ভারতকী নুংতিগী ওইনা থেংনবা কেসশিং মখা তানা হন্থরক্লি। হৌখিবা পুং ২৪দা অনৌবা কেস ৯,১১০ রেজিস্তর তৌখ্রে। নুংতিগী থেংনবা কেসশিংগী মশিং হন্থরকপা অমদি ফগৎলকপশিং ৱাংখৎলকপা অসি এক্তিব কেসশিংদা চাউনা হন্থহনবা ঙমখ্রে।

ভারতকী অপুনবা এক্তিব কেসলোদ অসি ঙাই লাখ ১.৪৩ (১,৪৩,৬২৫) দা হন্থখ্রে। হৌজিক লৈরিবা এক্তিব কেসলোদ অসি ভারতকী অপুনবা পোজিতিব কেসশিংগী শুপ্নগী ১.৩২% খক্তা ওইরি।

হৌজিক ফাওবদা পুন্না মীওই করোর ১.০৫ (১,০৫,৪৮,৫২১) নাবা ফগৎখ্রে। হৌখিবা পুং ২৪দা অনাবা মীওই ১৪,০১৬ নাবা ফগৎতুনা দিসচার্জ তৌখ্রে। নাবা ফগৎলকপা মীওই অমসুং এক্তিব কেসশিংগী মরক্তা খেন্নবা অসি মথং-মথং হেনগৎলক্লি। ঙসি মসি ১,০৪,০৪,৮৯৬ য়ৌখ্রে।

ফগৎলকপশিংগী মশিংদা লেপ্পা লৈতনা হেনগৎলকপগা লোইননা ভারতকী নাবা ফগৎলকপগী চাং অসি ১৭.২৫% য়ৌদুনা মালেমগী ওইনা খ্বাইদগী ৱাংবা ওইরে। য়ু.কে., য়ু.এস.এ., ইতালী, রুসিয়া, ব্রাজিল অমসুং জর্মনীনা ভারত্তগী নাবা ফগৎলকপগী চাং অসি তারি।

ভারতকী চাংচৎ ওইনা নুংতিগী লৈখিদবা অসিসু চাউনা হন্থরক্লি। জনুৱারীগী অনিশুবা চয়োলদা ২১১ য়ৌরুরবা নুংতিগী লৈখিদবগী চাংচৎ অসি ফেব্রুৱারীগী অনিশুবা চয়োলদা ৯৬তা হন্থদুনা ৫৫% হন্থবগী রেজিস্তর তৌরি।

ভারতকী কেস ফেতেলিতী রেৎ (সি.এফ.আর.) অসি ১.৪৩%নি মসি মালেমগী ওইনা খ্বাইদগী তাবশিংগী মরক্তা অমনি। মালেমগী চাংচৎ অসি ২.১৮% ওইরি।

ফেব্রুৱারী ৯, ২০২১গী অয়ুক পুং ৮:০০ ফাওবদা লৈবাক শিনবা থুংনা পাঙথোকপা কোবিদ ১৯ বেক্সিনেসনগী থৌরম অসিগী মখাদা বেনিফিসরী লাখ ৬২.৬ (৬২,৫৯,০০৮) ময়া নক্না বেক্সিন কাপখ্রে।

মসিগী মনুংদা ৫,৪৮২,১০২না হেলথকিয়র ৱার্করশিংনি অমসুং ৭,৭৬,৯০৬না ফ্রন্তলাইন ৱার্করশিং ওইখি।

বেক্সিনেসন দ্রাইভকী ২৪নি শুবা নুমিৎ অসদা সেসন ১০,২৬৯ পাঙথোক্তুনা মীওই ৪,৪৬,৬৪৬ (ঐচ.সি.দবল্যু.-১,৬০,৭১০ অমসুং এফ.এল.দবল্যিু.- ২,৮৫,৯৩৬) বেক্সিন কাপখ্রে। হৌজিক ফাওবদা সেসন ১,২৬,৭৫৬ পাঙথোকখ্রে।

নৌনা নাবা ফগৎখিবা কেসশিংগী ৮১.২% দি রাজ্য অমসুং য়ু.তি. ৬দগী ওইখ্রে।

নৌনা ফগৎখিবা কেস ৫,৯৫৯গা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে। হৌখিবা পুং ২৪দা মহারাস্ত্রদা মীওই ৩,৪২৩ অমসুং বিহারদা মীওই ৫৫০ ফগৎতুনা মতুং ইন্নখ্রে।

হৌখিবা পুং ২৪দা নুংতিগী ওইনা থেংনবা অনৌবা কেস ৯,১১০ রেজিস্তর তৌখ্রে। অনৌবা কেসশিংগী ৮১.৩৯%দি রাজ্য অমসুং য়ু.তি. ৬তগী ওইখি।

কেস ৩,৭৪২গা লোইননা কেরেলানা মশিং খ্বাইদগী রিপোর্ত তৌরকখ্রে। মসিগী মতুংদা মহারাস্ত্রদা  ২,২১৬ অমসুং তামিল নাদুদা অনৌবা কেস ৪৬৪ রিপোর্ত তৌদুনা মতুং ইন্নখ্রে।

হৌখিবা পুং ২৪দা লৈখিবা ৭৮ রিপোর্ত তৌরকখি। হৌখিবা নুমিৎ ৪নি অসিদা লৈখিদবা ১০০দগী তানা রিপোর্ত তৌরকখি।

নৌনা লৈখিদবগী ৬৪.১%দি রাজ্য মঙাদগী ওইখি।  কেরেলাদা মশিং খ্বাইদগী য়াম্না লৈখিদে (১৬)। মহারাস্ত্রদা ১৫ অমরোমদা পঞ্জাবতা ১১ লৈখিদবগী রিপোর্ত তৌখি।

****