প্রধানমন্ত্রীগী লোইশঙ
পি.এম.না মরিশুবা গ্লোবেল আয়ুর্বেদা ফেস্তিবেলদা ৱা ঙাংখ্রে
মালেমগী ওইনা আয়ুর্বেদিক পোত্থোক্কী অপাম্বা তপ্না-তপ্না হেনগৎক্লি: পি.এম.
মালেম পুম্বগী হকচাং ফনা থম্নবা মালেমগী ওইবা সম্মিত কৌরি
আয়ুর্বেদাগী তাইবংদা সরকারগী মপুং ফাবা মতেংগী থাজবা পীখ্রে
Posted On:
12 MAR 2021 9:46PM by PIB Imphal
প্রধান মন্ত্রী শ্রী নরেন্দ্র মোদীনা ঙসি মরিশুবা গ্লোবেল আয়ুর্বেদা ফেস্তিবেলদা ভর্চুএল ওইনা ৱা ঙাংখ্রে।
থৌরম অসিদা ৱা ঙাংলদুনা প্রধান মন্ত্রীনা হায় মদুদি মালেম অসিনা আয়ুর্বেদাগী অপাম্বা হেনগৎনরক্লি অমসুং মালেম শিনবা থুংনা আয়ুর্বাদা অসিদা থবক তৌদুনা কন্না হোৎনরিবশিংদা থাগৎপা ফোংদোকখি। মহাক্না হায় মদুদি “আয়ুর্বেদা অসি মপুং ফাবা হ্যুমেন সাইন্স অমনি হায়বা য়াই। পাম্বীদগীনা অদোমগী প্লেত ফাওবা, হকচাংগী ওইবদগীনা ৱাখলগী নুঙাইবা ফাওবা, আয়ুর্বেদা অমসুং থায়নগী চৎনবী হিদাক অসিদা হায়নিংঙাই লৈতনা শাফু অমা পীরি”।
কোবিদ-১৯গী লায়চৎকী লমদা, প্রধান মন্ত্রীনা হায় মদুদি আয়ুর্বেদিক পোত্থোক্কী অপাম্বা অসি অসুম হেনগৎলক্লি। “হৌজিক ওইরিবা ফিবম অসিনা আয়ুর্বেদা অমসুং থায়নগী চৎনবী হিদাক অসি হেন্না পাম্নবা ওইরক্লি। মখোয়দা অপাম্বা অসি হেনগৎনরক্লি। মালেম অসিনা মতৌ করম্না হৌজিক্কী ওইরিবা অমসুং থায়নগী চৎনবী হিদাক অসিনা মখা তানা হকচাং ফনবগী মচাক অমা ওইরি। মীয়াম্না আয়ুর্বেদা অমসুং মসিগী থৌদাং অসিনা ইন্দ্রী ফগৎহনবদা কান্নবা অসি খঙনরক্লি,” হায়না প্রধান মন্ত্রীনা হায়রি।
হকচাং ফনবগী ইন্দিয়াদা লাক্লিবা লমকোইবশিং অসিগী মরমদা ৱা ঙাংলদুনা মহাক্না হায় মদুদি নুংগী ওইবা হকচাং ফবগী মরম অসি – অনাবা লায়েংবা, মখা তানা মশা ফহল্লি। মরম অদুনা, হকচাং ফনবগী লাক্লিবা লমকোইবশিং অসিগী খ্বায়দগী চেৎপা য়ুম্বী অসি আয়ুর্বেদা অমসুং থায়নগী চৎনবী হিদাক অসিনি। মহাক্না মীয়ামদা মতম কয়াদগী লৈরক্লবা ইন্দিয়াগী চৎনবী অসিনা ৱাখল ফাথবা অমসুং অনাবা ফবদা মতেং ওই হায়রি। “করিগুম্বা অদোম্না অদোমগী হকচাং অমসুং ৱাখল নুঙাইনা থম্বা পাম্লবদি ইন্দিয়াদা লাকপিয়ু,” হায়না প্রধান মন্ত্রীনা বার্তোন তোখি।
![https://static.pib.gov.in/WriteReadData/userfiles/image/image001AHYM.jpg](https://static.pib.gov.in/WriteReadData/userfiles/image/image001AHYM.jpg)
প্রধান মন্ত্রীনা আয়ুর্বেদাগী মমিং চৎখৎলক্লিবা অমসুং মসিগী খুদোংচাবা অসি হৌজিক্কী ওইবা অসিগা চুশিন্নদুনা খুদোংচাবা লৌনবা হায়রি। নহাশিংনা পাক শন্না আয়ুর্বেদাগী পোত্থোক শিজিন্নরক্লিবা অসি পন্দুনা শ্রী মোদীনা একাদেমিসিয়ানশিংদা আয়ুর্বেদা অমসুং থায়নগী চৎনবী হিদাক অসিনা অহেনবা রিসর্স চৎথনবা হায়খি। মহাক্না স্তার্ত অপ কাংলুপ অসিদশু অখন্ননা আয়ুর্বেদাগী পোত্থোক্তা মিয়েং চংনবা হায়খি। মহাক্না ঐখোয়গী নহাশিং অসিনা থায়নগী চৎনবী হিদাক অসিনা অসি মালেমগী ওইবা খঙনবা লোল অমদা পুথোকপা অসিগীদমক থাগৎপা ফোংদোকখি।
সরকারগী মায়কৈদগী, প্রধান মন্ত্রীনা আয়ুর্বেদাগী তাইবং অসিদা মপুং ফানা মতেং পীনবা থাজবা পীখি। মহাক্না খঙহল্লি মদুদি নেস্নেল আয়ুশ মিসন অসিনা অয়ুশ মেদিকেল সিস্তেম অসি পুখৎনবা হোৎনরি। মসিনা এজুকেসন সিস্তেম মপাঙ্গল কনখৎনবা অমসুং আয়ুর্বেদা, সিধা উনানি অমসুং হোমিওপেথী দ্রগ অসিদা মতেং ওইরি। মহাক্না খঙহল্লি মদুদি সরকার অসিনা মখল কয়াগী ক্বালিতি লৌখৎলি। “ঐখোয়গী আয়ুর্বেদাগী পোলিসি অমসুং হিদাক্কী মতাংদা ইন্দিয়ন সিস্তেম অসিনা ২০১৩-২০২৩গী লালোংদা য়াওহল্লি। দবল্যু.ঐচ.ও.না ইন্দিয়াদা ত্রেদিসনেল মেদিসিনগী গ্লোবেল সেন্তর অমা লিংখৎনবা লাওথোকখ্রে”, প্রধান মন্ত্রীনা হায়রি।
লম কয়াদগী ইন্দিয়াদা আয়ুর্বেদা অমসুং ত্রেদিসনেল মেদিসিন তম্নবা লাক্লিবা মহৈরোইশিং পল্লদুনা প্রধান মন্ত্রীনা হায়রি মদুদি মসি মালেমগী ওইনা হকচাং ফনবগী খনবা মতম ওইরে। মহাক্না থীম অসিদা সম্মিত অমা শিনবগী অপাম্বা ফোংদোকখি।
প্রধান মন্ত্রীনা আয়ুর্বেদা অমসুং হকচাং ফনবগী চিঞ্জাকশিং অসিদা মরুওইবা পীরি। মহাক্না পল্লি মদুদি য়ুনাইতেৎ নেসন্না ২০২৩ অসি ইন্তর্নেস্নেল ইয়ার ওফ মিলেৎ হায়না লাওথোক্লি। প্রধান মন্ত্রীনা মিলেৎকী কান্নবা অসি শন্দোক্নবা হায়রি।
![https://static.pib.gov.in/WriteReadData/userfiles/image/image002A3VW.jpg](https://static.pib.gov.in/WriteReadData/userfiles/image/image002A3VW.jpg)
প্রধান মন্ত্রীনা আয়ুর্বেদা অসিদা ঐখোয়গী মায় পাকপা ঙম্নবা হোৎননবা হায়রি। “আয়ুর্বেদা অসিনা চিংশিন্নবা শক্তি অমা ওইহল্লসি, মসিনা মালেম অসি ঐখোয়গী লমদা পুরক্লগনি। মসিনা ঐখোয়গী নহারোলশিংগী য়াইফবা অমশু শেম্বা ওইরগনি” মসি হায়রগা মহাক্না লোইশিনখি।
*******
(Release ID: 1704603)
Visitor Counter : 184
Read this release in:
Bengali
,
Odia
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam