نئی دلّی ، 26 فروری / مرکزی وزارتِ داخلہ ( ایم ایچ اے ) نے آج نگرانی  ، کنٹنمنٹ اور احتیاط کے لئے  موجودہ رہنما خطوط   میں توسیع کے احکامات جاری کئے ہیں ، جو 31 مارچ ، 2021 ء تک نافذ رہیں گے ۔

          ایسے میں ، جب کہ کووڈ – 19 کے زیرِ علاج اور نئے  مریضوں  کی تعداد میں  قابلِ قدر  کمی آئی ہے ، نگرانی ، کنٹنمنٹ اور  احتیاط  جاری رکھنے کی  سخت  ضرورت ہے  تاکہ  عالمی وباء پر  پوری  طرح قابو پایا جا سکے ۔

          ریاستوں / مرکز کے زیرِ انتظام علاقوں   کو مشورہ دیا گیا ہے کہ وہ   ہدف شدہ آبادی کی  ٹیکہ کاری میں تیزی  لائیں ۔

          اسی مناسبت سے کنٹنمنٹ زون کی احتیاط کے ساتھ نشاندہی   جاری رہے گی ، کنٹنمنٹ زون میں  گھیرا بندی سے متعلق   اقدامات پر   سختی سے  عمل در آمد کیا جائے گا  ، کووڈ سے متعلق  طور طریقوں کو فروغ دیا جائے گا اور سختی سے نافذ کیا جائے گا   اور  اجازت شدہ مختلف سرگرمیوں   کے بارے میں  مقررہ معیاری  عملی ضابطوں  ( ایس او پیز ) پر سختی سے  عمل درآمد کیا جائے گا ۔

          اس لئے ، رہنما خطوط  / ایس او پیز   پر سختی سے  عمل درآمد  کے ساتھ  نگرانی  اور کنٹنمنٹ  کے طریقۂ کار پر عمل  کیا جائے گا ، جیسا کہ 27 جنوری ، 2021 ء کو جاری  رہنما  خطوط میں  دیا گیا ہے ۔  ان رہنما خطوط پر ریاستوں اور مرکز کے زیر انتظام علاقوں کو سختی سے  نافذ کرنے کی ضرورت ہے ۔

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح  ۔ و ا ۔ ع ا ۔ 26.02.2021  )

U. No. 1970