ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ମହାରାଜା ସୁହେଲଦେବ ସ୍ମାରକୀ ଏବଂ ଚିତ୍ତୌରା ହ୍ରଦର ଉନ୍ନତିକରଣ ପାଇଁ ଆଧାରଶିଳା ରଖିବେ ପ୍ରଧାନମନ୍ତ୍ରୀ
Posted On:
14 FEB 2021 11:27AM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଫେବୃଆରୀ 16, 2021 ପୂର୍ବାହ୍ନ 11:00ଟା ସମୟରେ ଭିଡିଓ କନଫରେନ୍ସିଂ ମାଧ୍ୟମରେ ମହାରାଜା ସୁହେଲଦେବ ସ୍ମାରକୀ ଏବଂ ଚିତ୍ତୌରା ହ୍ରଦର ଉନ୍ନତିକରଣ କାର୍ଯ୍ୟ ପାଇଁ ଭିତ୍ତିପ୍ରସ୍ତର ସ୍ଥାପନ କରିବେ । ମହାରାଜା ସୁହେଲଦେବଙ୍କ ଜନ୍ମ ବାର୍ଷିକୀ ପାଳନ ଅବସରରେ ଉତ୍ତରପ୍ରଦେଶର ବହରାଇଚଠାରେ ଏହି କାର୍ଯ୍ୟକ୍ରମ ଆୟୋଜିତ ହେଉଛି । ଏହି ଅବସରରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଶ୍ରୀ ଯୋଗୀ ଆଦିତ୍ୟନାଥ ଉପସ୍ଥିତ ରହିବେ ।
ଏହି ସଂପୂର୍ଣ୍ଣ ପ୍ରକଳ୍ପରେ ମହାରାଜା ସୁହେଲଦେବଙ୍କ ଏକ ଅଶ୍ୱାରୋହୀ ପ୍ରତିମୂର୍ତ୍ତି ସ୍ଥାପନ ହେବା ସହିତ କେଫେଟେରିଆ, ଅତିଥି ଭବନ ଏବଂ ଏକ ଶିଶୁ ଉଦ୍ୟାନ ପରି ବିଭିନ୍ନ ପର୍ଯ୍ୟଟନ ସୁବିଧାର ଉନ୍ନତିକରଣ ସାମିଲ ରହିଛି ।
ମହାରାଜା ସୁହେଲଦେବଙ୍କ ଦେଶ ଭକ୍ତି ଓ ସେବା ସମସ୍ତଙ୍କ ପାଇଁ ପ୍ରେରଣାର ଉତ୍ସ ଏବଂ ଏହି ସ୍ମାରକୀ କ୍ଷେତ୍ରର ବିକାଶ ସହିତ ଦେଶ ମହାରାଜା ସୁହେଲଦେବଙ୍କ ବୀରତ୍ୱର ଗାଥା ସମ୍ପର୍କରେ ସଂପୂର୍ଣ୍ଣ ରୂପେ ପରିଚିତ ହୋଇପାରିବ । ଏହା ମଧ୍ୟ ଏହି କ୍ଷେତ୍ରର ପର୍ଯ୍ୟଟନ ସମ୍ଭାବନାକୁ ଆହୁରି ବୃଦ୍ଧି କରିବ ।
**********
TRP/
(Release ID: 1698022)
Visitor Counter : 175
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam