ভাৰতৰ দৈনিক নতুন আক্ৰান্তৰ গতি হ্ৰাস পাইছে৷ বিগত ২৪ ঘণ্টাত ৯,১১০গৰাকী লোক নতুনকৈ আক্ৰান্ত হৈছে৷ কম সংখ্যক আক্ৰান্ত আৰু অধিক হাৰত আৰোগ্যই চিকিৎসাধীন ৰোগীৰ সংখ্যা ক্ৰমান্বয়ে হ্ৰাস পোৱাটো সুনিশ্চিত কৰিছে৷

আজি ভাৰতৰ চিকিৎসাধীন ৰোগীৰ সংখ্যা ১,৪৩,৬২৫জনলৈ হ্ৰাস পাইছে৷ মুঠ আক্ৰান্তৰ বিপৰীতে ভাৰতৰ চিকিৎসাধীন ৰোগীৰ পৰিমাণ ১.৩২% হৈছে৷

বৰ্তমানলৈকে ১,০৫,৪৮,৫২১জন লোক আৰোগ্য হৈছে৷ বিগত ২৪ ঘণ্টাত ১৪,০১৬গৰাকী ৰোগী আৰোগ্য হৈছে৷ আৰোগ্য আৰু চিকিৎসাধীন ৰোগীৰ মাজৰ ব্যৱধান আজি ১,০৪,০৪,৮৯৬জনলৈ বৃদ্ধি পাইছে৷

সামগ্ৰিক আৰোগ্যৰ সংখ্যা ধাৰাবাহিকভাৱে বৃদ্ধিৰ পৰিপ্ৰেক্ষিতত ভাৰতৰ আৰোগ্যৰ হাৰ ৯৭.২৫%লৈ উন্নীত হৈছে৷ ভাৰতৰ এই হাৰ ব্ৰিটেইন, মাৰ্কিন যুক্তৰাষ্ট্ৰ, ইটালী, ৰাছিয়া, ব্ৰাজিল আৰু জাৰ্মেনীকে ধৰি সকলো দেশতকৈ সৰ্বাধিক৷

ভাৰতৰ গড় মৃত্যুৰ হাৰ ক্ষিপ্ৰগতিত হ্ৰাস পাইছে৷ জানুৱাৰী, ২০২১ৰ দ্বিতীয় সপ্তাহত সৰ্বাধিক ২১১জনৰ বিপৰীতে ফেব্ৰুৱাৰী, ২০২১ৰ দ্বিতীয় সপ্তাহত ৯৬জনলৈ হ্ৰাস পাইছে৷ এই হাৰ ৫৫%৷

ইফালে, ভাৰতৰ মৃত্যুৰ হাৰ ১.৪৩শতাংশৰে বিশ্বৰ ভিতৰতে সৰ্বনিম্ন হিচাপে বিবেচিত হৈছে৷ বিশ্বৰ গড় মৃত্যুৰ হাৰ ২.১৮%৷

২০২১ৰ ৯ ফেব্ৰুৱাৰীৰ পুৱা ৮ বজালৈকে দেশজোৰা ক’ভিড-১৯ টিকাকৰণৰ অধীনত ৬২,৫৯,০০৮জন হিতাধিকাৰীক টিকাকৰণ কৰা হৈছে৷ ইয়াৰে ৫৪,৮২,১০২জন স্বাস্থ্যকৰ্মী আৰু ৭,৭৬,৯০৬জন অগ্ৰণী কৰ্মী৷

বিগত ২৪ ঘণ্টাত ১০,২৬৯টা পৰ্বত ৪,৪৬,৬৪৬গৰাকী লোকক টিকাকৰণ কৰা হৈছে৷ এতিয়ালৈকে ১,২৬,৭৫৬টা পৰ্ব সম্পন্ন কৰা হৈছে৷ টিকাকৰণ কৰা হিতাধিকাৰীৰ সংখ্যা প্ৰতিদিনে বৃদ্ধি পাই আহিছে৷

নতুনকৈ আৰোগ্য হোৱা ৰোগীৰ ৮১.০২%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৫,৯৫৯গৰাকী ৰোগী নতুনকৈ আৰোগ্য হোৱাৰ বিপৰীতে মহাৰাষ্ট্ৰত ৩,৪২৩ আৰু বিহাৰত ৫৫০গৰাকী ৰোগী আৰোগ্য হৈছে৷

বিগত ২৪ গণ্টাত ৯,১১০জন লোক নতুনকৈ আক্ৰান্ত হৈছে৷ ইয়াৰে ৮১.৩৯%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৩,৭৪২গৰাকীৰ বিপৰীতে মহাৰাষ্ট্ৰত ২,২১৬ আৰু তামিলনাডুত ৪৬৪জন লোক আক্ৰান্ত হৈছে৷

বিগত ২৪ ঘণ্টাত ৭৮জন ৰোগীৰ মৃত্যু হৈছে৷ বিগত ৪দিন একেৰাহে ১০০জনতকৈ কম ৰোগীৰ মৃত্যু তথ্য পোৱা গৈছে৷

নতুনকৈ মৃত্যু হোৱা ক’ভিড ৰোগীৰ ৬৪.১% ৫খন ৰাজ্য আৰু কেন্দ্ৰীয় শাসিত অঞ্চলৰ৷

কেৰালাত সৰ্বাধিক ১৬জনৰ বিপৰীতে মহাৰাষ্ট্ৰ আৰু পাঞ্জাৱত ক্ৰমে ১৫ আৰু ১১জন ৰোগীৰ মৃত্যু হৈছে৷

*****

MV/SJ/DB