ভারতকী এক্তিব কেসকী মশিংনা হন্থরকপী চৎনবী ঙাক্তুনা চৎলি। ঙসি ফাওবগী মনুংদা মসিনা লাখ ১.৬৮ (১,৬৮,৭৮৪)দা তাথখ্রে।

হৌজিক লৈরিবা ভারতকী এক্তিব কেস মশিংনা অপুনবা পোজিতিব কেসকী শুপ্নগী ১.৫৭% খক্তমক ওইরি।

রাজ্য/য়ু.তি. ৩১দা এক্তিব কেস ৫০০০দগী থানা লৈরি। অন্দমান অমসুং নিকোবার ইথৎনা এক্তিব কেস ৪ লৈবগী পাউ লাকখি অমসুং দামন অমসুং দ্যু অমদি দদ্রা অমসুং নগর হবেলীনা তুং ইন্দুনা শুপ্নগী এক্তিব কেস ৬তমক লৈবগী পাউ লাক্লি।

অপুনবা এক্তিব কেস মশিংগী ৭৯.৬৯%দি রাজ্য/য়ু.তি. ৫দ্গীনি। রাজ্য অনিখক, কেরলা অমসুং মহারাস্ত্রানা পুল্লগা ভারতকী অপুনবা এক্তিব কেসকী ৬৯.৪১%গী শরুক লৈরি।

ঙসি ফাওবগী মনুংদা, ভারতকী অপুনবা নাবা ফবগী মশিং অসি করোর ১.০৪ (১,০৪,২৩,১২৫) ওইরি। নাবা ফবগী চাং অসিসু ৯৬.৯৯%দা লৈরি।

হৌখিবা নুমির ২৪দগী, নোংমগী নাবা ফবগী মশিংনা নোংমদা লাকপা অনৌবা কেস মশিংদগী হেন্দুনা লাক্লি। হৌখিবা পুং ২৪দা অনৌবা নাবা ফবগী মশিং অসি ১৩,৯৬৫ নি অমসুং অনৌবা কেসকী মশিংনা ১৩,০৫২নি।

জনুৱারি ৩১, ২০২১গী অয়ুক পুং ৮ ফাওবগী ওইনা, বেনিফিশরী লাখ ৩৭.৪৪ (৩৭,৪৪,৩৩৪)দা লৈবাক শিনবা থুংবগী কোবিদ-১৯গী তিকা থাবগী থৌওংগী মখাদা কোবিদ ভেক্সিনগী তিকা থাখ্রে।

হৌখিবা পুং ২৪দা, অপুনবা সেসন ৫২৭৫গী মনুংদা হেল্থকেয়রগী থৌমী ২,৪৪,৩০৭তা কোবিদকী ভেক্সিন কাপখি।

হৌজিক ফাওবগী ওইনা, অপুনবা সেসন ৬৮,৯৬২ পাংথোকখ্রে।

নোংমগী ওইনা তিকা থাবগী বেনিফিশরীশিংগী মশিং অসি নীংথিজনা হেনগৎলক্লি।

মালেমগী ওইনা য়েংবদা, লৈবাক অমগী মনুংদা ভেক্সিন কাপ্পগী মশিং চাংদম্নবদা ভারতনা (জনুৱারি ২৯, ২০২১ ফাওবগী মনুংদা) ৫শুবা থাক্তা লৈরি। মসিগী ফিভম অসি অতোপ্পা লৈবাক কয়া অমদি ভারত্তগী হান্না তিকা থাবগী থবক হৌখ্রবা ফাওবগীনি।

হৌজিক ফাওবগী ভেক্সিন কাপখিবশিংগী ৬৩.৩৪%দি রাজ্য ৮দগীনি।

উত্তর প্রদেশনা তিকা কাপ্পা মীওইগী মশিং য়াম্লি অমসুং মসিগী মতুংদা রাজস্থান অমসুং করনাতকানা লৈরি।

অনৌবা নাবা ফবগী কেসশিং অসিগী ৮৫.৭২%দি রাজ্য/য়ু.তি. ১০দগীনি।

কেরলানা অনৌবা নাবা ফরবা মীওই ৭০৩২ লৈদুনা নোংমদা নাবা ফবা মীওইগী মশিং খ্বাইদগী য়াম্লি অমসুং মহারাস্ত্রানা ১৫৩৫ অমসুং করনাতকানা ৫৪৭ লোইদুনা তুং ইল্লি। ৪

নোংমদা লাকপা অনৌবা কেসকী ৮৩.৭২%দি রাজ্য অমসুং য়ু.তি. ৭তগীনি।

কেরলানা অনৌবা অনাবা মীওই ৬২৮২ লাক্তুনা খ্বাইদগী য়াম্বা ওইরি অমসুং মহারাস্ত্রা অমসুং তমিল নাদুনা মথংশিৎনা ২৬৩০ অমসুং ৫০৫ লৈদুনা তুং ইল্লি।

হৌখিবা পুং ২৪দা, মীওই ১২৭ শিখি।

নোংমদা মী শিবগী ৭৪.০২%দি রাজ্য/য়ু.তি. ৬তগী লাক্লি। মহারাস্ত্রানা খ্বাইদগী য়াম্বা ওইনা মীওই ৪২ লৈখিদবগী পাউ লাকখি। মসিগী মতুংদা কেরলানা ১৮ অমসুং নোংচুপ বেঙ্গোল অমসুং ছতিসগরনা ৯/৯ লৈখিদবগী পাউ লাকখি।

****