শক্তী লৈন্নবা হোৎনরি। ঙসিদি, সেচেল্সকী কোস্ত গার্দতা অনৌবা, নৌনা শেমগৎলবা, ভারত্তা শাবা পোৎলম, ফাস্ত পেত্রোল বেসেল অসি পীরি। মসিগী বেসেল অসিনা সেচেল্সকী মেরিতাইমগা রিসোর্স ঙাকথোকপদা মতেং ওইগনি।

অইং অশা অওনবা লাকপা অসিনা ইথৎকী লৈবাকশিংদা য়াম্না খুদোংথিনিঙাই ওইরি। মরম অদুনা ঐহাক্না হরাওজৈ মদুদি ঐখোয়না সেচেল্সতা ভারতনা মতেং তৌদুনা সোলার পাৱর প্লান্ত মেগা ৱাত অমা শান্নবা খুৎশিন্নখ্রে। প্রোজেক্ত পুম্বা মহৌশাগী ওইবদা য়েংদুনা সেচেল্সকী চাওখৎ থৌরাংদা মমি তারি।
মরুপশিং,

ভারতনা সেচেল্সতা কোবিদ লায়চৎ লান্থেংনবদা য়াম্না অচেৎপা মতেং পাংবগী থৌদাং লৌবা অসিদা ইকাই খুম্নরি। তঙাইফদবা মতমদা, ঐখোয়না ঐখোয়না চংগদবা হিদাক লাংথক অমসুং ইন্দিয়ানা শাবা ভেক্সিন ৫০,০০০ সেচেল্সদা য়েনখি। সেচেল্স ‘মেদ ইন ইন্দিয়া’ কোবিদ-১৯ ভেক্সিন অহানবা ফংখিবা আফ্রিকাগী লৈবাক্নি। ঐহাক্না রাস্ত্রপতী রামকালাৱান জিদা ভারতনা কোবিদ মতুংদসু ইকোনোমী ফগৎনবা লেঙদনা লৈগনি হায়না থাজবা পীখি।
মরুপশিং,

ইন্দিয়া-সেচেল্সকী মরুপ মপাং ওইবগী মরী অসি তশেংনা অখন্নবা অমনি। অমসুং, মসিদা ভারতনা য়াম্না চাওথোকচৈ। ঐহাক্না অমুক হন্না রাস্ত্রপতী রামকালাৱান জি অমসুং সেচেল্সগী প্রজাশিংনা তৌরুবা খুদিং মায় পাকপা ওইরসনু হায়না হায়জরি।

থাগৎচরি।

য়াম্না থাগৎচরি।খুরুমজরি


***



(Release ID: 1710555) Visitor Counter : 153