বিগত ১০দিনত একেৰাহে ১৫০তকৈ কম ৰোগীৰ মৃত্যু হৈছে, যিটো ভাৰতৰ বাবে এক উল্লেখযোগ্য সফলতা হিচাপে বিবেচিত হৈছে৷ বিগত ২৪ ঘণ্টাত কেৱল ৮৪জন ৰোগীৰ মৃত্যুৰ তথ্য পোৱা গৈছে৷

বৰ্ধিত চিনাক্তকৰণ, আগ্ৰাসী আৰু ব্যাপক পৰীক্ষণৰ লগতে সংসহত মানসম্পন্ন চিকিৎসা ব্যৱস্থাপনাকে ধৰি ফলপ্ৰসু নিয়ন্ত্ৰণ কৌশলে মৃত্যু হাৰ কম কৰাৰ লগতে দৈনিক আক্ৰান্তৰ সংখ্যাও কম হোৱাত ইন্ধন যোগাইছে৷

ক’ভিড নিয়ন্ত্ৰণ আৰু সঁহাৰি নীতিৰ উপৰি কেন্দ্ৰীয় চৰকাৰে কেৱল মৃত্যুৰ হাৰ কম কৰাতে গুৰুত্ব দিয়া নাই বৰঞ্চ মানসম্পন্ন চিকিৎসাৰ জৰিয়তে গুৰুত্বৰ ৰোগীৰ জীৱন ৰক্ষা কৰাত সফল হৈছে৷

কেন্দ্ৰ আৰু ৰাজ্য/কেন্দ্ৰীয় শাসিত অঞ্চলৰ চৰকাৰৰ সামগ্ৰিক প্ৰচেষ্টাই মৃত্যুৰ হাৰ হ্ৰাসত সফলতা আনিছে৷

বিগত ২৪ ঘণ্টাত ১৭খন ৰাজ্য/কেন্দ্ৰীয় শাসিত অঞ্চলত এজনো ক’ভিড-১৯ত মৃত্যু হোৱা নাই৷ সেইবোৰ হৈছে আন্দামান আৰু নিকোবৰ দ্বীপপুঞ্জ, অৰুণাচলপ্ৰদেশ, ত্ৰিপুৰা, মিজোৰাম, নাগালেণ্ড, লাক্ষাদ্বীপ, লাদাখ(কে.শা.অ.), ছিকিম, ৰাজস্থান, মেঘালয়, মধ্যপ্ৰদেশ, জম্মু আৰু কাশ্মীৰ, পুডুচেৰী, অন্ধ্ৰপ্ৰদেশ, ওড়িশা আৰু অসম৷

বিগত ২৪ ঘণ্টাত দেশত চিকিৎসাধীন ৰোগীৰ সংখ্যা ১,৪৮,৬০৯জনলৈ হ্ৰাস পাইছে৷ বৰ্তমান দেশত মুঠ আক্ৰান্ত কেৱল ১.৩৭%হে চিকিৎসাধীন হৈ আছে৷

বিগত ২৪ ঘণ্টাত দেশত ১১,৮৩১গৰাকী নতুন আক্ৰান্তৰ বিপৰীতে ১১,৯০৪জন ৰোগী আৰোগ্য হৈছে৷

নতুনকৈ আৰোগ্য হোৱা ৰোগীৰ ৮১%ই ৫খন ৰাজ্য/কেন্দ্ৰীয় শাসিত অঞ্চলৰ৷

কেৰালা আৰু মহাৰাষ্ট্ৰত ভাৰতৰ মুঠ চিকিৎসাধীন ৰোগীৰ ৭০% আছে৷

৩৩খন ৰাজ্য/কেন্দ্ৰীয় শাসিত অঞ্চলত ৫,০০০তকৈ কম ৰোগী চিকিৎসাধীন হৈ আছে৷

ৰাষ্ট্ৰীয় হাৰৰ লগতে ৰাজ্য/কেন্দ্ৰীয় শাসিত অঞ্চলসমূহতো দ্ৰুতগতিত চিকিৎসাধীন ৰোগীৰ সংখ্যা হ্ৰাস পাইছে৷

বিগত মাহত মহাৰাষ্ট্ৰ আৰু উত্তৰপ্ৰদেশত সৰ্বাধিক চিকিৎসাধীন ৰোগী হ্ৰাস পাইছে৷

২০২১ৰ ৮ ফেব্ৰুৱাৰীৰ পুৱা ৮ বজালৈকে দেশজোৰা ক’ভিড-১৯ টিকাকৰণৰ অধীনত ৫৮,১২,৩৬২জন হিতাধিকাৰীক টিকাকৰণ কৰা হৈছে৷

বিগত ২৪ ঘণ্টাত ১,৩০৪টা পৰ্বত ৩৬,৮০৪গৰাকী লোকক টিকাকৰণ কৰা হৈছে৷ এতিয়ালৈকে ১,১৬,৪৮৭টা পৰ্ব সম্পন্ন কৰা হৈছে৷ টিকাকৰণ কৰা হিতাধিকাৰীৰ সংখ্যা প্ৰতিদিনে বৃদ্ধি পাই আহিছে৷

আজি দেশত মুঠ আৰোগ্য ৰোগীৰ সংখ্যা ১.০৫ কোটিতকৈ অধিক হৈছে হৈছে৷ আৰোগ্যৰ হাৰ ৯৭.২০% হৈছে৷

নতুনকৈ আৰোগ্য হোৱা ৰোগীৰ ৮০.৫৩%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৫,৯৪৮গৰাকী ৰোগী নতুনকৈ আৰোগ্য হোৱাৰ বিপৰীতে মহাৰাষ্ট্ৰত ১,৬২২ আৰু উত্তৰপ্ৰদেশত ৬৭০গৰাকী ৰোগী আৰোগ্য হৈছে৷

নতুন আক্ৰান্তৰ ৮৫.৮৫%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৬,০৭৫গৰাকীৰ বিপৰীতে মহাৰাষ্ট্ৰত ২,৬৭৩ আৰু কৰ্ণাটকত ৪৮৭গৰাকী লোক আক্ৰান্ত হৈছে৷

বিগত ২৪ ঘণ্টাত ৮৪জন ৰোগীৰ মৃত্যু হৈছে৷

নতুনকৈ মৃত্যু হোৱা ক’ভিড ৰোগীৰ ৭৯.৭৬% ৬খন ৰাজ্য আৰু কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ৩০জনৰ বিপৰীতে কেৰালাত ১৯জন ৰোগীৰ মৃত্যু হৈছে৷

*******

MV/SJ/DB