ক’ভিড-১৯ বিৰোধী যুঁজত ভাৰতে আন এক বিশ্বস্তৰীয় কৃতিত্ব অৰ্জন কৰিছে৷

বৰ্তমান ক’ভিড-১৯ৰ সৰ্বাধিক টিকাকৰণ কৰা তৃতীয় শীৰ্ষ দেশত পৰিণত হৈছে ভাৰত৷ ভাৰততকৈ এতিয়া আমেৰিকা যুক্তৰাষ্ট্ৰ আৰু ব্ৰিটেইনহে আগত আছে৷

ভাৰত ১২খন ৰাজ্যৰ প্ৰত্যেকতে ২লাখতকৈ অধিক লোকক টিকাকৰণ কৰা হৈছে৷ উত্তৰপ্ৰদেশতে ৬,৭৩,৫৪২গৰাকী হিতাধিকাৰীক টিকাকৰণ কৰা হৈছে৷

২০২১ৰ ৭ ফেব্ৰুৱাৰীৰ পুৱা ৮ বজালৈকে দেশজোৰা ক’ভিড-১৯ টিকাকৰণৰ অধীনত ৫৭,৭৫,৩২২জন হিতাধিকাৰীক টিকাকৰণ কৰা হৈছে৷ ইয়াৰে ৫৩,০৪,৫৪৬ স্বাস্থ্যকৰ্মী আৰু ৪,৭০,৭৭৬গৰাকী অগ্ৰণী কৰ্মী৷

বিগত ২৪ ঘণ্টাত ৮,৮৭৫টা পৰ্বত ৩,৫৮,৪৭৩গৰাকী লোকক টিকাকৰণ কৰা হৈছে৷ এতিয়ালৈকে ১,১৫,১৭৮টা পৰ্ব সম্পন্ন কৰা হৈছে৷ টিকাকৰণ কৰা হিতাধিকাৰীৰ সংখ্যা প্ৰতিদিনে বৃদ্ধি পাই আহিছে৷

আন এক উল্লেখযোগ্য সফলতা হিচাপে দেশত বিগত ২৪ ঘণ্টাত ৮০জনতকৈ কম ৰোগীৰ মৃত্যু হৈছে, যিটো বিগত ৯ মাহৰ ভিতৰতে সৰ্বনিম্ন হিচাপে বিবেচিত হৈছে৷

দেশত বৰ্তমান চিকিৎসাধীন ৰোগীৰ সংখ্যা ১,৪৮,৭৬৬জনলৈ হ্ৰাস পাইছে৷ বৰ্তমান মুঠ আক্ৰান্তৰ কেৱল ১.৩৭%হে চিকিৎসাধীন হৈ আছে৷

আজি মুঠ আৰোগ্যৰ সংখ্যা ১.০৫ কোটি হৈছে৷ আৰোগ্যৰ হাৰ ৯৭.১৯% হৈছে৷

বিগত ২৪ ঘণ্টাত দেশত ১২,০৫৯গৰাকী নতুন আক্ৰান্তৰ বিপৰীতে ১১,৮০৫জন ৰোগী আৰোগ্য হৈছে৷

নতুনকৈ আৰোগ্য হোৱা ৰোগীৰ ৮১.০৭%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৬,১৭৮গৰাকী ৰোগী নতুনকৈ আৰোগ্য হোৱাৰ বিপৰীতে মহাৰাষ্ট্ৰত ১,৭৩৯ আৰু তামিলনাডুত ৫০৩গৰাকী ৰোগী আৰোগ্য হৈছে৷

নতুন আক্ৰান্তৰ ৮৪.৮৩%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৫,৯৪২গৰাকীৰ বিপৰীতে মহাৰাষ্ট্ৰত ২,৭৬৮ আৰু কৰ্মাটকত ৫৩১গৰাকী লোক আক্ৰান্ত হৈছে৷

বিগত ২৪ ঘণ্টাত ৭৮জন ৰোগীৰ মৃত্যু হৈছে৷

নতুনকৈ মৃত্যু হোৱা ক’ভিড ৰোগীৰ ৬৯.২৩% ৫খন ৰাজ্য আৰু কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ২৫জনৰ বিপৰীতে কেৰালাত ১৬জন আৰু পাঞ্জাৱত ৫জন ৰোগীৰ মৃত্যু হৈছে৷

বিগত ২৪ ঘণ্টাত ১৭খন ৰাজ্য/কেন্দ্ৰীয় শাসিত অঞ্চলত এজনো ক’ভিড-১৯ত মৃত্যু হোৱা নাই ৷ সেইবোৰ হৈছে হাৰিয়ানা, গোৱা, জম্মু আৰু কাশ্মীৰ, ঝাৰখণ্ড, পুডুচেৰী, মেঘালয়, নাগালেণ্ড, লাক্ষাদ্বীপ, অসম, মনিপুৰ, ছিকিং, আন্দামান আৰু নিকোবৰ দ্বীপপুঞ্জ, লাদাখ(কে.শা.অ.) মিজোৰাম, ত্ৰিপুৰা, আৰু দমন আৰু দিউ, দাদৰা আৰু নগৰ হাভেলী৷

****

MV/SJ/DB