অহানবা নুমিৎতা অঙাং ২৯,০০০ অমসুং মীরোনবী নুপী ৫,০০০ হেন্না কভর তৌখি।

তোঙান তোঙানবা রাজ্যশিং অমসুং য়ু.তি.শিংনা রুতিন ইম্ম্যুনাইজেসন প্রোগ্রামচা কাপহৌদবা নত্ত্রগা চত্থহৌবা অঙাংশিং অমসুং মীরোনবী নুপীশিং য়ৌশিন্নবা পান্দম থমখিবা কেম্পেন অমা ওইরিবা ইন্তেন্সিফাইদ মিসন ইন্দ্রধনুশ ৩.০ ইমপ্লিমেন্ত তৌবা হৌখ্রে। মসিনা অঙাংশিং অমসুং মীরোনবী নুপীশিংবু মিসন মোদ ইন্তর্ভেন্সন অমগা খুত্থাংদা মপুং ফানা ইম্ম্যুনাইজেসন তৌবা হেনগৎহন্নবা পান্দম থমখি। অহানবা ফেস অসি নুমিৎ তরা-মঙানিগী ওইনা ফেব্রুৱারী ২২, ২০২১দগী রোল আউৎ তৌখি।

হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধন্না কেম্পেন অসি ফেব্রুৱারী ১৯, ২০২১দা হৌদোকখি অমসুং রাজ্যশিং অমসুং দিস্ত্রিক্ত ফঙ্কসনরীশিংদা অঙাং খুদিংমক য়ৌশিন্নবা অমসুং ইম্ম্যুনাইজেসন মশিং য়াম্না মপুং ফানা তৌবা ঙম্নবা খঙহনখ্রে। কেম্পেন অসি উত্তর প্রদেশতা মুখ্য মন্ত্রী শ্রী য়োগী অদিত্যানাথনা ফেব্রুৱারী ২১, ২০২১দা হৌদোকখো। রাজস্থানদা কেম্পেন অসি মাগী হকশেল মন্ত্রী দা. রঘু শর্মনা ফেব্রুৱারী ২২, ২০২১দা প্রোগ্রাম হৌদোকপগা লোইননা হৌখি। মধ্য প্রদেশধা রাজ্যগী হকশেল মন্ত্রী দা. প্রভু রাম চৌধরীনা ফেব্রুৱারী ২২, ২০২১দা ভোপালদা পাঙথোকপা থৌরম অসিদা কেম্পেন অসি হৌদোকখিবনি।

কামরুপ জিলাদা লৈবা চেকোন অমদা বেক্সিনেসন পাঙথোকপা

জোর্হাৎ জিলাদা বেক্সিনেসন পাঙথোকপা

কেম্পেন অসি নুমিৎ ১৫নি চুপ্না (রুতিন ইম্ম্যুনাইজেসন অমসুং ছুতিশিং য়াওদনা) ইম্ম্যুনাইজেসনগী রাউন্দ অনি পাঙথোক্কনি। মসি লৈবাক অসিগী রাজ্য/য়ু.তি. ২৯দা লৈবা খন্নদগী খঙদোক্লবা জিলা/অর্বান এরিয়া ২৫০দা পাঙথোক্লি। মাইগ্রেসন এরিয়াশিং অমসুং য়ৌশিনবা ৱাবা মফমশিংদগী বেনিফিসরীশিংদা তার্গেৎ ঔগনি মরমদি কোবিদ১৯ মনুংদা মখোয়না মখোয়গী বেক্সিন দোজশিং কাপলমদবা য়াই। আই.এম.আই. ৩.০গী ফোঙখিবা গাইদলাইনশিংগী মতুং ইন্না জিলাশিং অসি লো রিস্ক ৩১৩; মীদিয়ম রিস্ক ১৫২; অমসুং হায় রিস্ক ২৫০ হায়না খাইদোকখি।

কোবিদকা চুন্নবা চৎন-লোনচৎ(সি.এ.বি.) অসি ইম্ম্যুনাইজেসনগী থবক-থৌরমশিংদা ঙাক্না চৎনবা অকনবা ৱাফম থমখ্রে। সেসন সাইৎশিংদা মী চিনদনবা “স্তেগর্দ এপ্রোচ” ঙাক্না চৎনবা রাজ্যশিংদা খঙহনখ্রে অমসুং করিগুম্বা স্তেগর্দ এপ্রোচনা মী চিনবা লাকশিনবা ঙমদবা তারদি ব্রেক-অপ সেসন থৌরাং তৌনবা হায়খ্রে।  সেসন সাইৎতা অপীবা মতম অমদা অমুক্তা বেনিফিসরী ১০দগী হেনহনদনবা মওংদা সেসনশিং অসি পাঙথোক্নবা মওংদা শিনখ্রে।

আই.এম.আই. ৩.০গী অহানবা রাউন্দগী মনুংদা কেম্পেন অসিনা কোবিদ লাইনচৎনা মরম ওইদুনা মখোয়গী বেক্সিনগী দোজশিং কাপহৌদ্রবা অঙাংশিং অমসুং মীরোনবী নুপীশিংদা তার্গেৎ তৌরি। ফেব্রুৱারী ২২গী নুংথিল পুং ৫ ফাওবদা রিপোর্ত তৌরকখিবা দেতাগী মতুং ইন্না চাউরাক্না অঙাং ২৯,০০০ অমসুং মীরোনবী নুপী ৫,০০০ বেক্সিন কাপখ্রে (দেতা প্রোবিজনেল)।

আই.এম.আই. ৩.০ কেম্পেন অসি হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দবল্যু.)গী লুচিং মখাদা মরু ওইবা বিভাগশিং লোইননা পার্তনরশিংগী মপাঙ্গল কল্লবা নেৎৱার্ক অমা অমসুং সিবিল সোসাইতী ওর্গনাইজেসনশিং, নহারোলগী লুপশিং অমসুং কম্ম্যুনিতী মেম্বরশিং অসিগী মতেংগা লোইননা মিসন-মোদতা ইমপ্লিমেন্ত তৌগনি। মসি কোবিদ-১৯ লাইচৎনা মরম ওইদুনা ওইহনখিবা ইম্ম্যুনাইজেসনগী গেপশিং অসি লৈহনদনবা খুদোংচাবা অমা ওইনা লৌগনি।

****