ભારતમાં દૈનિક ધોરણે નોંધાઇ રહેલા નવા કેસની સંખ્યામાં સતત ઘટાડો નોંધાઇ રહ્યો છે અને છેલ્લા 24 કલાકમાં નવા સંક્રમિતોની સંખ્યા 9,110 નોંધાઇ છે. દૈનિક ધોરણે નવા કેસની ઓછી સંખ્યા અને સાજા થનારા દર્દીઓના વધી રહેલા આંકડાના કારણે સક્રિય કેસમાં એકધારો ઘટાડો થઇ રહ્યો છે.

ભારતમાં આજે કુલ સક્રિય કેસની સંખ્યા ઘટીને 1.43 લાખ (1,43,625) નોંધાઇ છે. ભારતમાં કુલ પોઝિટીવ કેસમાંથી સક્રિય કેસની સંખ્યાનું ભારણ માત્ર 1.32% રહ્યું છે.

આજદિન સુધીમાં દેશમાં કુલ સાજા થયેલાની સંખ્યા 1.05 કરોડ (1,05,48,521) નોંધાઇ છે. છેલ્લા 24 કલાકમાં 14,016 દર્દીઓ સાજા થવાથી તેમને રજા આપવામાં આવી છે. સાજા થયેલા દર્દીઓ અને સક્રિય કેસની સંખ્યા વચ્ચેનો તફાવત સતત પ્રગતીપૂર્ણ રીતે વધી રહ્યો છે. આજે આ આંકડો વધીને 1,04,04,896 નોંધાયો છે.

દેશમાં કુલ સાજા થઇ રહેલા દર્દીઓની સંખ્યામાં સતત વૃદ્ધિના કારણે, ભારતનો સાજા થવાનો દર 97.25% થઇ ગયો છે જે દુનિયામાં સૌથી વધુ પૈકી એક છે. UK, USA, ઇટાલી, રશિયા, બ્રાઝિલ અને જર્મની જેવા દેશોમાં સાજા થવાનો દર ભારતની સરખામણીએ ઓછો છે.

ભારતમાં દૈનિક સરેરાશ મૃત્યુની સંખ્યામાં તીવ્ર ઘટાડો થવાનું ચાલુ છે. જાન્યુઆરી 2021ના બીજા સપ્તાહમાં દૈનિક સરેરાશ 211 મૃત્યુઆંકની ઉચ્ચ સપાટીએથી ઘટીને ફેબ્રુઆરી 2021ના બીજા સપ્તાહમાં સરેરાશ 96 થઇ ગઇ છે, જે એક મહિનામાં 55%નો ઘટાડો દર્શાવે છે.

ભારતમાં મૃત્યુદર(CFR) 1.43% છે જે દુનિયામાં સૌથી ઓછા પૈકી એક છે. વૈશ્વિક સરેરાશ મૃત્યુદર 2.18% છે.

9 ફેબ્રુઆરી 2021ના રોજ સવારે 8:00 વાગ્યા સુધીમાં દેશમાં કોવિડ-19 વિરોધી રસીકરણ કવાયત અંતર્ગત રસી લેનારા કુલ લાભાર્થીઓની સંખ્યા અંદાજે 62.6 લાખ (62,59,008) સુધી પહોંચી ગઇ છે.

આમાં 5,482,102 આરોગ્ય કર્મચારીઓ અને 7,76,906 અગ્ર હરોળના કર્મચારીઓ પણ સામેલ છે.

છેલ્લા 24 કલાકમાં કુલ 4,46,646 (આરોગ્ય સંભાળ કર્મચારીઓ- 1,60,710 અને અગ્ર હરોળના કર્મચારીઓ – 2,85,936) લાભાર્થીઓને 10,269 સત્રોમાં રસી આપવામાં આવી છે. આજદિન સુધીમાં કુલ 1,26,756 સત્રોનું આયોજન કરવામાં આવ્યું છે.

નવા સાજા થયેલા દર્દીઓમાંથી 81.2% દર્દીઓ છ રાજ્યો/કેન્દ્રશાસિત પ્રદેશોમાંથી છે.

કેરળમાં છેલ્લા 24 કલાકમાં દૈનિક ધોરણે સૌથી વધુ 5,959 નવા દર્દીઓ સાજા થયા છે જ્યારે તે પછીના ક્રમે મહારાષ્ટ્રમાં નવા 3,423 અને બિહારમાં નવા 550 દર્દી સાજા થયા હોવાનું નોંધાયું છે.

છેલ્લા 24 કલાકમાં દૈનિક ધોરણે નવા 9,110 દર્દીઓ સંક્રમિત થયા હોવાની પુષ્ટિ થઇ છે. 81.39% નવા નોંધાયેલા કેસ 6 રાજ્યો અને કેન્દ્રશાસિત પ્રદેશોમાંથી છે.

કેરળમાં દૈનિક ધોરણે સૌથી વધુ નવા 3,742 કેસ પોઝિટીવ નોંધાયા છે. તે પછીના ક્રમે, મહારાષ્ટ્રમાં નવા 2,216 જ્યારે તમિલનાડુમાં નવા 464 કેસ પોઝિટીવ નોંધાયા છે.

છેલ્લા 24 કલાકમાં વધુ 78 દર્દીઓના મૃત્યુ નોંધાયા છે. છેલ્લા 4 દિવસથી દૈનિક ધોરણે મૃત્યુઆંક 100ની નીચે નોંધાઇ રહ્યો છે.

નવા નોંધાયેલા મૃત્યુમાંથી 64.1% દર્દીઓ પાંચ રાજ્યો/કેન્દ્રશાસિત પ્રદેશોમાંથી હતા. કેરળમાં સૌથી વધુ મૃત્યુઆંક (16) નોંધાયો છે. તે પછીના ક્રમે, મહારાષ્ટ્રમાં એક દિવસમાં વધુ 15 જ્યારે પંજાબમાં વધુ 11 દર્દીના મૃત્યુ નોંધાયા છે.

SD/GP/BT