ଅର୍ଥ ଏବଂ କର୍ପୋରେଟ ବ୍ୟାପାର ମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ଆଜି ପାର୍ଲାମେଣ୍ଟରେ 2021-22 ଅର୍ଥ ବଜେଟ୍ ଉପସ୍ଥାପନା କରି ଘୋଷଣା କରିଛନ୍ତି ଯେ, ଆଗାମୀ ଦିନମାନଙ୍କରେ ଜାତୀୟ ଭିତ୍ତିଭୂମି ପାଇପଲାଇନ ଲକ୍ଷ୍ୟ ହାସଲ ପାଇଁ ନିମ୍ନଲିଖିତ ପଦକ୍ଷେପ ସବୁ ନିଆଯାଉଛି । ସେଗୁଡିକ ହେଉଛି (1) ପ୍ରତିଷ୍ଠାନ ଭିତ୍ତିକ ଭିତ୍ତିଭୂମି 2)ଭିତ୍ତିଭୂମିର ମୁଦ୍ରାକରଣ ନିମନ୍ତେ ବଡଧରଣ ପଦକ୍ଷେପ, ଏବଂ 3) କେନ୍ଦ୍ର ଓ ରାଜ୍ୟ ବଜେଟ୍‌ରେ ପୁଞ୍ଜି ଖର୍ଚ୍ଚ କ୍ଷେତ୍ରରେ ଅଂଶଗୁଡିକ ସମୃଦ୍ଧ କରିବା । ଅର୍ଥମନ୍ତ୍ରୀ ଆଜି ବଜେଟ୍ ଉପସ୍ଥାପନ କରି ସୂଚନା ଦେଇଛନ୍ତି ଯେ 2019 ମସିହା ଡିସେମ୍ବରରେ ଏନ.ଆଇ.ପି. ପ୍ରଚଳନ କରି 6835ଟି ପ୍ରକଳ୍ପକୁ ବର୍ତ୍ତମାନ ସମ୍ପ୍ରସାରିତ କରାଯାଇଛି । ସେହିପରି 1.10ଲକ୍ଷ କୋଟି ଟଙ୍କା ବିନିଯୋଗ କରି ବିଭିନ୍ନ ମନ୍ତ୍ରଣାଳୟକୁ ମୌଳିକ ଭିତ୍ତିଭୂମି ଯୋଗାଉଥିବା 117ଟି ପ୍ରକଳ୍ପ ପୂର୍ଣ୍ଣ ହୋଇଛି ।

ଭିତ୍ତିଭୂମିକୁ ଅର୍ଥ ଯୋଗାଣ

ଡିଏଫଆଇକୁ ପୁଞ୍ଜିଭିତ୍ତିକ କରିବା ପାଇଁ କେନ୍ଦ୍ର ବଜେଟ୍‌ରେ 20ହଜାର କୋଟି ଟଙ୍କାର ପ୍ରସ୍ତାବ ଅର୍ଥମନ୍ତ୍ରୀ ରଖିଛନ୍ତି । ଡିଏଫଆଇ ଗଠନ ପାଇଁ ଏକ ବିଲ୍ ଉପସ୍ଥାପନ କରାଯିବ । ଏହା ବିଭିନ୍ନ ଭିତ୍ତିଭୂମି କ୍ଷେତ୍ରକୁ ଆର୍ଥିକ ସହାୟତା ଦେବାରେ ଋଣ ପ୍ରଦାନକାରୀ ତଥା ବିଭିନ୍ନ ପଦକ୍ଷେପକୁ ଦ୍ରୁତଗାମୀ କରାଇବାରେ ସହାୟକ ହେବ । ଚଳିତବର୍ଷ ଏହି ଉଦ୍ଦେଶରେ 5ଲକ୍ଷ କୋଟି ଟଙ୍କା ଡିଏଫଆଇକୁ ଦିଆଯିବାର ପ୍ରସ୍ତାବ ରହିଛି।

ଆଇଏନଭିଆଇଟି ଏବଂ ଆରଇଆଇଟି ଗୁଡିକରେ ବିଦେଶୀ ପୁଞ୍ଜି ବିନିଯୋଗ ପାଇଁ ବିଦେଶୀ ପୁଞ୍ଜି ବିନିଯୋଗକାରୀ ଆଇନରେ ଆବଶ୍ୟକୀୟ ସଂଶୋଧନ ହେବ । ରିୟଲ ଇଷ୍ଟେଟ କ୍ଷେତ୍ର ଏବଂ ଭିତ୍ତିଭୂମି ନିର୍ମାଣ କ୍ଷେତ୍ରକୁ ଏହି ପାଣ୍ଠି ବହୁ ପରିମାଣରେ ସହାୟକ ହେବ ।

ଭିତ୍ତିଭୂମି ମୁଦ୍ରାକରଣ

ବିଭିନ୍ନ ଭିତ୍ତଭୂମି ନିର୍ମାଣ,  ସର୍ବସାଧାରଣ ଭିତ୍ତିଭୂମି ସମ୍ପତ୍ତି ପରିଚାଳନା ଆଦି ପାଇଁ ନ୍ୟାଶନାଲ ମନିଟାଇଜେସନ ପାଇପ ଲାଇନ ବ୍ୟବସ୍ଥା ପ୍ରଚଳନ କରାଯିବ । ପୁଞ୍ଜିନିବେଶକାରୀଙ୍କ ପାଇଁ ବିଭିନ୍ନ ସମୟରେ କାର୍ଯ୍ୟର ସ୍ଥିତି ଜାଣିବା ଉଦ୍ଦେଶ୍ୟରେ ଏକ ଡାସ୍‌ବୋର୍ଡ ସୃଷ୍ଟି କରାଯିବ । ମୁଦ୍ରାକରଣ କ୍ଷେତ୍ରରେ କେତେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ରହିଛି ।

ସେଗୁଡିକ ହେଉଛି

• ଭାରତୀୟ ଜାତୀୟ ରାଜପଥ ପ୍ରାଧିକରଣ ଏବଂ ପିଜିସିଆଇଏଲ ଗୋଟିଏ ଲେଖାଏଁ ଆଇଏନଭିଆଇଟିକୁ ସହାୟତା କରିଛନ୍ତି । ଏହା ଆଭ୍ୟନ୍ତରୀଣ ଓ ଆନ୍ତର୍ଜାତିକ ପୁଞ୍ଜିନିବେଶକାରୀଙ୍କୁ ଆକର୍ଷଣ କରିବ । ଜାତୀୟ ରାଜପଥ ପ୍ରାଧିକରଣର  ଆଇଏନଭିଆଇଟିକୁ 5ଟି କାର୍ଯ୍ୟକ୍ଷମ ଥିବା ସଡକ ବାବଦରେ 5ହଜାର କୋଟି ଟଙ୍କା ହସ୍ତାନ୍ତର କରାଯାଇଛି । ସେହିପରି ପିଜିସିଆଇଏଲ ଆଇଏନଭିଆଇଟିକୁ 7ହଜାର କୋଟି ଟଙ୍କା ଦିଆଯିବ ।
• ରେଳବାଇର ଉତ୍ସର୍ଗୀକୃତ ଫ୍ଲାଇଟ କରିଡର ସମ୍ପତ୍ତି ମୁଦ୍ରାକରଣ ମାଧ୍ୟମରେ ପ୍ରକଳ୍ପ କାର୍ଯ୍ୟକ୍ଷମ ହେବା ପରେ ସେଗୁଡିକର ପରିଚାଳନା ଓ ରକ୍ଷଣାବେକ୍ଷଣ କରିବ ।

• ପରବର୍ତ୍ତୀ ବିମାନ ବନ୍ଦରଗୁଡିକର କାର୍ଯ୍ୟକ୍ଷମ ଓ ପରିଚାଳନା ପାଇଁ ମୁଦ୍ରାକରଣ କରାଯିବ ।

• ଏହି ମୁଦ୍ରାକରଣ କାର୍ଯ୍ୟକ୍ରମରେ (ଏ) ଜାତୀୟ ରାଜପଥ ପରିଚାଳିତ ଟୋଲ ସଡକ, (ବି) ପିଜିସିଆଇଏଲରୁ ପରିବହନ ସମ୍ପତି (ସି) ଜିଏଆଇଏଲ, ଆଇଓସିଏଲ ଏବଂ ଏଚପିସିଏଲର ଗ୍ୟାସ ପାଇପଲାଇନ ।

• ଦ୍ୱିତୀୟ ଓ ତୃତୀୟ ଶ୍ରେଣୀ ସହରଗୁଡିକରେ ଭାରତୀୟ ବିମାନ ପତନ ପ୍ରାଧିକରଣର ଅଧୀନରେ ଥିବା ବିମାନ ବନ୍ଦର ।

• ରେଳବାଇର ଅନ୍ୟାନ୍ୟ ଭିତ୍ତିଭୂମି ସମ୍ପତି ।

• ସେଣ୍ଟ୍ରାଲ ୱେୟାର ହାଉସିଂ କର୍ପୋରେସନ ଏନଏଫଇଡିର ଭଣ୍ଡାରଗୃହ ନିର୍ମାଣ ।
• ଏବଂ ଖେଳପଡିଆ ଓ ଷ୍ଟାଡିୟମଗୁଡିକର ଭିତ୍ତିଭୂମି ସମ୍ପତି ପରିଚାଳନା  ମୁଦ୍ରାକରଣ କାର୍ଯ୍ୟକ୍ରମର ଅନ୍ତର୍ଭୁକ୍ତ ହେବ ।

******

SSD/ SLP