କୋଭିଡ-୧୯ର ମୁକାବିଲା କ୍ଷେତ୍ରରେ ଭାରତ ବିଶ୍ୱର ଆଉ ଏକ ଶିଖର ସ୍ଥାନରେ ପହଞ୍ଚିପାରିଛି ।

ସର୍ବାଧିକ କୋଭିଡ-୧୯ ଟିକାକରଣ କ୍ଷେତ୍ରରେ ଭାରତ ଏବେ ବିଶ୍ୱରେ ତୃତୀୟ ରାଷ୍ଟ୍ର ହୋଇପାରିଛି । କେବଳ ଯୁକ୍ତରାଷ୍ଟ୍ର ଆମେରିକା ଏବଂ ବିଟେନରେ ଭାରତ ଠାରୁ ଅଧିକ ହିତାଧିକାରୀଙ୍କ ଟିକାକରଣ ହୋଇପାରିଛି ।

ଭାରତରେ ୧୨ ରାଜ୍ୟରେ ୨ଲକ୍ଷରୁ ଅଧିକ ଲେଖାଏଁ ଟିକାକରଣ ହୋଇସାରିଛି । କେବଳ ଉତ୍ତରପ୍ରଦେଶରେ ୬,୭୩,୫୪୨ ଜଣଙ୍କ ଟିକାକରଣ କରାଯାଇଛି ।

କୋଭିଡ-୧୯ ଟିକାକରଣ ଅଭିଯାନରେ ୨୦୨୧ ଫେବ୍ରୁଆରୀ ୭ ତାରିଖ ସକାଳ ୮ଟା ସୁଦ୍ଧା ଭାରତରେ ମୋଟ ୫୭.୭୫ ଲକ୍ଷ (୫୭,୭୫,୩୨୨) ଜଣଙ୍କ ଟିକାକରଣ କରାଯାଇଛି । ଏମାନଙ୍କ ମଧ୍ୟରେ ୫୩,୦୪,୫୪୬ ଜଣ ସ୍ୱାସ୍ଥ୍ୟକର୍ମୀ ଥିବା ବେଳେ ୪,୭୦୭୭୬ ଜଣ ସମ୍ମୁଖ ଯୋଦ୍ଧା ଅଛନ୍ତି ।

ବିଗତ ୨୪ ଘଣ୍ଟାରେ ୮୮୭୫ ସେସନରେ ୩,୫୮,୪୭୩ ହିତାଧିକାରୀଙ୍କ ଟିକାକରଣ କରାଯାଇଛି ।

ଆଜି ସୁଦ୍ଧା ମୋଟ ୧,୧୫,୧୭୮ ସେସନରେ ଟିକାକରଣ କରାଯାଇଛି ।

ଦୈନିକ ଟିକାକରଣ ହେଉଥିବା ହିତାଧିକାରୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି ।

ଅନ୍ୟ ଏକ ଗୁରୁତ୍ୱପୂର୍ଣ୍ଣ କ୍ରମରେ ଦେଶରେ ବିଗତ ୨୪ ଘଣ୍ଟା ମଧ୍ୟରେ କରୋନା ମୃତୁ୍ୟ ସଂଖ୍ୟା ୮୦ରୁ କମ୍ ରହିଛି, ଯାହାକି ୯ ମାସ ମଧ୍ୟରେ ସର୍ବର୍ନିମ୍ନ ।

 ଆଜି ଦେଶରେ ସକ୍ରିୟ କରୋନା ରୋଗୀଙ୍କ ସଂଖ୍ୟା ୧.୪୮ ଲକ୍ଷ (୧,୪୮,୭୬୬) ରହିଛି । ଏବେ ଦେଶରେ ମୋଟ ପଜିଟିଭ୍ ସଂଖ୍ୟାର ମାତ୍ର ୧.୩୭% ରହିଛି ସକ୍ରିୟ କରୋନା ରୋଗୀଙ୍କ ସଂଖ୍ୟା ।

ଭାରତରେ କରୋନାରୁ ମୋଟ ସୁସ୍ଥଙ୍କ ସଂଖ୍ୟା ଆଜି ୧.୦୫ କୋଟି (୧,୦୫,୨୨,୬୦୧) ରହିଛି । ଏବେ ସୁସ୍ଥତା ହାର ରହିଛି ୯୭.୧୯% ।

ବିଗତ ୨୪ ଘଣ୍ଟା ମଧ୍ୟରେ ଦେଶରେ ୧୨,୦୫୯ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୧୧,୮୦୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।

ନୂଆ ସୁସ୍ଥଙ୍କ ମଧ୍ୟରୁ ୮୧.୦୭% ଆସିଛନ୍ତି ୬ ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।

ବିଗତ ୨୪ ଘଣ୍ଟା ମଧ୍ୟରେ କେରଳରେ ସର୍ବାଧିକ ୬୧୭୮ ଜଣ ସୁସ୍ଥ ହୋଇଥିବା ବେଳେ ମହାରାଷ୍ଟ୍ରରେ ୧୭୩୯ ଏବଂ ତାମିଲନାଡ଼ୁରେ ୫୦୩ ଜଣ ସୁସ୍ଥ ହୋଇଛନ୍ତି ।

ନୂଆ କରୋନା ଆକ୍ରାନ୍ତଙ୍କ ମଧ୍ୟରୁ ୮୪.୮୩% ଆସିଛନ୍ତି ୬ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ।

ବିଗତ ୨୪ ଘଣ୍ଟା ମଧ୍ୟରେ କେରଳରେ ସର୍ବାଧିକ ୫୯୪୨ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମହାରାଷ୍ଟ୍ରରେ ୨୭୬୮ ଏବଂ କର୍ଣ୍ଣାଟକରେ ୫୩୧ ଜଣ ଚିହ୍ନଟ ହୋଇଛନ୍ତି ।

ବିଗତ ୨୪ ଘଣ୍ଟା ମଧ୍ୟରେ ଦେଶରେ ୭୮ ଜଣଙ୍କର କରୋନାରେ ମୃତୁ୍ୟ ହୋଇଛି । ଏଥିରୁ ୬୯.୨୩% ମୃତୁ୍ୟ ହୋଇଛି ୫ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । ମହାରାଷ୍ଟ୍ରରେ ସର୍ବାଧିକ ୨୫ ଜଣଙ୍କ ମୃତୁ୍ୟ ହୋଇଥିବା ବେଳେ କେରଳରେ ୧୬ ଜଣ ଏବଂ ପଞ୍ଜାବରେ ୫ ଜଣଙ୍କ ମୃତୁ୍ୟ ହୋଇଛି ।

ବିଗତ ୨୪ ଘଣ୍ଟା ମଧ୍ୟରେ ୧୭ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ କୌଣସି ମୃତୁ୍ୟ ହୋଇନାହିଁ ।

ଏସବୁ ରାଜ୍ୟ ହେଲା ହରିଆନା, ଗୋଆ, ଜମ୍ମୁ ଏବଂ କାଶ୍ମୀର (କେନ୍ଦ୍ରଶାସିତ ଅଞ୍ଚଳ), ଝାଡ଼ଖଣ୍ଡ, ପୁଡୁଚେରି, ମେଘାଳୟ, ନାଗାଲାଣ୍ଡ, ଲାକ୍ଷାଦ୍ୱୀପ, ଆସାମ, ମଣିପୁର, ସିକିମ, ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ ଲାଦାଖ (କେନ୍ଦ୍ରଶାସିତ ଅଞ୍ଚଳ), ମିଜୋରାମ, ଅରୁଣାଚଳ ପ୍ରଦେଶ, ତ୍ରିପୁରା, ଦାମନ ଏବଂ ଡିଉ, ଦାଦ୍ରା ଓ ନଗର ହାବେଲୀ ।

*************