नवी दिल्ली, 9 फेब्रुवारी 2021

भारतातील दैनंदिन नवीन रुग्णसंख्येत सतत खाली जाणारा कल दिसून येत आहे. गेल्या 24 तासांत देशभरात  9,110 नवीन रुग्ण आढळले आहेत. दैनंदिन रुग्णांची कमी संख्या आणि बरे होणाऱ्यांचे वाढते प्रमाण यामुळे उपचाराधीन रुग्णसंख्येत सतत घट होत  आहे.

भारताची उपचाराधीन रुग्णांची एकूण संख्या आज घसरून 1.43  लाख (1,43,625) झाली आहे. उपचाराधीन रुग्णसंख्येत आता भारताच्या एकूण बाधित रुग्णांपैकी केवळ 1.32 टक्के रुग्णांचा समावेश आहे.

आतापर्यंत एकूण 1.05 कोटी (1,05,48,521) रुग्ण बरे झाले आहेत. गेल्या 24 तासांत 14,016 रूग्ण बरे झाले आहेत आणि त्यांना घरी सोडण्यात आले  आहे. बरे झालेले रुग्ण आणि उपचाराधीन रुग्ण यातील तफावत  उत्तरोत्तर वाढतच आहे. आज ही तफावत 1,04,04,896  इतकी आहे.

बरे होणाऱ्या रुग्णांच्या संख्येत सातत्याने वाढ होत असल्यामुळे  भारताचा रुग्ण बरे होण्याचा दर 97.25  पोहचला असून  जागतिक स्तरावरील उच्चांकी संख्येपैकी एक आहे. ब्रिटन, अमेरिका, इटली, रशिया, ब्राझील आणि जर्मनीचा रुग्ण बरे होण्याचा दर  भारतापेक्षा कमी आहे.

भारतातील सरासरी दैनंदिन मृत्यूंमध्येही सातत्याने घट होत आहे. जानेवारी 2021,च्या दुसर्‍या आठवड्यात दैनंदिन  मृत्यू संख्या 211 होती, फेब्रुवारी, 2021 च्या दुसर्‍या आठवड्यात सरासरी दैनंदिन मृत्यू 96 पर्यंत  कमी झाले असून ही घट 55 %  आहे.

भारताचा मृत्यू दर (सीएफआर) 1.43% असून जगातील सर्वात कमी दरापैकी एक आहे. जागतिक सरासरी 2.18 टक्के आहे.

9 फेब्रुवारी, 2021 रोजी सकाळी 8:00 वाजेपर्यंत, सुमारे 62.6 लाख  (62,59,008) लाभार्थ्यांना देशव्यापी कोविड  19 लसीकरणाअंतर्गत लस देण्यात आली आहे.

यापैकी 5,482,102 आरोग्य कर्मचारी आहेत तर 7,76,906 आघाडीचे कर्मचारी आहेत.

लसीकरण मोहिमेच्या 24 व्या दिवशी 10,269 सत्रांमध्ये 4,46,646 लोकांचे (एचसीडब्ल्यू - 1,60,710 आणि एफएलडब्ल्यू- 2,85,936) लसीकरण करण्यात आले. आतापर्यंत 1,26,756 सत्रे घेण्यात आली आहेत.

बरे झालेल्या नवीन रुग्णांपैकी 81.2 टक्के रुग्ण  6 राज्ये / केंद्रशासित प्रदेशात  आहेत.

केरळमध्ये काल एका दिवसात 5,959 इतके  सर्वाधिक रुग्ण बरे झाले  गेल्या 24 तासांत महाराष्ट्रात 3,423 रुग्ण बरे झाले आणि त्याखालोखाल  बिहारमध्ये 550 रुग्ण बरे झाले.

गेल्या 24 तासांत 9,110 दैनंदिन रुग्णांची नोंद झाली .  नवीन रुग्णांपैकी 81.39 टक्के रुग्ण  6 राज्ये आणि केंद्रशासित प्रदेशांमधील आहेत.

केरळमध्ये काल 3,742 इतक्या सर्वाधिक संख्येने नवीन रुग्णांची नोंद झाली.  त्याखालोखाल महाराष्ट्रात  2,216 , तर तामिळनाडूमध्ये 464 नवीन रुग्ण आढळले आहेत.

गेल्या 24 तासांत 78 मृत्यू नोंदले गेले. गेल्या 4 दिवसांपासून 100 पेक्षा कमी मृत्यूची नोंद झाली आहे.

नवीन मृत्यूंपैकी  64.1 टक्के मृत्यू पाच राज्ये / केंद्रशासित प्रदेशांमधील आहेत . केरळमध्ये सर्वाधिक (16) मृत्यू झाले ,  महाराष्ट्रात 15 मृत्यू तर पंजाबमध्ये 11 मृत्यूची नोंद झाली आहे.

Jaydevi P.S/S.Kane/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com