ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ 19 ଫେବୃଆରୀ 2021 ରେ କେରଳରେ ଶକ୍ତି ଏବଂ ସହରୀ କ୍ଷେତ୍ରର ପ୍ରମୁଖ ପ୍ରକଳ୍ପଗୁଡିକର ଉଦଘାଟନ ଏବଂ ଭିତ୍ତିପ୍ରସ୍ତର ସ୍ଥାପନ କରିବେ । ଏହି ଉତ୍ସବରେ କେରଳର ମୁଖ୍ୟମନ୍ତ୍ରୀ, କେନ୍ଦ୍ର ଶକ୍ତି ଏବଂ ନୂତନ ଏବଂ ଅଣପାରମ୍ପରିକ ଶକ୍ତି ଏବଂ ଗୃହ ଓ ନଗର ବ୍ୟାପାର ରାଷ୍ଟ୍ରମନ୍ତ୍ରୀ ମଧ୍ୟ ଉପସ୍ଥିତ ରହିବେ ।

ପୁଗାଲୁର - ଥ୍ରୀସୁର ବିଦ୍ୟୁତ ପରିବହନ ପ୍ରକଳ୍ପ

ପ୍ରଧାନମନ୍ତ୍ରୀ 320 କେଭି ପୁଗାଲୁର (ତାମିଲନାଡୁ) - ଥ୍ରୀସୁର (କେରଳ) ବିଦ୍ୟୁତ ପରିବହନ ପ୍ରକଳ୍ପର ଉଦଘାଟନ କରିବେ । ଏହା ଏକ ଭୋଲଟେଜ୍ ସୋର୍ସ କନଭର୍ଟର (VSC) ଆଧାରିତ ହାଇ ଭୋଲଟେଜ୍ ଡାଇରେକ୍ଟ କରେଣ୍ଟଣ୍ଟ (HDVC) ପ୍ରକଳ୍ପ ଏବଂ ଏଥିରେ ଭାରତର ପ୍ରଥମ HDVC ଯେଉଁଥିରେ ଅତ୍ୟାଧୁନିକ VSC ଜ୍ଞାନକୌଶଳ ବ୍ୟବହାର ହୋଇଛି ।  5070 କୋଟି ଟଙ୍କା ବ୍ୟୟରେ ର୍ନିମିତ ଏହି ପ୍ରକଳ୍ପ ପଶ୍ଚିମାଞ୍ଚଳରୁ 2000 ମେଗାୱାଟ ବିଦ୍ୟୁତ ପରିବହନକୁ ସହଜ କରିବ ଏବଂ କେରଳର ଲୋକଙ୍କ ପାଇଁ ବୃଦ୍ଧି ପାଉଥିବା ଚାହିଦା ପୂରଣ କରିବାରେ ସହାୟକ ହେବ । ଏହି VSC ଆଧାରିତ ବ୍ୟବସ୍ଥାରେ HDVC XLPE(କ୍ରସ୍‌-ଲିଙ୍କ୍ ପଲିଥାଇଲନ୍‌) କେବୁଲ ସହିତ ସୁଉଚ୍ଚ ଲାଇନ୍ ରହିଛି ଯାହାକି ପାରମ୍ପାରିକ ଏଚ୍‍ଡିଭିସି ବ୍ୟବସ୍ଥା ତୁଳନାରେ 35-40% କମ୍ ଜମି ଆବଶ୍ୟକ କରିଥାଏ ।

କାସାରାଗୋଡ୍ ସୌର ଶକ୍ତି ପ୍ରକଳ୍ପ

ପ୍ରଧାନମନ୍ତ୍ରୀ 50 ମେଗାୱାଟ କାସାରାଗୋଡ ସୌର ଶକ୍ତି ପ୍ରକଳ୍ପକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିବେ । ଜାତୀୟ ସୌର ଶକ୍ତି ମିଶନ ଅଧୀନରେ ଏହାକୁ ବିକଶିତ କରାଯାଇଛି । କାସାରାଗୋଡ ଜିଲ୍ଲାର ପାଇଭାଲିକେ, ମିଞ୍ଜା ଏବଂ ଚିପାର ଗ୍ରାମରେ 250 ଏକରରୁ ଅଧିକ ଜମି ଉପରେ ଏହା ସ୍ଥାପନ କରାଯାଇଛି, ଏହା କେନ୍ଦ୍ର ସରକାରଙ୍କ ପ୍ରାୟ 280 କୋଟି ଟଙ୍କା ବିନିଯୋଗରେ ର୍ନିମିତ ହୋଇଛି ।

ସମନ୍ୱିତ ନିର୍ଦ୍ଦେଶ ଏବଂ ନିୟନ୍ତ୍ରଣ କେନ୍ଦ୍ର

ପ୍ରଧାନମନ୍ତ୍ରୀ ଥିରୁଅନନ୍ତପୁରମରେ ସମନ୍ୱିତ ନିର୍ଦ୍ଦେଶ ଏବଂ ନିୟନ୍ତ୍ରଣ କକ୍ଷର ଭିତ୍ତିପ୍ରସ୍ତର ସ୍ଥାପନ କରିବେ । 94 କୋଟି ଟଙ୍କା ବ୍ୟୟରେ ଏହି ପ୍ରକଳ୍ପ ର୍ନିମାଣ ହେବାର ଯୋଜନା ରହିଛି, ଏହା ଥିରୁଅନନ୍ତପୁରମ୍ ମହାନଗର ନିଗମରେ ସ୍ମାର୍ଟ ସଲ୍ୟୁସନ୍ ପାଇଁ ସ୍ଥାପିତ ହୋଇଛି ଏବଂ ଜରୁରୀକାଳୀନ ପରିସ୍ଥିତିରେ ଏହା ସମନ୍ୱୟ ରକ୍ଷାକରି ଗୋଟିଏ ସ୍ଥାନରୁ ସାଧାରଣ ଭାବରେ କାର୍ଯ୍ୟ କରିବ ।

ସ୍ମାର୍ଟ ସଡକ ପ୍ରକଳ୍ପ

ପ୍ରଧାନମନ୍ତ୍ରୀ ଥିରୁଅନନ୍ତପୁରମରେ ସ୍ମାର୍ଟ ସଡକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । ପ୍ରାୟ 427 କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ଏହି ପ୍ରକଳ୍ପ ଥିରୁଅନନ୍ତପୁରମରେ ବର୍ତ୍ତମାନ ଥିବା 37 କିଲୋମିଟର ସଡକକୁ ସମସ୍ତ ପ୍ରକାର ସୁବିଧା ସହିତ ବିଶ୍ୱସ୍ତରୀୟ ସ୍ମାର୍ଟ ସଡକରେ ପରିଣତ କରିବ ଏବଂ ଏଥିରେ ରାସ୍ତା ଓ ସଂଯୋଗ ସ୍ଥାନର ଉନ୍ନତି ପାଇଁ ଯୋଜନା କରାଯାଇଛି ।

ଅରୁଭିକକାରା ଜଳ ବିଶୋଧନ କେନ୍ଦ୍ର

ପ୍ରଧାନମନ୍ତ୍ରୀ AMRUT ମିଶନ୍ ଅଧୀନରେ ର୍ନିମିତ ଅରୁଭିକକାରାରେ 75 MLD (ଦୈନିକ ଏକ ନିୟୁତ ଲିଟର) ଜଳ ବିଶୋଧନା କେନ୍ଦ୍ରକୁ ଉଦ୍‍ଘାଟନ କରିବେ । ଏହା ଥିରୁଅନନ୍ତପୁରମର ଲୋକଙ୍କୁ ପାନୀୟ ଜଳ ଯୋଗାଣକୁ ତ୍ୱରାନ୍ୱିତ କରିବ ଏବଂ ଅରୁଭିକକାରାରେ ଥିବା ବର୍ତ୍ତମାନର ଜଳ ବିଶୋଧନ କେନ୍ଦ୍ରର ରକ୍ଷଣାବେକ୍ଷଣ କାର୍ଯ୍ୟ ସମୟରେ ସହରକୁ ପାନୀୟ ଜଳ ଯୋଗାଣରେ ବ୍ୟାଘାତ ସୃଷ୍ଟିରୁ ରକ୍ଷା କରିବ ।

*****

HS