Press Release:Press Information Bureau

PIB Headquarters

কোবিদ-১৯গী মতাংদা পি.আই.বি.গী বুলেতিন

Posted On: 03 FEB 2021 5:51PM by PIB Imphal

#Unite2FightCorona

#IndiaFightsCorona

ভারতনা নুমিৎ ১৮নিদা কোবিদ১৯ বেক্সিনেসনগী মশিং মিলিয়ন ৪ য়ৌবা খ্বাইদগী খোঙজেল য়াংবা লৈবাক ওইখ্রে
এক্তিব কেসলোদনা অপুনবা কেসশিংগী ১.৫%গী মখাদা হায়থখ্রে
হৌখিবা পুং ২৪দা রাজ্য/য়ু.তি. ১৪দগী শীখিবগী রিপোর্ত অমত্তা তৌরকখিদ্রে
হৌখিবা পুং ২৪দা লৈবাক অসিদা অনৌবা কনফর্ম কেস ১১,০৩৯ রেকোর্দ তৌখ্রে, থা তরেৎ অসিগী মনুংদা খ্বাইদগী তাবা ওইখ্রে
হায়রিবা মতম অসিদা নৌনা ফগৎলকপা ১৪,২২৫ রেজিস্তর তৌখ্রে, মসিনা অপুনবা এক্তিব কেসলোদতগী অপুনবা কেস ৩,২৯৬ হন্থহনবা ঙমখ্রে
কোবিদ-১৯ ভেক্সিনেসনগী হিরম খুদিংমক্তা লমজিংনবা নেসনেল এক্সপার্ত গ্র্রুপ ওন ভেক্সিন এদমিনিস্ত্রেসন ফোর কোবিদ-১৯ লিংখৎলে

ভারতনা নুমিৎ ১৮নিদা কোবিদ১৯ বেক্সিনেসনগী মশিং মিলিয়ন ৪ য়ৌবা খ্বাইদগী খোঙজেল য়াংবা লৈবাক ওইখ্রে, এক্তিব কেসলোদনা অপুনবা কেসশিংগী ১.৫%গী মখাদা হায়থখ্রে, হৌখিবা পুং ২৪দা রাজ্য/য়ু.তি. ১৪দগী শীখিবগী রিপোর্ত অমত্তা তৌরকখিদ্রে

মালেমগী লাইচৎ অসিগী লাঞ্জংদা পন্দুপশিং লানবগী ভারতকী লৈরিবা ত্রেজেক্তরীদা মখা চংশিনখ্রে। শীংথানিংঙাই ওইবা মাই পাকপা অমদা ভারতনা কোবিদ১৯ বেক্সিনেসন অসিদা মিলিয়ন ৪ শুদুনা মালেমদা খ্বাইদগী খোঙজেল য়াংবা লৈবাক ওইখ্রে। লৈবাক অসিনা মাই পাকপা অসি নুমিৎ ১৮ দা পাঙথোকখি। ফেব্রুৱারী ১, ২০২১ ফাওবদা ভারত অসি কোবিদ১৯ বেক্সিনগী দোজশিং মাগী প্রজাদা কাপখিবগী মশিংদা য়েংবদা মকোক থংবা লৈবাক মঙাগী মনুংদা চনখি। ভারতনা বেক্সিনেসন দ্রাইভ অসি খোঙজেল য়াংনা মখা চত্থরি। ভারতকী কোবিদ-১৯গী লাঞ্জং অসিনা অতোপ্পা লমশিংদসু নুংতিগী মাই পাকপা পুরক্লি। হৌখিবা পুং ২৪দা রাজ্য/য়ু.তি. ১৮দা শীখিবগী রিপোর্ত অমত্তা তৌরকখিদে। রাজ্যশিং অদুদি এন এন্দ এনগী ইথৎশিং, দি এন্দ দি অমসুং দি এন্দ এন, অরুনাচল প্রদেশ, ত্রিপুরা, মিজোরাম, নাগালেন্দ, লক্ষদীপ, লদাখ (য়ু.তি.), সিক্কিম, মনিপুর, পুদুচেরী, গোৱা, ওরিশা অমসুং অসামনি। নুমিৎ খুদিংগী কোবিসকী অনাবা ফগৎলকপগী মশিং ৱাংখৎলকপা অমসুং শীবগী চাং হন্থরকপা অসিগা লোইননা ভারতনা এক্তিব কেসশিং হন্থনা রেজিস্তর তৌবগী লেপ্পা লৈতবা খোঙচৎ অসি মখা চত্থরি। হৌখিবা পুং ২৪দা লৈবাক অসিগী এক্তিব কেসশিং মখা তানা ১,৬০,০৫৭ দা হন্থখ্রে। লৈবাক অসিগী এক্তিব কেসলোদ অসি অপুনবা কেসশিংগী ১.৫%গী মখাদা (হৌজিক্কী ওইনা ১.৪৯%) লৈখ্রে। হৌখিবা পুং ২৪দা লৈবাক অসিদা অনৌবা কনফর্ম কেস ১১,০৩৯ রেকোর্দ তৌখ্রে, থা তরেৎ অসিগী মনুংদা খ্বাইদগী তাবা ওইখ্রে। হায়রিবা মতম অসিদা নৌনা ফগৎলকপা ১৪,২২৫ রেজিস্তর তৌখ্রে। মসিনা অপুনবা এক্তিব কেসলোদতগী অপুনবা কেস ৩,২৯৬ হন্থহনবা ঙমখ্রে। পুন্না ফগৎখিবা কেস অসি ১,০৪,৬২,৬৩১ শুখ্রে। লৈবাক্কী নাবা ফগৎলকপগী চাং (৯৭.০৮%) অসি মখা তানা মালেমগী ওইনা খ্বাইদগী ৱাংবা ওইরি। এক্তিব কেসশিং অমসুং নাবা ফগৎখ্রবা কেসশিংগী মরক্তা লৈবা খেন্নবা অসি লেপ্পা লৈতনা হেনগৎলক্লি অমদি ১,০৩,০২,৫৭৪ শুখ্রে। রাজ্য অমসুং য়ু.তি. ৩১কী এক্তিব কেস ৫,০০০ দগী তানা লৈরি। রাজ্য অমসুং য়ু.তি. ৮গী চয়োলগী ওইনা পোজিতিব ওইবগী চাং অসি লৈবাক্কী লৈরিবা চাংচৎ (১.৯১%)তগী হেন্না ৱাংলি। কেরেলাগী চয়োলগী ওইনা পোজিতিব ওইবগী চাং ১২% ওইদুনা খ্বাইদগী ৱাংলি মতুদা ছত্তিসগরনা ৭% ওইরি। ফেব্রুৱারী ৩, ২০২১গী অয়ুক পুং ৮:০০ ফাওবদা লৈবাক শিনবা থুংনা পাঙথোকপা কোবিদ১৯ বেক্সিনেসনগী থৌরমগী মখাদা বেনিফিসরী লাখ ৪১ (৪১,৩৮,৯১৮) বেক্সিন কাপখ্রে। হৌখিবা পুং ২৪দা সেসন ৩,৮৪৫দা হেল্থ কিয়র ৱার্কর ১,৮৮,৭৬২ বেক্সিন কাপখ্রে। হৌজিক ফাওবদা সেসন ৭৬,৫৭৬ পাঙথোকখ্রে। নুমিৎ খুদিংগী বেক্সিন কাপ্পা বেনিফিসরীশিংগী মশিং অসি লেপ্পা লৈতনা হেনগৎলক্লি। নৌনা নাবা ফগৎখিবা কেসশিংগী ৮৫.৬২%দি রাজ্য অমসুং য়ু.তি. ৮দগী ওইখ্রে। নৌনা ফগৎখিবা কেস ৫,৭৪৭গা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌরকখ্রে, মহারাস্ত্র(৪,০১১) অমসুং তামিল নাদু(৫২১) মতুং ইন্নখ্রে। অনৌবা কেসশিংগী ৮৩.০১% দি রাজ্য অমসুং য়ু.তি. ৬দগী ওইখ্রে। কেস ৫,৭১৬গা লোইননা কেরেলানা মশিং খ্বাইদগী রিপোর্ত তৌরকখ্রে। মমসিগী মতুংদা মহারস্ত্রদা ১,৯২৭, অমসুং তামিল নাদুদা অনৌবা কেস ৫১০ রিপোর্ত তৌখ্রে। হৌখিবা পুং ২৪দা শীখিবা ১১০ রিপোর্ত তৌখ্রে। নুংতিগী শীখিবা অসিগী ৬৬.৩৬% দি রাজ্য/য়ু.তি. মঙাদগী ওইখ্রে। মহারাস্ত্রদা শীখিবা খ্বাইদগী য়ামখি (৩০)। কেরেলাদা ১৬ শীদুনা মতুং ইন্নখ্রে।