പ്രധാനമന്ത്രിയുടെ ഓഫീസ്‌

‘ചൗരി ചൗര’ ശതാബ്ദിയാഘോഷങ്ങൾ ഫെബ്രുവരി 4 ന് പ്രധാനമന്ത്രി ഉദ്ഘാടനം ചെയ്യും

Posted On: 02 FEB 2021 11:15AM by PIB Thiruvananthpuram

പ്രധാനമന്ത്രി ശ്രീ നരേന്ദ്ര മോദി 'ചൗരി ചൗര' ശതാബ്ദി ആഘോഷങ്ങൾ ഉത്തർപ്രദേശിലെ ഗോരഖ്പൂരിലെ ചൗരി ചൗരയിൽ 2021 ഫെബ്രുവരി 4 ന് രാവിലെ 11 ന് വീഡിയോ കോൺഫറൻസിംഗിലൂടെ ഉദ്ഘാടനം ചെയ്യും. രാജ്യത്തിന്റെ സ്വാതന്ത്ര്യസമരത്തിലെ ഒരു സുപ്രധാന സംഭവമായ ‘ചൗരി ചൗര’ സംഭവത്തിന്റെ 100 വർഷങ്ങൾ ഈ ദിവസം അടയാളപ്പെടുത്തുന്നു. ചൗരി ചൗര ശതാബ്ദിയ്‌ക്കായി സമർപ്പിച്ച പോസ്റ്റൽ സ്റ്റാമ്പും പ്രധാനമന്ത്രി പരിപാടിയിൽ പുറത്തിറക്കും. ഉത്തർപ്രദേശ് മുഖ്യമന്ത്രിയും ചടങ്ങിൽ പങ്കെടുക്കും.

സംസ്ഥാന സർക്കാർ ആസൂത്രണം ചെയ്ത ശതാബ്ദിയാഘോഷങ്ങളും വിവിധ പരിപാടികളും 2021 ഫെബ്രുവരി 4 മുതൽ സംസ്ഥാനത്തെ 75 ജില്ലകളിലും ആരംഭിച്ച് 2022 ഫെബ്രുവരി 4 വരെ തുടരും.
 

***


(Release ID: 1694384) Visitor Counter : 244


Read this release in: Odia , Telugu , Assamese , English , Urdu , Marathi , Hindi , Manipuri , Bengali , Punjabi , Gujarati , Tamil , Kannada