মেতর্নেল মোর্তালিতী রেসিয়ো(এম.এম.আর.), ইনফেন্ত মোর্তালিতী রেত(আই.এম.আর.), আন্দর ফাইব মোর্তালিতী রেত(য়ু.৫এম.আর.) অমসুং তোতেল ফর্তিলিতী রেত(তি.এফ.আর.)কী চাং কা হেন্না হন্থরক্লিবা য়াওনা এফ.ৱাই. ২০১৯-২০গী মতমদা নেস্নেল হেল্থ মিসন(এন.ঐচ.এম.)গী মখাদা পাংথোক্লিবা চাওখৎ খোঙথাংশিং অদু প্রধান মন্ত্রী, শ্রী নরেন্দ্র মোদীনা শরুক য়াদুনা ফমখিবা য়ুনিয়ন কেবিনেৎনা খঙহনখ্রে৷ মসিদসু নত্তনা কেবিনেৎ অসিনা তি.বি., মেলরিয়া, কলা-অজর, দেঙ্গি,ত্যুবর্ক্যুলোসিস, লেপ্রোসী, ভাইরেল হেপাতাইতিসশিংগী তোঙান তোঙানবা লাইনাগী প্রোগ্রামশিং খোঙজেল য়াংনা চংশিল্লক্লিবা অদুগী মতাংদসু ফোংদোকখ্রে৷

অকুপ্পা মরোলশিং:

২০১৯-২০গী মতমদা এন.ঐচ.এম.না লৌখৎখিবা অনৌবা ইনিসিয়েতিবশিং অদু কেবিনেৎনা অসুম্না পনখি:

• চাইল্দৱুদ ন্যুমোনিয়ানা মরম ওইদুনা শিবগী চাং অসি হন্থনবা খোঙথাংশিং হেন্না-হেন্না লৌখৎনবা সোসিয়েল এৱার্নেস অমসুং এক্সন্স তু ন্যুত্রেলাইজ ন্যুমোনিয়া সক্সেসফুল্লী(এস.এ.এ.এন.এস.) ইনিসিয়েতিব লোঞ্চ তৌখি৷
• মমাংগী মতমদা সর্ভিস নিংথীনা ফংলমদ্রবা মীওইশিং অদুদা অফবা ক্বালিতী লৈবা হেল্থ সর্ভিস শেল অমতা য়াওদনা লেম্না ফংহন্নবগী পান্দমদা সুরক্সিৎ মত্রিতভা আশ্বাসন(সুমন) পুথোকখ্রে অমসুং মতর্নেল অমসুং নিওনেতেলগীদমক লৈরিবা স্কিম পুম্নমক অমতা ওইনা পুনশিনখ্রে৷
• ইন্তরনেস্নেল কনফিদেরেসন ওফ মিদৱাইবস(আই.সি.এম.)না শকখঙলবা স্কিল লৈরবা নর্সশিং পুথোক্নবা মিদৱাইফরী সর্ভিসেস ইনিসিয়েতিবনা পান্দম থম্লি৷
• স্কুল তম্লিবা অঙাংশিং অসি এক্তিব লাইফস্তাইল অমগী মতেংদগী হকচাং ফনা লৈহন্নবা এদজুকেসন মন্ত্রালয়গা খুৎশম্নদুনা এ.বি.-ঐচ.দবল্যু.সি.শিংগী প্রোগ্রামগী মখাদা স্কুল হেল্থ অমসুং ৱেল্নেস এম্বাসেদর ইনিসিয়েতিব লোঞ্চ তৌখ্রে৷

ইমপ্লিমেন্তেসন স্ত্রাতিজী অমসুং তার্গেৎশিং:

ইমপ্লিমেন্তেসন স্ত্রাতিজী:

রাজ্যশিং/য়ুনিয়ন তেরিতোরীশিং(য়ু.তি.শিং) অসিদা ফাইনান্সিয়েল অমসুং তেক্নিকেল সপোর্ত পীদুনা সমাজ অসিদা লৈরিবা মরু ওইনা লাইরবা অমসুং কা হেন্না শোত্থরবা মীওইশিং অসিদা মতেং পাংনবা দিস্ত্রিক হোস্পিতালশিং অসিদা অফবা চৎনবা য়াবা হেল্খ কেয়র ফংহনবা অসিনা এন.ঐচ.এম.গী মখাদা পাংথোক্লিবা হকশেল অমসুং য়াইফ-য়ুম্বাল মন্ত্রালয়গী ইমপ্লিমেন্তিং স্ত্রাতিজী ওই৷ হেল্থ ইনফ্রাস্ত্রকচর শেমগৎতুনা, হ্যুমেন রিসোর্চকী চাং হেনগৎহন্দুনা অমসুং খুঙ্গংগী মফমশিং অসিদা সর্ভিস দেলিভরী হেন্না মথৌ তৌহন্দুনা রুরেল হেল্থকেয়র সর্ভিসেস্তা লৈরিবা গেপ অসি মেনশিন্নবা মসিনা পান্দম থম্লি অমসুং তঙাই ফদবা ইন্তরবেন্সনশিং লাইনা পাংথোক্নবা, ইন্ত্রা অমসুং ইন্তর-সেক্তোরেল কনবর্জেন্স হেন্না ফহন্নবা অমসুং রিসোর্চশিং অসি হেন্না ইফেক্তিব ওইনা শিজিন্ননবা দিস্ত্রিক লেবেলগী থাক্তা প্রোগ্রাম শিনখ্রে৷

তার্গেৎশিং:

• লাইব বর্থ ১/১০০০দা এম.এম.আর. হন্থহনবা
• লাইব বর্থ ২৫/১০০০দা আই.এম.আর. হন্থহনবা
• ২.১দা তি.এফ.আর. হন্থহনবা
• মীওই ১/১০০০দগী হেন্না তানা লেপ্রোসী নাবগী চাং হন্থহনবা অমসুং জিলা পুম্নমক্তা লাইনা অসিনা নাবগী চাং অসি জিরোদা হন্থহনবা
• চহী ওইবা মেলরিয়াগী ইন্সিদেন্স অসি ১/১০০০দগী হেন্না তানা হন্থহনবা
• কম্ম্যুনিকেবল, নন-কম্ম্যুনিকেবল; অশোক-অপনশিং অমসুং নৌনা থোক্লক্লিবা লাইনাশিং অসিনা শিহল্লিবগী অমসুং নাহল্লিবগী চাং অসি হন্থহনবা অমসুং ঙাকথোকপা
• লৈবাক অসিদগী ২০২৫ ফাওবগী মনুংদা তি.বি. লাইনা-লাইচৎ অসি মুৎথৎপা অসিনি৷

এমপ্লোইমেন্ত জেনেরেসন পোতেন্সিয়েল য়াওনা লৈরিবা ইমপেক্ত:

• ২০১৯-২০দা এন.ঐচ.এম. চৎনরকপা অসিনা কন্ত্রেকচুয়েল ওইবা বেসিস্তা জি.দি.এম.ও.শিং, স্পিসিয়েলিস্তশিং, এ.এন.এম.শিং, স্তাফ নর্সশিং, অয়ুশ দোক্তরশিং, পেরামেদিকশিং, অয়ুশ পেরামেদিকশিং, প্রোগ্রাম মেনেজমেন্ত স্তাফ অমসুং পব্লিক হেল্থ মেনেজরশিং য়াওনা অহেনবা হ্যুমেন রিসোর্চ ১৮,৭৭৯রোম লৌশিনখ্রে৷
• ২০১৯-২০গী মতমদা এন.ঐচ.এম. মাই পাক্না চৎনরকপা অসিনা পব্লিক হেল্থ সিস্তেম অসি হেন্না মপাঙ্গল লৈহল্লে অমসুং মসিনা কোবিদ-১৯ অসি মাই পাক্না থেংনবা ঙমহল্লি৷
• ভারততা য়ু.৫এম.আর. অসি ২০১২দা ৫২ ওইরম্বদগী ২০১৮দা ৩৬ ওইদুনা হন্থরকখ্রে অমসুং ২০১৩-২০১৮গী মতমদা য়ু.৫.এম.আর.দা চহীগী ওইনা হন্থরকপগী পর্সেন্তেজ অসি ১৯৯০-২০১২দা ৬.০ % ওইরম্বদগী ৩.৯% ওইরকখ্রে৷
• ১৯৯০গী মতমদা ভারততা অঙাং লাখ অমা পোকপা মতমদা লৈরম্লিবা মেতর্নেল মোর্তালিতী রেসিযো(এম.এম.আর.) অসি ৫৫৬ ওইরম্বদগী ২০১৬-১৮গী মতমদা ১১৩দা হন্থরকখ্রে৷ ১৯৯০দগী হৌদুনা মালেমগী ওইনা এম.এম.আর.দা হন্থরকপগী চাং অসি ৪৫% ওই অদুবু ভারতকী ওইনদি ৮০% ওইখ্রে৷ হৌখিবা চহী মঙা অসিদা মেতর্নেল মোর্তালিতী রেসিয়ো(এম.এম.আর.) অসি ২০১১-১৩ সেমপল রেজিস্ত্রেসন সিস্তেম(এস.আর.এস.)দা ১৬৭ ওইরম্বদগী ২০১৬-১৮(এস.আর.এস.)তা ১১৩ ওইদুনা হন্থরকখ্রে৷
• এম.আর.সু ১৯৯০দা ৮০ ওইরম্বদগী ২০১৮দা ৩২ ওইদুনা হন্থরকখ্রে৷ হৌখিবা চহী মঙা, ২০১৩দগী ২০১৮ ফাওবগী মতম অসিদা আই.এম.আর.দা হন্থরকপা পর্সেন্তেজ এনুয়েল কমপাউন্দ রেত অসি ১৯৯০-২০১২গী মতমদা ৪.৪% ওইরম্বদগী ২.৯% ওইখ্রে৷
• সেমপল রেজিস্ত্রেসন সিস্তেম(এস.আর.এস.)কী মতুং ইন্না, ভারততা লৈরিবা তি.এফ.আর.গী চাং অসি ২০১৩দা ২.৩ ওইরম্বদগী ২০১৮দা ২.২ ওইরক্তুনা হন্থরকখ্রে৷ নেস্নেল ফেমিলী হেল্থ সর্ভে-৪(এন.এফ.ঐচ.এস.-৪, ২০১৫-১৬) অসিনা ২.২গী তি.এফ. আর. অমা রেকোর্দ তৌখি৷ ২০১৩-২০১৮গী মতমদা তি.এফ.আর.দা হন্থরক্লিবা পর্সেন্তেজ এনুয়েল কমপাউন্দ রেৎ অসি ০.৮৯% ওইখ্রে৷
• ২০১৯ চহী অসিদা, ২০১৮ চহী অসিগা য়েংনবা মতমদা মেলরিয়াগী কেসশিং অমসুং শিবগী মশিং অসি মথংশিৎনা ২১.২৭% অমসুং ২০% হন্থরকরখ্রে৷
• মীওই ১,০০,০০০দা তি.বি. নাবগী চাং অসি ২০১২দা ২৩৪ ওইরম্বদগী ২০১৯দা ১৯৩ ওইদুনা হন্থরকখ্রে৷ ভারতকী ওইনা মীওই ১,০০,০০০দা তি.বি.না মরম ওইদুনা শিবগী চাং অসি ২০১২দা ৪২ শিরম্বদগী ২০১৯দা ৩৩গী চাংদা হন্থরকখ্রে৷
• মীওই ১০০০০ খুদিংগী কেস ১ কে.এ.দগী হেন্না তানা ইলিমিনেসন তার্গেৎ ফংবা ঙম্লিবা কলা-অজর এন্দেমিক ব্লোকশিংগী পর্সেন্তেজ অসি ২০১৪দা ৭৪.২% ওইরম্বদগী ২০১৯-২০দা ৯৪% যৌনা হেনগৎলকখ্রে৷
• কেস ফেতেলিতী রেৎ(সি.এফ.আর.) চাদা ১দগী হেন্না তানা থমদুনা নেস্নেল তার্গেৎ অসি ফংবা ঙমখ্রে৷ ২০১৯দা দেঙ্গিনা মরম ওইদুনা শিবগী চাং অসি ০.১%নি৷

এক্সপেন্দিচর: লুপা কোতি ২৭,৯৮৯.০০(সেন্ত্রেল সেয়র)

বেনিফিসরীশিং:

লৈবাক অসিদা লৈরিবা মীয়ামশিং অসিগী কান্নবগীদমক এন.ঐচ.এম. অসি চৎনরি; সমাজ অসিগী শোত্থরবা সেক্সন অসিদা অখন্নবা মীৎয়েং অমগা লোইননা পব্লিক হেল্থকেয়র ফেসিলিতীশিং অসিদা লাক্লিবা মীওই খুদিংমক্তা সর্ভিসশিং পীরি৷

২০১৯-২০গী মতমদা এন.ঐচ.এম.গী মখাদা পাংথোক্লিবা চাওখৎ-থৌরাংশিং অমসুং থবকশিং অদুগী মকুপ্পা মরোলশিং মখাদা পীরি:

• ২০২০গী মার্চ ৩১ ফাওবদা অয়ুশমান ভারত-হেল্থ অমসুং ৱেল্নেস সেন্তর ৬৩,৭৬১ এপ্রুব তৌখ্র, ২০২০গী মার্চ ৩১ ফাওবগী মনুংদা হেল্থ অমসুং ৱেল্নেস সেন্তর ৪০,০০০ মথৌ তৌহন্নবা পান্দম থম্লিবা অসিগী মনুংদা ৩৮,৫৯৫ ওপরেসন তৌখ্রে৷ ২০২০গী মার্চ ৩১ ফাওবগী মনুংদা এ.এস.ঐচ.এ.শিং, মল্তি-পর্পোস ৱার্করশিং(এম.পি.দবল্যু.শিং-এফ)/ওজিলিয়রী নর্স মিদৱাইফ(এ.এন.এম.শিং), স্তাফ নর্সশিং অমসুং প্রাইমরী হেল্থ সেন্তর(পি.ঐচ.সি.)মেদিকেল ওফিসরশিং যাওনা হেল্থ ৱার্কর পুন্না ৩,০৮,৪১০ মথৌ তৌখি৷
• এন.আর.ঐচ.এম./এন.ঐচ.এম. অসি লোঞ্চ তৌখিবদগী মেতর্নেল মোর্তালিতী রেৎ(এম.এম.আর.), আন্দর ফাইব মোর্তালিতী রেৎ(য়ু.৫.এম.আর.) অমসুং আই.এম.আর. অসি লেপ্পা লৈতনা হন্থরক্লি৷ হৌজিক হৌজিক হন্থরক্লিবা চাং অসিদা লেপ্পা লৈতনা হন্থরকপা তারবদি ভারতনা ২০৩০দা পান্দম থম্লিবা মহাক্কী এস.দি.জি. তার্গেৎ (এম.এম.আর.-৭০, য়ু.৫ এম.আর.-২৫)অসি ঙনখৎনা ফংবা ঙমগনি৷
• ২০১৯-২০গী মতমদা, রাজ্য ২৯/য়ু.তি.শিং অসিগী জিলা ৩৮১দা লৈরিবা অঙাংশিং খরা ভেক্সিনেতেদ তৌখ্রে অমসুং য়ৌবা ঙমদনা লৈরক্লিবা মফমশিং অসি য়ৌহন্নবা ইন্তেন্সিফাইদ মিসন ইন্দ্রধনুশ ২.০ পাংথোকখ্রে৷
• ২০১৯-২০গী মতমদা, রোতা ভাইরস ভেক্সিন দোস লাখ ৫২৯.৯৮গী চাংরোম অমসুং মিজল্স-রুবেল্লা ভেক্সিন দোস লাখ ৪৬৩.৮৮গী চাংরোম রাজ্য পুম্নমক্তা অমসুং য়ু.তি.শিং অসিদা কাপখ্রে৷
• ২০১৯-২০গী মতমদা, ন্যুমোকোকেল কঞ্জুকেতেদ ভেক্সিন দোস লাখ ১৬৪.১৮গী চাংরোম রাজ্য তরুক বিহার, হিমাচল প্রদেশ, রাজস্থান, উত্তর প্রদেশ অমসুং হিরিয়ানাদা কাপখ্রে৷
• ২০১৯-২০গী মতমদা, মপুং মরৈ ফারবা মীওই লাখ ২৫.২৭রোম এদল্ত জপানিজ এন্সেফালাইতিস ভেক্সিন (ৱেস্ত বেঙ্গলগী জিলা ৯গী এন্দেমিক ব্লোক জে.ই.২৫) কাপখ্রে৷
• ২০১৯-২০গী মতমদা, প্রধান মন্ত্রী সুরক্সিৎ মত্রিতভা অভিয়ন(পি.এম.এস.এম.এ.) প্রোগ্রামগী মখাদা রাজ্য পুম্নমক্তা অমসুং য়ু.তি.শিং অসিদা লৈরিবা হেল্থ ফেসিলিতী ১৬,৯০০ হেনবদা এ.এন.সি. চেক অপ লাখ ৪৫.৪৫ পাংথোকখ্রে৷
• লেখশ্য: ২০২০গী মার্চ ৩১ ফাওবদা, লেবর রুল ৫৪৩ অমসুং মেতর্নিতী ওপরেসন থ্রেতর ৪৯১দি স্তেত লেখশ্য সর্তিফাইদ ওই অমসুং  লেবর রুল ২২০ অমসুং মেতর্নিতী ওপরেসন থ্রেতর ১৯০দি নেস্নেল লেখশ্য সর্তিফাইদ ওই৷
• ২০১৯-২০গী মতমদা, লৈবাক অসিদা কোল্দ চেন সিস্তেম অসি হেন্না ফনা লৈহন্নবা, কোল্দ চেন ইক্যুইপমেন্ত, হায়বদি আই.এল.আর.-২৮৩, দি.এফ.-১৮৭, কোল্দ বোক্স(অচৌবা)-১৩,৬০৯, কোল্দ বোক্স(মচা)-১১,০১০, ভেক্সিন কেরিয়র-২৭০,২৩০ অমসুং আইস পেক্ত-১০,৯৪,৬৫০ রাজ্যশিং/য়ু.তি.শিং অসিদা পীথখ্রে৷
• ২০২০গী মার্চ ৩১ ফাওবদা অয়ুশমান ভারত-হেল্থ অমসুং ৱেল্নেস সেন্তর ৬৩,৭৬১ এপ্রুব তৌখ্র, ২০২০গী মার্চ ৩১ ফাওবগী মনুংদা হেল্থ অমসুং ৱেল্নেস সেন্তর ৪০,০০০ মথৌ তৌহন্নবা পান্দম থম্লিবা অসিগী মনুংদা ৩৮,৫৯৫ ওপরেসন তৌখ্রে৷ ২০২০গী মার্চ ৩১ ফাওবগী মনুংদা এ.এস.ঐচ.এ.শিং, মল্তি-পর্পোস ৱার্করশিং(এম.পি.দবল্যু.শিং-এফ)/ওজিলিয়রী নর্স মিদৱাইফ(এ.এন.এম.শিং), স্তাফ নর্সশিং অমসুং প্রাইমরী হেল্থ সেন্তর(পি.ঐচ.সি.)মেদিকেল ওফিসরশিং য়াওনা হেল্থ ৱার্কর পুন্না ৩,০৮,৪১০ মথৌ তৌখি৷
• ২০১৯-২০গী মতমদা, অশা পুন্না ১৬,৭৯৫ খনখিবা অসিনা ২০২০গী মার্চ থা ফাওবগী মনুংদা লৈবাক অসিদা লৈরিবা অশাগী অপুনবা মশিং অসি পুন্না লাখ ১০.৫৬ ওইবা ঙমখ্রে৷
• নেস্নেল এম্বুলেন্স সর্ভিসেস(এন.এ.এস.): ২০২০গী মার্চ থা ফাওবগী মনুংদা, লৈবাক অসিদা লৈরিবা মীয়ামশিংনা দরকার ওইরকপা মতমদা এম্বুলেন্স কৌবগী খুদোংচাবা অদু ১০৮ নত্রগা ১০২দা কোল তৌবা য়াহন্দুনা হায়রিবা খুদোংচাবা অদু রাজ্য ৩৩/য়ু.তি.শিং অসিদা ফংহনখ্রে৷ ২০১৯-২০ চহী অসিদা অহেনবা ইমর্জেন্সী রেস্পোন্স সর্ভিস ভেহিকল ১০৯৬সু হাপচিনখ্রে৷
• ২০১৯-২০গী মতমদা, অহেনবা মোবাইল মেদিকেল য়ুনিত(এম.এম.য়ু.) ১৮৭সু হাপচিনখ্রে৷
• ২৪x৭ সর্ভিসেস অমসুং অহানবা রিফরেল ফেসিলিতীশিং: ২০১৯-২০গী মতমদা, এফ.আর.য়ু.শিং ওইনা অহেনবা ফেসিলিতী ৫৩ মথৌ তৌহনখ্রে৷
• কয়াকাল্প: রাজ্য ২৫ অমসুং য়ু.তি.শিং, দি.ঐচ. ২৯৩, সি.ঐচ.সি./এস.দি.ঐচ. ২৯৩, পি.ঐচ.সি. ২,৮০২, য়ু.ঐচ.সি. ৬৬৮ অমসুং ঐচ.দবল্যু.সি. ৩০৫না ২০১৯-২০ চহী অসিদা ৭০%দগী হেন্না স্কোর তৌবা ঙমখ্রে৷ স্কিম অসিগী মখাদা ২০১৯-২০ চহী অসিদা পব্লিক হেল্থ ফেসিলিতী ৫,২৬৯ এৱার্দ পীখ্রে৷
• মেলরিয়া:২০১৪ চহী অসিদা মেলরিয়ানা মরম ওইদুনা নাখিবা অমসুং শিখিবা মশিং অসি ১১,০২,২০৫ অমসুং ৫৬১ অসিগা য়েংনবা মতমদা ২০১৮ চহী অসিদা রিপোর্ত তৌরকখিবা মেলরিয়াগী অপুনবা কেস মশিং অমসুং শিখিবগী মশিং অসি মথংশিৎনা ৪,২৯,৯২৮ অমসুং ৯৬ ওইরিবা অসিনা ২০১৪ চহী অসিগা য়েংনবা মতমদা মেলরিয়ানা কেস মশিং অসি ৬১% হন্থরক্লে অমসুং শিখিবগী মশিং অসি ৮৩% হন্থরক্লে হায়বা অসি উৎলি৷
• কলা-আজর: ২০১৯গী দিসেম্বর লোইশিল্লকপা অদুৱাইদা, কলা-আজর এন্দেমিক ব্লোক ৯৪%দি ব্লোক লেবেলদা মীওই ১০,০০০গী মনুংদা ১কে.এ.দগী হেন্না তানা ইলিমিনেসন তার্গেৎ ফংবা ঙমখ্রে৷
• দেঙ্গিগা মরী লৈননা, চাদা ১দগী হেন্না তানা কেস ফেতেলিতী রেত(সি.এফ.আর.) হেন্না তানা লৈহনবা অসিনা নেস্নেল তার্গেৎ ওইরি৷ ২০১৪ চহী অসিদা কেস ফেতেলিতী রেত অসি ০.৩% ওইখিদুনা অমসুং ২০১৫দগী ২০১৮ ফাওবগী মনুং অসিদা সি.এফ.আর. অসি ০.২% ওইদুনা তার্গেৎ অসি ফংবা ঙমখি৷ মখাতানা ২০১৯ চহী অসিদা, মসি ০.১%দা হন্থখ্রে৷
• নেস্নেল ত্যুবর্ক্যুলোসিস ইলিমিনেসন প্রোগ্রাম(এন.তি.ই.পি.): লৈবাক অসিদা কার্ত্রিজ বেস ন্যুক্লিক এসিদ এমপ্লিফিকেসন তেস্ত(সি.বি.এন.এ.এ.তি.) মেছিন মশিং পুন্না ১,২৬৪ অমসুং ত্রুনেত মেছিন ২,২০৬ জিলাগী থাক্তা ওপরেসন তৌরি৷ ২০১৯ চহী অসিদা, মোলিকুলর তেস্ত লাখ ৩৫.৩০ পাংথোকখ্রে৷ হায়রিবা অসিদা ২০১৭ চহী অসিদা লৈখিবা লাখ ৭.৪৮ অসিগা য়েংনবা মতমদা শরুক ৫ হেন্না হেনগৎলি৷ ২০১৮গী মতমদা দ্রগ সেন্সিতিব তি.বি. লাইয়েংনবগীদমক দেলী রেজিমেন ফংখিবা তি.বি. পেসেন্ত মশিং ১৯,৭১,৬৮৫  অসি ২০১৯ চহী অসিদা ২২,০৩,৮৯৫ ওইখি৷ অনৌবা এন্তি-তি.বি. দ্রগশিং পুথোরকপা: সোর্তর দ্রগ রেজিমেন অমসুং বেদক্বুইলাইন্দা বেস তৌবা রেজিমেন রাজ্য পুম্নমক্তা/য়ু.তি.শিংদা চৎনখ্রে৷ ২০১৯ চহী অসিদা,এম.দি.আর./আর.আর.-তি.বি. পেসেন্ত ৪০,৩৯৭ সোর্তর রেজিমেন্দা হৌদোকখ্রে৷
• এন.ঐচ.এম.গী মখাদা পি.পি.পি. মোদতা লৈবাক অসিদা লৈরিবা দিস্ত্রিক হোস্পিতাল পুম্নমক্তা দাইয়েলাইসিস ফেসিলিতীশিং অসি সপোর্ত তৌনবা প্রধান মন্ত্রী নেস্নেল দাইয়েলাইসিস প্রোগ্রাম(পি.এম.এন.দি.পি.) ২০১৬তা লোঞ্চ তৌখি৷ এফ.ৱাই. ২০১৯-২০ অসিগী মনুংদা পি.এম.এন.দি.পি. লৈবাক অসিগী রাজ্য ৩/য়ু.তি. অসিগী জিলা ৫২দা লৈরিবা সেন্তর ১০৫দা মেছিন ৮৮৫ থাদদুনা চৎনখ্রে৷

বেক্তগাউন্দ:

লৈবাক অসিদা লৈরিবা খুঙ্গংগী মফমশিং মরু ওইনা কা হেন্না শোত্থরবা মফমশিং অসিদা অফবা ক্বালিতী লৈবা হেল্থকেয়র ফংহন্নবগীদমক ২০০৫গী এপ্রীল ১২দা ইকাই খুম্নরবা প্রধান মন্ত্রীনা নেস্নেল রুরেল হেল্থ মিসন (এন.আর.ঐচ.এম.) লোঞ্চ তৌখি৷ ২০১৩গী মে ১দা ফমখিবা য়ুনিয়ন কেবিনেৎনা নেস্নেল আর্বান হেল্থ মিসন(এন.য়ু.ঐচ.এম.) অসি নেস্নেল হেল্থ মিসন(এন.ঐচ.এম.)গী শরুক অমনি হায়না এপ্রুব তৌখি৷

২০১৭গী এপ্রীল ১দগী হৌদুনা ২০২০গী মার্চ ৩১ ফাওবা নেস্নেল হেল্থ মিসন মখাতানা চৎনখিবা অসি ২০১৮গী মার্চ ২১দা ফমখিবা কেবিনেৎকী মীফমনা এপ্রুব তৌখি৷

ফাইনান্স মন্ত্রালয়গী এক্সপেন্দিচর দিপার্তমেন্তনা ২০২০গী জানুৱারি ১০দা থোকখিবা ওফিস মিমোরেন্দম নম্বর ৪২(০২/পি.এফ.- II.২০১৪) অসিনা   নেস্নেল হেল্থ মিসন অসি মখাতানা ২০২১গী মার্চ ৩১ ফাওবা শাংদোক্নবা নত্রগা ১৫শুবা ফাইনান্স কম্মিসন অসি চৎনদ্রিবা নুমিৎ অদু ফাওবা মখাতানা শাংদোক্নবা খঙহনখ্রে৷

এন.(আর.)ঐচ.এম.গী প্রোগ্রেস রিপোর্ত, শেল-থুমগী ফিভম অমদি লৌখৎলিবা অনৌ-অনৌবা থৌরাংশিং অসি য়েংলগা দেলিগেতেদ পৱারশিং অদু শিজিন্নহন্নবগীদমক এন.ঐচ.এম. ফ্রেমৱার্ক অদু চৎননবা কেবিনেৎকী মমাংদা পুথোকখ্রে৷

                                                                                      *****