نئی دہلی، 8 فروری 2021:ایک اہم حصولیابی تک پہنچتے ہوئے ہندوستان میں پچھلے دس دن سے مسلسل 150 سے کم اموات سامنے آرہی ہیں۔ گزشتہ 24 گھنٹوں کے دوران صرف 83 اموات کی اطلاع ملی ہے۔

ایک موثر حکمت عملی کے تحت مرض کی نشاندہی اور بڑے پیمانے پر جانچ ، اس کے ساتھ ساتھ انتظامی ، معیاری اصولوں کی پیروی کے ذریعہ اموات کی تعداد میں مسلسل کمی کو یقینی بنایا جاسکا۔ اس کے ساتھ ہی روزانہ کے مثبت معاملات میں بھی کمی لائی جاسکی۔

کووڈ کے مینجمنٹ اور رسپانس پالیسی کے حصے کے طور پر حکومت کی خاص توجہ ہلاکتوں کو محدود کرنے پر رہی ہے اور انسانوں جان کی حفاظت کے لیے کووڈ سے شدید طور پر متاثرہ افراد کو اعلیٰ درجے کی طبی سہولیات فراہم کرائی جارہی ہیں۔ یہ مرکزی اور ریاستی/ مرکز  کے زیر انتظام علاقوں، حکومتوں کے متحدہ کوششوں کے بنا پر ہلاکتوں کی سطح کو کافی حد تک نیچے لایا جاسکا ہے۔

17ریاستوں / مرکز کے زیر انتظام علاقوں سے گزشتہ 24 گھنٹوں کے دوران کسی ہلاکت کی اطلاع نہیں ہے۔ یہ علاقے ہیں انڈومان اینڈ نکوبار جزائر ، دمن اینڈدیو اور دادر اور نگر حویلی، اروناچل پردیش، تری پورہ، میزورم، ناگالینڈ، لکش دیپ، لداخ(یو ٹی)، سکم، راجستھان، میگھالیہ، مدھیہ پردیش، جے اینڈ کے، پانڈوچیری، آندھراپردیش، اڈیشہ اور آسام ۔

پچھلے 24 گھنٹوں میں ملک میں فعال معاملوں کی تعداد گھٹ کر 148609رہ گئی ہے۔ یہ تعداد مجموعی مثبت معاملوں کا صرف ایک اعشاریہ 37 فیصد ہے۔

ملک میں پچھلے 24 گھنٹوں کے دوران 11831 نئے معاملوں کی تصدیق کی گئی۔ اسی عرصے میں 11904 نئی صحتیابیاں بھی درج کی گئیں۔

ملک کے مجموعی فعال معاملات کا 81 فیصد 5 ریاستوں میں درج کیا گیا ہے، جبکہ کیرالہ اور مہاراشٹر میں ہندوستان کے مجموعی فعال معاملات کا 70 فیصد سامنے آیا ہے۔

33 ریاستوں/ مرکز کے زیر انتظام علاقوں میں 5 ہزار سے کم فعال معاملات پائے گئے ہیں۔

قومی رجحان کی پیروی میں ریاستوں / مرکز کے زیر انتظام علاقوں میں بھی فعال معاملات میں نمایاں کمی دیکھنے میں آئی ہے۔ مہاراشٹر میں پچھلے مہینے میں فعال معاملات میں سب سے زیادہ کمی آئی۔ اس کے بعد دوسرا نمبر اترپردیش کا رہا۔

8 فروری 2021 (ٹیکہ کاری مہم کا 24 واں دن )صبح 8 بجے تک 58 لاکھ  سے زیادہ  (5812362 )مستفدین کو ملک گیر کووڈ۔19 ویکسی نیشن مہم کے تحت ویکسین دی گئی۔

پچھلے چوبیس گھنٹوں کے دوران 1304سیشن 26804 لوگوں کو ویکسین دی گئی۔  اب تک ٹیکہ کاری کے 116448سیشن ہوچکے ہیں۔ روزانہ ویکسین پانے والے مستفدین کی تعداد میں مسلسل اضافہ درج کیا جارہا ہے۔

صحتیابی کی مجموعی معاملات کی تعداد 1.05 کروڑ (10534505)تک پہنچ چکی ہے۔ فعال معاملات اور صحتیابی والے معاملات کے درمیان فرق مسلسل بڑھتا جارہا ہے، جو اس وقت 10385896۔ صحتیابی کی شرح 97.20 فیصد ہے۔

نئے صحت یابی کے 80.53 فیصد معاملات 6 ریاستوں میں درج کیے گئے۔کیرالہ میں نئی صحتیابیوں کی سب سے زیادہ تعداد ہے(8948)۔  اس کے بعد مہاراشٹر اور اترپردیش کا نمبر ہے، جہاں یہ تعداد بالترتیب (1622) اور (670 )درج کی گئی۔

نئے معاملات میں سے 85.85  فیصد 6 ریاستوں میں پائے گئے۔

نئے معاملات کی سب سے بڑی تعداد 6.075 کیرالہ میں سامنے آئی۔ جس کے بعد مہاراشٹر اور کرناٹک میں یہ تعداد بالترتیب 2673 اور 487 درج کی گئی۔

پچھلے 24 گھنٹوں میں 84 اموات کی اطلاع ملی ہے، جس میں سے 79.76 فیصد 6 ریاستوں میں ہوئیں۔

مہاراشٹر میں 30 نئی ہلاکتوں کے ساتھ یہ تعداد سب سے زیادہ رہی۔ اس کے بعد کیرالہ  ہے، جہاں19اموات واقع ہوئیں۔

****

U No. 1280

م ن۔س ب۔ ع ح