প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা ভারত অমসুং মোরিশসকী মরক্তা কম্প্রিহেনসিব ইকনোমিক কোওপরেসন এন্দ পার্তনরশিপ এগ্রীমেন্ত (সি.ই.সি.পি.এ.)গী খুৎয়েক পীনবদা অয়াবা পীখ্রে।

ভারত-মোরিশস সি.ই.সি.পি.এ.গী মরু ওইবা ফীচরশিং মখাদা পীরি:

ভারত-মোরিশস সি.ই.সি.পি.এ. অসি অফ্রিকাদা লৈবা লৈবাক অমগা লোইননা ভারতনা খুৎয়েক পীনবা অহানবা ত্রেদ এগ্রীমেন্ত ওইরগনি। এগ্রীমেন্ত অসিনা গুদসকী ললোন-ইতিক, রুল্স ওফ ওরিজিন, সর্ভিসেসকী ললোন-ইতিক, ললোন-তিক্তা থেংনবা তেক্নিকেলগী ওইবা অপনবশিং (তি.বি.তি.), সেনিতরী অনসধং ফাইতোসেনিতরী (এস.পি.এস.)গী খোঙথাংশিং, য়েৎনবা কোকহনবা, নেচরেল পর্সনশিংগী মুফমেন্ত, তেলিকোম, ফাইনান্সিএল সর্ভিসেস, কস্তমস প্রোসিজরশিং অমসুং অতোপ্পা লমশিংদা কোওপরেসন পীনবা হায়রিবশিং অসি কভর ঔরিবা অখন্নবা এগ্রীমেন্ত অমনি।

শাফু নত্ত্রগা কান্নবশিং:

সি.ই.সি.পি.এ.না লৈবাক অনিগী মরক্তা ললোন-ইতিক থৌগৎনবা অমসুং ফগৎহন্নবা ইন্সতিত্যুস্নেল মেকানিজম অমা ফংহনগনি। চীঞ্জাক অমসুং থক্নবশিং (লাইন ৮০), লোউ-শিংউগী পোত্থোকশিং (লাইন ২৫). তেক্সতাইল অমসুং তেক্সতাইলগী আর্তিকলশিং (লাইন ২৭). বেস মেতলশিং অমসুং মরী লৈনবা আর্তিকলশিং )লাইন ৩২), ইলেক্ত্রিকেলশিং অমসুং ইলেক্ত্রোনিক্কী পোৎলমশিং (লাইন ১৩), প্লাস্তিক্স অমসুং কেমিকেলশিং (লাইন ২০), উ অমসুং মরী লৈনবা আর্তিকলশিং (লাইন ১৫) অমসুং অতোপ্পাশিং য়াওনা ভারত-মোরিশস সি.ই.সি.পি.এ. অসিনা ভারতকী এক্সপোর্ত লাইন ৩১০ কভর তৌরি। উনগী ঙা, স্পেসিএলিতী সুগর, বিসকিৎশিং, উহৈশিং, হৈ-মহী, মিনরেল ৱাতর, বিয়র, অলকোহোলিক দ্রিঙ্কশং, সাপোন, খাউ, মেদিকেল অমসুং সর্জিকেলগী খুৎলাই অমসুং ফীরোল য়াওনা প্রদক্ত ৬১৫কী ভারত্তা প্রিফরেন্সিএল মার্কেৎ এক্সেস ফংদুনা মোরিশসনা কান্নবা ফংলগনি।

সর্ভিসেসকী ললোন-ইতিক্কী ওইনদি ভারতকী সর্ভিসেস প্রোভাইদরশিংনা প্রোফেস্নেল সর্ভিসেস, কম্প্যুতরগা মরী লৈনবা সর্ভিসেস, রিসর্চ অমসুং দিবেলপমেন্ত, অতোপ্পা বিজিনেসকী সর্ভিসেস, তেলিকম্ম্যুনিকেসন, কনস্ত্রক্সন, দিস্ত্রিব্যুসন, এজুকেসন, এনভাইর্নমেন্তেল, ফাইনান্সিএল, তুরিজম অমসুং ত্রেবেলগা মরী লৈনবা, রিক্রিএস্নেল, য়োগ, ওদিও-বিজ্যুএল সর্ভিসেস অমসুং ত্রান্সপোর্ত সর্ভিসেস অসিগুম্বা ব্রোদ সর্ভিস সেক্তর ১১দগী সব-সেক্তর ১১৫রোমদা এক্সেস ফংলগনি।

ভারতনা প্রোফেস্নেল সর্ভিসেস, আর এন্দ দি, অতোপ্পা বিজিনেসকী সর্ভিসেস, তেলিকম্ম্যুনিকেসন, ফাইনান্সিএল, দিস্ত্রিব্যুসন, হায়র এজুকেসন, এনভাইর্নমেন্তেল,  হেল্থ, তুরিজম অমসুং ত্রেবেলগা মরী লৈনবা, রিক্রিএস্নেল সর্ভিসেস অমসুং ত্রান্সপোর্ত সর্ভিসেস য়াওনা ব্রোদ সর্ভিস সেক্তর ১১দগী সব-সেক্তর ৯৫রোম ফংহনখ্রে।

নাকল অনিমক্না এগ্রীমেন্ত খুৎয়েক পীনবগী চহি অনিগী মনুংদা য়াম্না সেন্সিতিব ওইবা প্রদক্তশিংগী অখন্নবা মশিংগী ওতোমেতিক ত্রিগর সেফগার্দ মেকানিজম (এ.তি.এস.এম.) অমা নেগোসিয়েৎ তৌনবগী মতাংদা য়ান্নখ্রে।

তাইমলাইন:

এগ্রীমেন্ত অসি লৈবাক অনিমক্কী মরী লৈনবশিংনা অনিমক্কী খুদোংচাগদবা নুমিৎ অমদা খুৎয়েক পীনগনি অমসুং মদুগী মতুংগী থা অদুগী অহানবা তাং অদুদগী চৎনবা হৌগনি।

বেকগ্রাউন্দ:

ভারত অমসুং মোরিশস অসি ইতিহাসিক ওইরবা মান্নবা চৎনবী লৈবা, অৱাংবা-থাক্কী রাজনিতীগী ওইবা তোইনা ৱারী শান্নবা, চাউখৎ-থৌরাংগী কোওপরেসন, ঙাকশেল অমসুং সমুদ্রগী ওইবা মরীদা মপাং ওইবা অমসুং মীয়ামগী মরক্তা লৈনবা মরীশিং অসিনা লোইননা অফবা বাইলেতরেলগী ওইবা মরীশিং থম্লি।

মোরিশস অসি ভারতকী মরু ওইবা চাউখৎ-থৌরাংগী মপাং অমনি। ভারতনা ২০১৬দা মোরিশসতা য়ু.এস.দি. মিলিয়ন ৩৫৩গী ‘স্পেসিএল ইকনোমিক পেকেজ’ অমা পীখি। অনৌবা সুপ্রিম কোর্ত শাবগী প্রোজেক্ত অসি পেকেজ অসিগী মখাদা ইমপ্লিমেন্ত তৌরিবা প্রোজেক্ত মঙাগী মনুংদা অমনি অমসুং হায়রিবা অসি ২০২০গী জুলাইদা প্রধান মন্ত্রী নরেন্দ্র মোদী অমসুং মোরশসকী প্রধান মন্ত্রী প্রবিন্দ জুগনাথনা পুন্না শঙ্গাখি। ২০১৯গী ওক্তোবরদা প্রধান মন্ত্রী মোদী অমসুং মোরিশসকী পি.এম.না স্পেসিএল ইকনোমিক পেকেজ অসিগী মখাদা মোরিশসতা শাখিবা মেত্রো এক্সপ্রেস প্রোজেক্তকী ফেজ-I অমসুং খ্বাইদগী নৌবা ফমুং ১০০ থাবা ই.এন.তি. হোস্পিতাল প্রোজেক্ত পুন্না শঙ্গাখি।

২০০৫দগী হৌদুনা ভারত অসি মোরিশসকী খ্বাইদগী চাউনা ললোন-ইতিক তৌবগী মপাংশিংগী মরক্তা অমা ওইরি, অমসুং মোরিশসতা গুদশিং অমসুং সর্ভিসেসকী খ্বাইদগী চাউবা এক্সপোর্তরশিংগী মরক্তা অমনি। ইন্তরনেস্নেল ত্রেদ সেন্তর (আই.তি.সি.)গী মতুং ইন্না ২০১৯দা মোরিশসকী মপুং ওইবা ইম্পোর্তকী মপাং অসি ভারত (১৩.৮৫%), চিনা (১৬.৬৯%), খা অফ্রিকা (৮.০৭%) অমসুং য়ু.এ.ই.(৭.২৮%)না ওইখি। ভারত অমসুং মোইশসকী মরক্তা লৈরিবা বাইলেতরেল ত্রেদ অসি শেনবা চহি (এফ.ৱাই.) ২০০৫-০৬তা য়ু.এস.দি. মিলিয়ন ২০৬.৭৬ ওইরম্বদগী এফ.ৱাই. ২০১৯-২০দা য়ু.এস.দি. ৬৯০.০২ ওইদুনা ২৩৩%গী গ্রোথ রেজিস্তর তৌখি। ভারতনা মোরিশসতা এক্সপোর্ত তৌবা অসি এফ.ৱাই. ২০০৫-০৬তা য়ু.এস.দি. মিলিয়ন ১৯৯.৪৩ ওইরম্বদগী এফ.ৱাই. ২০১৯-২০দা য়ু.এস.দি. ৬৬২.১৩ ওইদুনা ২৩২% হেনগৎখি অমরোমদা ভারত্তা মোরিশসতগী ইম্পোর্ত তৌবা অসি ২০০৫-০৬তা য়ু.এস.দি. মিলিয়ন ৭.৩৩ ওইরম্বদগী এফ.ৱাই. ২০১৯-২০দা য়ু.এস.দি. ২৭.৮৯ ওইদুনা ২৮০% হেনগৎখি।

ভারত-মোরিশস সি.ই.সি.পি.এ.না লৈবাক অনিগী মরক্তা লৈরিবা হান্নদগী অচেৎপা অমসুং অখন্নবা মরীশিং অসি হেন্না চেৎশিনহল্লগনি।

****