প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমদি জপানগী প্রধান মন্ত্রী, ঐচ.ই. সুগা য়োশিহিদেগা লোইননা ফোন্দা ৱারী শাবা
Posted On:
09 MAR 2021 8:17PM by PIB Imphal
প্রধান মন্ত্রী শ্রী নরেন্দ্র মোদীনা ঙসি জপানগী প্রধান মন্ত্রী হিস এক্সিলেন্সী সুগা য়োশিহিদেগা লোইননা ফোন্দা ৱারী শাখ্রে।
নাকল অনিগী থাজনবা অমসুং সিয়রর্দ ভেল্যুশিংগী লুচিং মখাদা হৌখিবা চহি খরা অসিদা ভারত-জপান স্পেসিএল স্ত্রেতেজিক এন্দ গ্লোবেল পার্তনরশিপ অফবা মওংদা খোঙজেল য়াংনা চংশিনখিবদা লুচিংবা অনিনা অপেনবা ফোঙদোক্নখি। কোবিদ-১৯ লাইচৎ লৈজরবসু হৌখিবা চহিদা বাইলেতরেল এক্সচেঞ্জশিং তৌখিবা অদুবু মখোয়না থাগৎনখি। মখোয়না স্পেসিফাইদ স্কিল্দ ৱার্কর্স (এস.এস.দবল্যু.)গী মেমোরেন্দম ওফ কোওপরেসন হন্দক খুৎয়েক পীনখিবা অদুসু তরাম্না ওকখি অমদি অথুবদা ইমপ্লিমেন্তেসন তৌনবা আশা থমখি।
প্রধান মন্ত্রী মোদীনা মুম্বাই অহমদাবাদ হায় স্পীদ রেল (এম.এ.ঐচ.এস.আর.) প্রোজেক্ত অসি ভারত-জপান বাইলেতরেল স্ত্রেতেজিক পার্তনরশিপকী তরু-তরুবা খুদম অমনি অমসুং মাই পাক্না ইমপ্লিমেন্ত তৌনবগী মহাক্না অঙম্বা হোৎনরি হায়না ফোঙদোকখি।
লুচিংবা অনিনা নাকল অনিগী থাজনবা অসিগী রিজনেল অমসুং গ্লোবেলগী সমস্যাশিংগী মতাংদা ৱাখল্লোন ফোঙদোক্নখি অমসুং লৈবাক অনিগী মরক্তা লৈরিবা পার্তনরশিপ অসিনা অপুনবগী ওইবা শিংনবশিং কোকহনবদা মরু ওইবা থৌদাং অমা লৌবা য়াগনি। হীরম অসিদা মখোয়না অস্ত্রেলিয়া অমসুং য়ু.এস.গুম্বা ৱাখল মান্নবা লৈবাকশিংগা লোইননা ক্বাদ কনসল্তেসনশিংগী মওংদা থবক তৌমিন্নবনা কান্নবা পুরক্কনি অমসুং মসিগী কান্নরবা খন্ন-নৈনবশিং অসি মখা চত্থনবা য়ান্নখি।
লৈবাক অনিগী মরক্তা লৈরিবা দিপ্লোমেতিক্কী ওইবা মরী থমখিবা অসি চহি ৭০শুবগী কুমওন ২০২২দা তাই হায়না লুচিংবা অনিনা ফোঙদোকখি অমসুং থৌরম অসি মতিক চাবা মওংদা পাঙথোক্নবা য়ান্নখি।
প্রধান মন্ত্রীনা এন্যুএল বাইলেতরেল সম্মিৎকীদমক অথুদা প্রধান মন্ত্রী সুগানা ভারত্তা লাক্নবা বর্তন তৌখি।
***
(Release ID: 1703639)
Visitor Counter : 199
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam