وزیراعظم کا دفتر

بھارت- سویڈن ورچوئل سربراہ اجلاس

Posted On: 05 MAR 2021 7:20PM by PIB Delhi

نئی دہلی، 5 مارچ: وزیر اعظم جناب نریندر مودی اور سویڈن کے وزیر اعظم عزت مآب اسٹیفن لافواں کے بیچ آج ورچوئل وسیلے سے سربراہ اجلاس منعقد کیا گیا جس میں دونوں رہنماؤں نے باہمی دلچسپی اور دیگر علاقائی و کثیرجہتی امور پر تبادلہ خیال کیا۔

وزیر اعظم مودی نے 3 مارچ کو ہوئے دہشت گردانہ  حملے کے سلسلے میں سویڈن کے عوام سے یکجہتی کا اظہار کیا اور زخمیوں کی جلد صحت یابی کے لیے دعا کی۔

وزیر اعظم نے پہلے ہند-نورڈک سربراہ اجلاس کے لیے، اپنے 2018 کے سویڈن دورے نیز دسمبر، 2019 میں سویڈن کے بادشاہ اور ملکہ کے بھارتی دورے کو یاد کیا۔

دونوں رہنماؤں نے بھارت اور سویڈن کے درمیان دیرینہ تعلقات پر زور دیا جو جمہوریت، قانون کی حکمرانی، تکثیریت، مساوات، آزادی اظہار، اور انسانی حقوق کے احترام کی مشترکہ اقدار پر مبنی ہیں۔ انھوں نے کثیر جہتی، قواعد پر مبنی بین الاقوامی نظم، دہشت گردی کے خاتمے اور امن و استحکام کے تئیں اپنی عہد بستگی کا اعادہ کیا۔ انھوں نے یوروپی یونین اور یورپی یونین کے ممالک کے ساتھ بھارت کی شراکت داری میں بڑھتی ہوئی اہمیت کا بھی اعتراف کیا۔

دونوں رہنماؤں نے بھارت اور سویڈن کے مابین جاری وسیع تعاون کا جائزہ لیا، اور مشترکہ ایکشن پلان اور مشترکہ اختراعی شراکت داری پرعمل درآمد پر اطمینان کا اظہار کیا، جن پر وزیر اعظم مودی کے 2018 کے سویڈن دورے کے دوران اتفاق کیا گیا تھا۔

وزیر اعظم مودی نے سویڈن کے بین الاقوامی شمسی اتحاد (آئی ایس اے) میں شامل ہونے کے فیصلے کا خیرمقدم کیا۔ دونوں رہنماؤں نے بھارت-سویڈن مشترکہ اقدام  اور لیڈرشپ گروپ آن انڈس ٹرائی ٹرانزیشن (لیڈشپ آئی ٹی) کی  بڑھتی ہوئی رکنیت پر بھی اطمینان کا اظہار کیا، جس کا آغاز بھارت اور سویڈن کی جانب سے  ستمبر 2019 میں نیویارک میں اقوام متحدہ کے ماحولیاتی ایکشن سربراہ اجلاس کے دوران کیا گیا تھا۔

دونوں رہنماؤں نے ٹیکہ کاری مہم سمیت کوڈ 19 کی صورت حال پر بھی تبادلہ خیال کیا، اور تمام ممالک میں ٹیکے کی فوری اور سستی رسائی فراہم کی جانے کی ضرورت پر زور دیا۔

***

ش ح۔ ع ا۔ م ف



(Release ID: 1702765) Visitor Counter : 7