ঙসি পার্লিয়ামেন্ততা ২০২১-২২গী কেন্দ্রগী বজেৎ পুথোকপদা শেল-থুম অমসুং কোর্পোরেৎ এফিয়র্সকী কেন্দ্রগী মন্ত্রী শ্রীমতি নির্মলা সিতারমন্না লাক্কদৌরিবা চহিশিংদা নেস্নেল ইনফ্রাস্ত্রকচর পাইপলাইন (এন.আই.পি.)গী পান্দম ফংনবা সরকারনা মখাদা পীরিবা খোঙথাং অহুম অসি লৌখৎনবা প্রপোজ তৌখ্রে হায়না লাউথোকখ্রে:

১. ইন্সতিত্যুস্নেল স্ত্রকচরশিং শেমগৎপা

২. এসসেৎশিং মোনিতাইজ তৌনবা কন্না হোৎনবা

৩. কেন্দ্র অমসুং রাজ্যগী বজেৎশিংদা কেপিতেল এক্সপেন্দিচরগী শরুক হেনগৎপা

শেলথুমগী মন্ত্রীনা হায় ২০১৯গী দিসেম্বরদা প্রোজেক্ত ৬৮৩৫গা লোইননা হৌদোকখিবা এন.আই.পি. অসি হৌজিক প্রোজেক্ত ৭,৪০০ শুখ্রে অমসুং লুপা করোর লাখ ১.১০রোমগী ওইগদবা মরু ওইবা ইনফ্রাস্ত্রকচর মন্ত্রালয়শিংগী মখাদা প্রোজেক্ত ২১৭রোম লোইশিনখ্রে।

ইনফ্রাস্ত্রকচর ফাইনান্সিং - দেবেলপমেন্ত ফাইনান্সিএল ইন্সতিত্যুসন (দি.এফ.আই.)

কেন্দ্রগী শেলথুমগী মন্ত্রীনা দেবেলপমেন্ত ফাইনান্সিএল ইন্সতিত্যুসন কেপিতেলাইজ তৌনবা কেন্দ্রগী বজেৎতা লুপা করোর ২০,০০০গী শেনফমগী প্রোবিজন লৈহনখ্রে হায়না লাউথোকখ্রে। মন্ত্রীনা হায় দি.এফ.আই.বু ইনফ্রাস্ত্রকচর ফাইনান্সিংগী প্রোভাইদর, ইনেব্লর অমসুং কেতলিস্ত ওইনবা বিল অমা পুথোক্লগনি। মসিগী পান্দমদি চহি অহুমগী মতমগী মনুংদা দি.এফ.আই.গী য়ামদ্রবদা লুপা করোর লাখ ৫গী লেন্দিং  পোর্তফোলিয়ো অমা লৈহনবনি হায়না মন্ত্রীনা মখা তাখ্রে।

মন্ত্রীনা মখা তারদুনা হায় ফোরেন পোর্তফোলিয়ো ইনবেস্তরশিংনা ইনবিৎ অমসুং রিৎকী দেৎ ফাইনান্সিং তৌবা য়ানবা চান্নবা এমেন্দমেন্ত মরী লৈনবা লেজিস্লেসনশিংদা তৌগনি হায়খ্রে। খোঙথাং অসিনা ইনফ্রাস্ত্রকচর অমসুং রিএল ইস্তেৎ সেক্তরশিংগী ফন্দশিং হেনগৎহনবদা মতেং ওইরগনি হায়না পান্নরি।

এসসেৎ মোনিতাইজেসন

অনৌবা ইনফ্রাস্ত্রকচর কনস্ত্রক্সনগীদমক চল্লাইরিবা পব্লিক ইনফ্রাস্ত্রকচর এসসেৎশিং মোনিতাইজ তৌবা অসি য়াম্না মরু ওইবা ফাইনান্সিং ওপ্সন অমনি হায়না ফোঙদোক্লদুনা পোএন্সিএল ব্রাউনফিল্দ ইনফ্রাস্ত্রকচর এসসেৎশিংগী “নেস্নেল মোনিতাইজেসন পাইপলাইন” অমা কেন্দ্রগী শেলথুম মন্ত্রীনা লাউথোকখ্রে। মন্ত্রীনা হায় থবককী খোঙজেল য়েংশিন্নবা অমসুং ইনবেস্তরশিংদা বিজিবিলিতী ফংহন্নবা এসসেৎ মোনিতাইজেসন দেশবোর্দ অমা শেম্লগনি হায়না মন্ত্রীনা ফোঙদোকখ্রে। মোনিতাইজেসন তৌনবা লৌখৎকদবা মরু ওইবা খোঙথাং খরা মখাদা পীরি:

1. ইন্তরনেস্নেল অমসুং দোমেস্তিক ইন্সতিত্যুসনেল ইনবেস্তরশিংগী পুক্নিং চিংশিনগদবা ইনবিৎ অমা নেস্নেল হায়ৱেজ ওথোরিতী ওফ ইন্দিয়া অমসুং পি.জি.সি.আই.এল. অমমমনা স্পোন্সর তৌখ্রে। লুপা করোর ৫,০০০গী এন্তর্প্রাইস ভেল্যু ওইবা ওপরেসন তৌরিবা লম্বী মঙা এন.ঐচ.এ.আই.ইনবিৎতা ত্রান্সফর তৌখ্রে। মসিগা চপ মান্না লুপা করোর ৭,০০০গী ভেল্যু ওইবা ত্রান্সমিসন এসসেৎ পি.জি.সি.আই.এল/ইবিৎতা ত্রান্সফর তৌরগনি।
2. কম্মিসন তৌরবা মতুংদা ওপরেসন অমসুং মেন্তেনেন্স তৌনবা রেলৱেজনা দেদিকেতেদ ফ্রৈৎ কোরিদোর এসসেৎশিং মোনিতাইজ তৌগনি।
3. ওপরেসন অমসুং মেনেজমেন্ত কনসেসনগীদমক্তা মথংদা এয়রপোর্ত কয়া মোনিতাইজ তৌগনি।
4. এসসেৎ মোনিতাইজেসন প্রোগ্রামগী মখাদা রোল আউৎ তৌগদবা অতোপ্পা কোর ইনফ্রাস্ত্রকচর এসসেৎশিং অদুদি: (i) এন.ঐচ.এ.আই. ওপরেস্নেল তোল লম্বীশিং (ii) পি.জি.সিআই.এল.গী ত্রান্সমিসন এসসেৎশিং (iii) জি.এ.আই.এল., আই.ও.সি.এল. অমসুং ঐচ.পি.সি.এল.গী ওইল অমসুং গ্যাস পাইপলাইনশিং (iv) তাইয়র II অমসুং III ওইবা সহরশিংগী এ.এ.আই. এয়রপোর্তশিং, (v) অতোপ্পা রেলৱে ইনফ্রাস্ত্রকচর এসসেৎশিং (vi) সেন্ত্রেল ৱেয়রহাউসিং কোর্পোরেসন অমসুং এন.এ.এফ.ই.দি.গুম্বা সি.পি.এস.ই.শিংগী ৱেয়রহাউসিং এসসেৎশিং অমসুং (vii) স্পোর্ত স্তেদিয়ম।

*****