বিশ্ব মহামাৰীৰ বিৰুদ্ধে ভাৰতে ইয়াৰ যুঁজৰ ধাৰাবাহিকতা অব্যাহত ৰাখি বৃহৎ সাফল্য অৰ্জন কৰিছে৷ এক উল্লেখযোগ্য সফলতা হিচাপে ভাৰতে অতি কম সময়তে ৪০লাখ লোকক ক’ভিড টিকাকৰণ কৰা বিশ্বৰ ক্ষিপ্ৰতম দেশত পৰিণত হৈছে৷ ভাৰতে ১৮ দিনতে এই কৃতিত্ব অৰ্জন কৰিছে৷

২০২১ৰ ১ ফেব্ৰুৱাৰীলৈকে জনসাধাৰণক টিকাকৰণ কৰাৰ দিশত ভাৰত বিশ্বৰ শীৰ্ষ পাঁচখন দেশৰ শাৰীত আছে৷ ভাৰতে টিকাকৰণ অভিযানৰ গতি সদায়েই বৃদ্ধি কৰি আহিছে৷

অন্যান্য দিশতো ক’ভিড-১৯ৰ বিৰুদ্ধে ভাৰতৰ যুঁজে সদায় সফলতা লাভ কৰিছে৷

১৪খন ৰাজ্য/কেন্দ্ৰীয় শাসিত অঞ্চলত বিগত ২৪ ঘণ্টাত এজনো ৰোগীৰ মৃত্যু তথ্য পোৱা নাই৷ সেই ৰাজ্যসমূহ হৈছে- অসম, আন্দামান আৰু নিকোবৰ, দমন আৰু দিউ, দাদৰা আৰু নগৰ হাভেলী, অৰুণাচলপ্ৰদেশ, ত্ৰিপুৰা, মিজোৰাম, নাগালেণ্ড, লাক্ষাদ্বীপ, লাডাখ(কে.শা.অ) ছিকিম, মনিপুৰ, পুডুচেৰী, গোৱা আৰু ওড়িশা৷

প্ৰতিদিনে সৰ্বাধিক সংখ্যক ৰোগীৰ আৰোগ্য লাভ আৰু মৃত্যুৰ হাৰৰ নিম্নগামীতাই ভাৰতৰ চিকিৎসাধীন ৰোগীৰ হ্ৰাস পোৱাত অৰিহণা যোগাইছে৷

বিগত ২৪ ঘণ্টাত দেশত চিকিৎসাধীন ৰোগীৰ সংখ্যা ১,৬০,০৫৭জনলৈ হ্ৰাস পাইছে৷ মুঠ আক্ৰান্ত ৰোগীৰ বিপৰীতে দেশৰ চিকিৎসাধীন ৰোগীৰ হাৰ ১.৪৯%লৈ হ্ৰাস পাইছে৷

বিগত ২৪ ঘণ্টাত ১১,০৩৯জন লোক নতুনকৈ আক্ৰান্ত হোৱাৰ বিপৰীতে একে সময়তে ১৪,২২৫গৰাকী ৰোগী আৰোগ্য হৈছে৷ ফলত ২৪ ঘণ্টাতে ৩,২৯৬জন ৰোগী হ্ৰাস পাইছে৷

দেশৰ মুঠ আৰোগ্য ৰোগীৰ সংখ্যা ১,০৪,৬২,৬৩১জনলৈ বৃদ্ধি পাইছে৷ আৰোগ্য হাৰ বিশ্বৰ ভিতৰতে সৰ্বাধিক ৯৭.০৮%লৈ উন্নীত হৈছে৷

৩১খন ৰাজ্য/কেন্দ্ৰীয় শাসিত অঞ্চলত ৫,০০০তকৈ কম ৰোগী চিকিৎসাধীন হৈ আছে৷

৮খন ৰাজ্য/কেন্দ্ৰীয় শাসিত অঞ্চলত সাপ্তাহিক পজিটিভিটিৰ হাৰ ৰাষ্ট্ৰীয় গড় হাৰ ১.৯১%তকৈ কম৷ কেৰালা(১২%) আৰু চত্তীশগড়(৭%)ত এই হাৰ সৰ্বাধিক৷

৩ ফেব্ৰুৱাৰীৰ পুৱা ৮বজালৈকে দেশজোৰা ক’ভিড-১৯ টিকাকৰণ অভিযানৰ অধীনত ৪১,৩৮,৯১৮গৰাকী হিতাধিকাৰীক টিকাকৰণ কৰা হৈছে৷

বিগত ২৪ ঘণ্টাত ৩,৮৪৫টা পৰ্বত ১,৮৮,৭৬২গৰাকী লোকক টিকাকৰণ কৰা হৈছে৷ এতিয়ালৈকে ৭৬,৫৭৬টা পৰ্ব সম্পন্ন কৰা হৈছে৷ টিকাকৰণ কৰা হিতাধিকাৰীৰ সংখ্যা দৈনিত বৃদ্ধি পাই আহিছে৷

নতুনকৈ আৰোগ্য হোৱা ৰোগীৰ ৮৫.৬২%ই ৮খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৫,৭৪৭গৰাকী ৰোগী নতুনকৈ আৰোগ্য হোৱাৰ বিপৰীতে মহাৰাষ্ট্ৰত ৪,০১১ আৰু তামিলনাডুত ৫২১গৰাকী ৰোগী আৰোগ্য হৈছে৷

নতুন আক্ৰান্তৰ ৮৩.০১%ই ৬খন ৰাজ্য/কেন্দ্ৰীয় শাসিত অঞ্চলৰ৷

কেৰালাত সৰ্বাধিক ৫,৭১৬গৰাকীৰ বিপৰীতে মহাৰাষ্ট্ৰত ১,৯২৭ আৰু তামিননাডুত ৫১০গৰাকী লোক আক্ৰান্ত হৈছে৷

বিগত ২৪ ঘণ্টাত ১১০জন ৰোগীৰ মৃত্যু হৈছে৷

নতুনকৈ মৃত্যু হোৱা ক’ভিড ৰোগীৰ ৬৬.৩৬% ৫খন ৰাজ্য আৰু কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ৩০জনৰ বিপৰীতে কেৰালাত ১৬জন ৰোগীৰ মৃত্যু হৈছে৷

*****

MV/SJ/DB