শীংথানিঙাই ওইবা মাই পাকপা অমদা ভারতনা হৌখিবা নুমিৎ ১০ অসিদা নুংতিগী ওইনা লৈখিদবা অসি ১৫০দগী হন্থনা রেকোর্দ তৌদুনা লাক্লি। হৌখিবা পুং ২৪দা ৮৪ খক্তা লৈখিদবগী রিপোর্ত লাকখি।

খুদক্তা ত্রেসিং অমসুং ত্রেকিং তৌবা, অকনবা মওংদা পাকশন্না তেস্ত তৌবা য়োনা লাকশিন্নবা কান্নরবা লালোংগা লোইননা স্তেন্দর্দাইজ ক্লিনিকেল মেনেজমেন্ত প্রোতোকলশিংগা পুনশিনবনা নুংতিগী থেংনবা পোজিতিব কেসশিং লেপ্পা লৈতনা হন্থহনবগী মথক্তা মোর্তেলিতীগী থাকশিং অসিসু নেম্না থম্বা ঙমহনখি।

কোবিদ মেনেজমেন্ত অমসুং রস্পোন্স পোলিসীগী শরুক ওইনা কেন্দ্র সরকারনা কোবিদকা মরী লৈননা লৈখিদবা অসি লাকশিনবা খক্তা নত্তনা মসিগী মশিং হন্থহনবা অমসুং কোবিদকী ক্রিতিকেল অমসুং সিবিয়র ওইবা অনাবশিংদা ক্বালিতী লৈবা ক্লিনিকেল কিয়ত পীদুনা পুন্সি কনবদা অহেনবা মীৎয়েং চংলি।

কেন্দ্র অমসুং রাজ্য/য়ু.তি. সরকারনা খুৎশম্নদুনা হোৎনবনা কেস ফেএলিতীগী লেবেল অসি চাউনা হন্থহনবা ঙমখি।

হৌখিবা পুং ২৪দা রাজ্য ১৭ অসিদা লৈখিদবগী রিপোর্ত তৌরকখিবা লৈতে। মখোয় অদুদি এ অমসুং এন্দগী ঈথৎশিং, দি এন্দ দি, দি এন্দ এন, অরুনাচল প্রদেশ, ত্রিপুরা, মিজোরাম, নাগালেন্দ, লক্ষদীপ, লদাখ (য়ু.তি.), সিক্কিম, রাজস্থান, মেঘালয়, মধ্য প্রদেশ. জে এন্দ কে, পুদুচেরী, অন্ধ্র প্রদেশ, ওরিশা অমসুং অসামনি।

লৈবাক অসিগী এক্তিব কেসশিং মখা তানা হৌখিবা পুং ২৪ অসিদা ১,৪৮,৬০৯দা হন্থখ্রে। লৈবাক অসিগী এক্তিব কেসশিং অসি হৌজিক অপুনবা পোজিতিব কেসশিংগী শুপ্নগী ১.৩৭% ওইরি।

লৈবাক অসিদা হৌখিবা পুং ২৪দা অনৌবা কনফর্ম কেস ১১,৮৩১ রেকোর্দ তৌখি। হায়রিবা মতম অসিদা নৌনা ফগৎপগী ১১,৯০৪ রেজিস্তর তৌখি।

লৈবাক অসিগী অপুনবা এক্তিব কেসলোদকী ৮১%দি রাজ্য ৫ দগী ওইখি। রাজ্য অনি, কেরেলা অমসুং মহারাস্ত্রনা ভারতকী অপুনবা এক্তিব কেসশিংগী হেনগৎলক্লিবা শরুক অসিগী ৭০% ওইখি।

রাজ্য/য়ু.তি. ৩৩দা এক্তিব কেস ৫,০০০দগী তানা লৈরি।

লৈবাক্কী ওইরিবা মওং অসি তংইনদুনা রাজ্যশিং/য়ু.তি.শিংগী মখোয়গী এক্তিব কেসলোদতা চাউনা হন্থরকপা উবা ফংখ্রে।

হৌখিবা থাদগী মহারাস্ত্রদা এক্তিব কেসশিংগী মশিং খ্বাইদগী য়াম্না হন্থরকখ্রে মসিগী মতুংদা উত্তর প্রদেশ লৈখি।

ফেব্রুৱারী ৮, ২০২১গী (বেক্সিনেসন দ্রাইভকী ২৪নি শুবা নুমিৎ) অয়ুক পুং ৮ ফাওবদা লৈবাক শিনবা থুংনা পাঙথোকপা কোবিদ ১৯ বেক্সিনেসনগী থৌরম অসিগী মখাদা বেনিফিসরী লাখ ৫৭ (৫৮,১২,৩৬২) হেন্না বেক্সিন কাপখ্রে।

হৌখিবা পুং ২৪দা সেসন ১,৩০৪ পাঙথোক্তুনা বেনিফিসরী ৩৬,৮০৪ বেক্সিন কাপখ্রে।

হৌজিক ফাওবদা সেসন ১,১৬,৪৮৭ পাঙথোকখ্রে।

নুমিৎ খুদিংগী বেক্সিন কাপখিবা বেনিফিসরীশিংগী মশিং লেপ্পা লৈতনা হেনগৎলকপা উবা ফংখ্রে।

পুন্না ফগৎখ্রবা কেসশিং অসি করোর ১.০৫ (১,০৫,৩৪,৫০৫) হেনখ্রে।  এক্তিব কেসশিং অমসুং ফগৎখ্রবা কেসশিংগী মরক্তা লৈরিবা খেন্নবা অসি লেপ্পা লৈতনা হেনগঃলক্লি অমসুং হৌজিক ১০,৩৮৫,৮৯৬ শুখ্রে। নাবা ফগৎলকপগী চাং অসিনা ৯৭.২০%. ওইরি।

নৌনা নাবা ফগৎখিবা কেসশিংগী ৮০.৫৩% দি রাজ্য অমসুং য়ু.তি. ৬দগী ওইখ্রে। নৌনা ফগৎখিবা কেস ৫,৯৪৮গা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে, মহারাস্ত্র(১,৬২২) অমসুং উত্তর প্রদেশ(৬৭০) ফগৎতুনা মতুং ইন্নখ্রে।

অনৌবা কেসশিংগী ৮৫.৮৫% %দি রাজ্য ৬তগী ওইখি।

কেস ৬,০৭৫গা লোইননা কেরেলানা মশিং খ্বাইদগী রিপোর্ত তৌরকখ্রে। মসিগী মতুংদা মহারাস্ত্রদা  ২,৬৭৩ অমসুং কর্নাতকাদা অনৌবা কেস ৪৮৭ রিপোর্ত তৌদুনা মতুং ইন্নখ্রে।

হৌখিবা পুং ২৪দা লৈখিবা ৮৪ রিপোর্ত তৌরকখি। । মসিগী ৭৯.৭৬%দি রাজ্য তরুক্তগী ওইখি।  

মহারাস্ত্রদা নৌনা লৈখিদবা ৩০গা লোইননা খ্বাইদগী য়াম্না রিপোর্ত তৌখি। লৈখিদবা ১৯গা লোইননা কেরেলাদা মতুং ইন্নখ্রে।

****