ভারতনা কোবিদ১৯গী মায়োক্তা লান্থেংনবদা অতোপ্পা লম অমদসু মাই পাকপা ঙমখ্রে।

কোবিদ১৯ বেক্সিনগী দোজশিং কাপ্পগী মশিংদা ভারতনা  মালেমগী ওইনা মকোক থংবা অহুমশুবা লৈবাক ওইখ্রে। ভারতকী মথক্তা য়ুনাইতেদ স্তেৎস অমসুং য়ুনাইতেদ কিংদম খক্তা লৈরি।

ভারতকী রাজ্য ১২দা  অমমমগী ওইনা বেক্সিন কাপখিবা বেনিফিসরী লাখ ২দগী হেনখ্রে। উত্তর প্রদেশ খক্তদা বেক্সিন কাপখিবা বেমফিফিসরী অসি ৬,৭৩,৫৪২ শুখ্রে।

ফেব্রুৱারী ৭, ২০২১গী অয়ুক পুং ০৮:০০ ফাওবদা লৈবাক শিনবা থুংনা পাঙথোকপা কোবিদ১৯ বেক্সিনেসনগী থৌরমগী মখাদা বেক্সিন কাপখিবা অপুনবা বেনিফিসরী লাখ ৫৭.৭৫ (৫৭,৭৫,৩২২) শুখ্রে। মসিদা হেল্থ কিয়র ৱার্কর ৫৩,০৪,৫৪৬ অমসুং ফ্রন্তলাইন ৱার্কর ৪,৭০,৭৭৬ য়াওখি।

হৌখিবা পুং ২৪দা সেসন ৮,৮৭৫ পাঙথোক্তুনা বেনিফিসরী ৩,৫৮,৪৭৩ বেক্সিন কাপখ্রে।

হৌজিক ফাওবদা সেসন ১,১৫,১৭৮ পাঙথোকখ্রে।

নুমিৎ খুদিংগী বেক্সিন কাপখিবা বেনিফিসরীশিংগী মশিং লেপ্পা লৈতনা হেনগৎলকপা উবা ফংখ্রে।

অতোপ্পা মাই পাকপা অমদা লৈবাক অসিনা পুং ২৪ অসিদা নুংতিগী ওইনা শীবগী মশিং ৮০ দগী তাখ্রে হায়রিবা অসি থা মাপন অসিদা খ্বাইদগী তাবনি।

লৈবাক অসিগী এক্তিব কেসলোদ অসি ঙসি লাখ ১.৪৮ (১,৪৮,৭৬৬) শুখ্রে। হৌজিক লৈরিবা এক্তিব কেসলোদ অসি ভারতকী অপুনবা পোজিতিব কেসশিংগী ১.৩৭%নি।

ঙসি ভারতকী পুন্না ফগৎলকখিবা করোর ১.০৫ (১,০৫,২২,৬০১) শুখ্রে। নাবা ফগৎলকপগী চাংনা ৯৭.১৯%নি।

হৌখিবা পুং ২৪দা নৌনা থেংনখিবা কেস ১২,০৫৯ রেকোর্দ তৌখি অমরোমদনা মীওই  ১১,৮০৫ পুং ২৪ অসিদা নাবা ফগৎলক্তুনা দিসচার্জ তৌখ্রে।

নৌনা নাবা ফগৎখিবা কেসশিংগী ৮১.০৭% দি রাজ্য অমসুং য়ু.তি. ৬দগী ওইখ্রে।

নৌনা ফগৎখিবা কেস ৬,১৭৮গা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে। হৌখিবা পুং ২৪দা মহারাস্ত্র(১,৭৩৯) অমসুং তামিল নাদু(৫০৩) ফগৎতুনা মতুং ইন্নখ্রে।

অনৌবা কেসশিংগী ৮৪.৮৩%দি রাজ্য অমসুং য়ু.তি. ৬তগী ওইখ্রে।

কেস ৫,৯৪২গা লোইননা কেরেলানা মশিং খ্বাইদগী রিপোর্ত তৌরকখ্রে। মসিগী মতুংদা মহারাস্ত্রদা  ২,৭৬৮, অমসুং কর্নাতকাদা অনৌবা কেস ৫৩১ রিপোর্ত তৌখ্রে।

হৌখিবা পুং ২৪দা শীখিবা ৭৮ থেংনখি।

নুংতিগী শীখিবা অসিগী ৬৯.২৩%দি রাজ্য/য়ু.তি. মঙাদগী ওইখি।  মহারাস্ত্রদা শীখিবা খ্বাইদগী য়ামখি (২৫)। কেরেলাদা ১৬ অমসুং পঞ্জাবতা ৫ শীখিবগী রিপোর্ত তৌরকখি।

হৌখিবা পুং ২৪দা রাজ্য/য়ু.তি. ১৭তগী শীখিবগী রিপোর্ত লৈতে। মখোয় অদুদি হরিয়ানা, গোৱা, জে অমসুং কে, ঝার্খন্দ, পুদুচেরী, মেঘালয়, লক্ষদীপ, অসাম, মনিপুর, সিক্কিম, এন অমসুং এনগী ইথৎশুং, লদাখ, মিজোআম, অরুনাচল প্রদেশ, ত্রিপুরা অমসুং দি অমসুং দি অমদি দি অমসুং এন হায়রিবশিং অসিনি।

****