প্রধানমন্ত্রীগী লোইশঙ

ইন্দিয়া – স্বিদেন ভর্চুএল সম্মিৎ

Posted On: 05 MAR 2021 7:20PM by PIB Imphal

প্রধান মন্ত্রী শ্রী নরেন্দ্র মোদী অমসুং কিংদম ওফ স্বিদেনগী প্রধান মন্ত্রী হিজ এক্সিলেন্সী স্তেফেন লোফভেন্না ঙসি ভর্চুএল সম্মিৎ অমা পাংথোক্তুনা বাইলেতরেল ইসুশিং অমসুং অতোপ্পা রিজনেল অমসুং ম্যুচেল ইন্তরেস্তকী মল্তিলেতরেল ইসুশিং খন্ন-নৈনখি।

প্রধান মন্ত্রী মোদীনা মার্চ ৩দা চত্থখিবা হিংশাগী এতেক অদু য়েংলগা স্বিদেনগী মীয়ামগা লোয়ননা সোলিদরিতী ফোংদোকখি অমদি শোকলবশিং অথুবা মতমদা ফগৎলক্নবা থৌনিখি।

প্রধান মন্ত্রীনা অহানবা ইন্দিয়া-নোর্দিক সম্মিৎকীদমক ২০১৮দা মহাক্কী স্বিদেন খোংচৎ অমসুং ২০১৯গী দিসেম্বরদা স্বিদেনগী নিংথৌ অমসুং মহারানিগী ভারত খোংচৎ অদু নৌহৌনা নিংশিংখি।  

লুচিংবা অনিমক্না খংমিন্নখি মদুদি ভারত অমসুং স্বিদেনগী মরক্তা লৈরিবা শাংলবা অচেৎপা মরী অসি দেমোক্রেসী, রুল ওফ লো, প্লুরেলিজম, ইক্বেলিতী, ফ্রীদম ওফ স্পীচ অমসুং মীওইবগী হকশিং ইকায় খুম্নবগী শেয়র ভেল্যুশিংদা য়ুমফম ওই। মখোয়না মল্তিলেতরেলিজম, রুলস বেজ ইন্তরনেস্নেল ওর্দর, কাউন্তর তেরোরিজম অমদি শান্তি অমসুং সেক্যুরিতীগীদমক থবক তৌনবা মখোয়গী অচেৎপা ৱাফম অদু অমুক হন্না চেৎশিলহনখি। মখোয়না য়ুরোপিয়ান য়ুনিয়ন অমসুং য়ুরোপিয়ান লৈবাকশিংগা লোয়ননা ভারতকী পার্তনরশিপ হেনগৎলক্লিবা অদুসু খংমিন্নখি।

লুচিংবা অনিনা ভারত অমসুং স্বিদেনগী মরক্তা হৌজিক চত্থরিবা এঙ্গেজমেন্ত অদু নৌহৌনা য়েংশিনখি, অমদি ২০১৮দা প্রধান মন্ত্রী মোদীগী স্বিদেন খোংচৎ মনুংদা য়ানখিবা জোইন্ত এক্সন প্লান অমসুং জোইন্ত ইনোভেসন পার্তনরশিপ ইমপ্লিমেন্ত তৌখিবদা অপেনবা ফোংদোকখি।

ইন্তরনেস্নেল সোলর এলাইন্স শরুক য়ানবা স্বিদেনগী ৱারেপ অদু প্রধান মন্ত্রী মোদীনা তরাম্না ওকখি। লুচিংবশিংনা ২০১৯গী সেপ্তেম্বরদা ন্যু য়োর্ক্তা পাংথোকখিবা য়ু.এন. ক্লাইমেৎ এক্সন সম্মিৎ মনুংদা হৌদোকখিবা ইন্দিয়া-স্বিদেন জোইন্ত ইনিসিয়েতিব – দি লীদরশিপ গ্রুপ ওন ইন্দস্ত্রী ত্রানজিসনগী মেম্বরশিপ হেনগৎলক্লিবা অদুসু খংমিন্নখি।

লুচিংবা অনিনা বেক্সিনেসন দ্রাইব অমসুং লৈবাক পুম্বদা অথুবা মতমদা অমসুং অহোংবা মমলদা বেক্সিন ফংহনবগী মথৌ তাবা য়াওনা কোবিদ ১৯গী ফিভমদসু খন্ন-নৈনখি।

***



(Release ID: 1702785) Visitor Counter : 1