PIB Headquarters
কোবিদ-১৯গী মতাংদা পি.আই.বি.গী বুলেতিন
Posted On:
27 JAN 2021 5:46PM by PIB Imphal
#Unite2FightCorona
#IndiaFightsCorona
- হৌখিবা নুমিৎ ২০সিদগী ভারত্তা নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা চৎলি
- হৌখিবা নুমিৎ ৭নিসিদা ভারতনা মীওই মিলিয়ন খুদিংগী নৌনা নারকপা অমদি নৌনা শিবা মীশিং খ্বাইদগী নেম্বা লৈবাকশিংগী মরক্তা চন্দুনা লাক্লি
- জনুৱারী ২৭, ২০২১গী অয়ুক পুং ৮ ফাওবদা বিনিফিসিয়রী লাখ ২০ (২০,২৯,৪৮০) হেন্না তিকা থাখ্রে
- দাঃ হার্শ বর্ধন্না ভেক্সিনগী চিংনবা অমসুং অরানবা পাউগী মতাংদা ৱা ঙাংনবা আই.ই.সি. কেম্পেন হৌদোকখ্রে
- কোবিদকী শিংনবশিং লৈজরবসু ইন্দিয়ন রেলৱেজনা কোবিদ মমাংগী মতমশিংগা চাংদম্নবদা হৌজিক মেল এক্সপ্রেস ত্রেন ৬৫% চেলহল্লি
হৌখিবা নুমিৎ ২০সিদগী ভারত্তা নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা চৎলি, হৌখিবা নুমিৎ ৭নিসিদা ভারতনা মীওই মিলিয়ন খুদিংগী নৌনা নারকপা অমদি নৌনা শিবা মীশিং খ্বাইদগী নেম্বা লৈবাকশিংগী মরক্তা চন্দুনা লাক্লি
ভারত্তা নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা চৎলি। হৌখিবা নুমিৎ ২০সিদগী হৌনা নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা লাক্লি। ঙসি ফাওবদা অপুনবা ফগৎলকখ্রবা মীশিং ১,০৩,৫৯,৩০৫ ওইরি। হৌখিবা পুং ২৪সিদা অনাবা মীশিং ১৩,৩২০ ফগৎলক্তুনা দিসচার্জ তৌখ্রে। লৈবাক্কী ফগৎলকপগী চাং মখা তানা হেনগৎলক্তুনা চাদা ৯৬.৯১ ওইরি। ঙসি ভারতকী অপুনবা হৌজিক নারিবা মীশিং ১,৭৬,৪৯৮ ওইরি। ভারতকী হৌজিক ওইরিবা অপুনা নারিবা মীশিং অসি ভারতকী অপুনবা নাখিবা মীশিংগী শুপ্নতগী চাদা ১.৬৫ খক্তমক ওইরি। হৌখিবা নুমিৎ ৭নিসিদা মীওই মিলিয়ন খুদিংগী নুংতিগী নারকপা মীশিং (৬৯) খ্বাইদগী নেম্বশিংগী মরক্তা ভারতসু ওইরি। জনুৱারী ২৭, ২০২১গী অয়ুক পুং ৮ ফাওবদা লৈবাক শিনবা থুংনা চত্থরিবা কোবিদ-১৯ তিকা থাবগী থবক অসিগী মখাদা বিনিফিসিয়রী লাখ ২০ (২০,২৯,৪৮০) হেন্না তিকা থাখ্রে। হৌখিবা পুং ২৪সিদা সেসন ১৯৪দা মীওই ৫,৬৭১ তিকা থাখি। হৌজিক ফাওবদা সেসন ৩৬,৫৭২ পাঙথোকখ্রে। নৌনা ফগৎলকপা মীশিংগী চাদা ৮৪.৫২দি স্তেত/য়ু.তি. ৯দগীনি। কেরলাদা মীওই ৫,২৯০ নৌনা ফগৎলক্তুনা নোংমদা মীশিং খ্বাইদগী য়াম্না ফগৎলকপগী পাউ লাকখি। হৌখিবা পুং ২৪সিদা মহারাস্ত্রদা মীওই ২,১০৬ ফগৎলকখি অমদি কর্নাতকানা মীওই ৭৩৮ ফগৎলক্তুনা মতুং ইল্লি। নৌনা নারকপা মীশিংগী চাদা ৮৪.৭৩দি স্তেত অমসুং য়ু.তি. ৭তগীনি। কেরলাদা মীওই ৬,২৯৩ নৌনা নারক্তুনা মখা তানা খ্বাইদগী মীশিং য়াম্না নৌনা নারকপগী পাউ লাক্লি। মহারাস্ত্রনা মীওই ২,৪০৫ অদুগা কর্নাতকানা মীওই ৫২৯ নৌনা নারক্তুনা মতুং ইল্লি। নৌনা শিখিবা মীশিংগী চাদা ৮৩.৯৪দি স্তেত/য়ু.তি. তরেত্তগীনি। মহারাস্ত্রদা মীশিং খ্বাইদগী য়াম্না শিবা (৪৭) থেংনখি। করেলাদা মীওই ১৯ অমদি ছত্তিসগরদা মীওই ১৪ নৌনা শিদুনা মতুং ইল্লি। হৌখিবা নুমিৎ তরেৎনিসিদা ভারত্তা মীওই মিলিয়ন খুদিংগী মী ১ খক্তমক শিবগী পাউ লাকখি।
অকুপ্পা ৱারোলগীদমক :
দাঃ হার্শ বর্ধন্না দবল্যু.ঐচ.ও. এজিক্যুতিব বোর্দকী ১৪৮শুবা সেসনগী চেয়র লৌখ্রে
অকুপ্পা ৱারোলগীদমক :
এফ.আই.সি.সি.আই.না শিন্দুনা মাস্ক্রেদ ২০২১গী ৭শুবা ইদিসন দা হার্শ বর্ধননা হৌদোকখ্রে
এফ.আই.সি.সি.আই.না শিন্দুনা আইনা য়াদবা মওং অমদা ললোন-ইতিক তৌবা অসিগী মাইঈয়োক্তা পাংথেোক্লিবা ইহৌ-“মাস্ক্রেদ ২০২১”গী ৭শুবা ইদিসন ঙসি হকশেল অমসুং য়াইফ য়ুম্বালগী কেন্দ্রগী মন্ত্রী দা হার্শ বর্ধননা হৌদোকখ্রে৷
মহাক্না ৱা ঙাংদুনা আইননা য়াদবা মওং অমদা পোৎ-চৈ ললোন-ইতিক তৌরিবা অসি হন্থহনবা ঙম্বা ইনোবেতিব সোল্যুসনশিং অমসুং লৌখৎপা য়াবা এক্সন অদুগী মতাংদা মাস্ক্রেদকী ৭শুবা ইদিসন অসিনা খন্নরগনি হায়বা অসিদা কেন্দ্রগী হকশেল মন্ত্রীনা নুংঙাইবা ফোংদোকখি৷
কোবিদ-১৯ লাইনা-লাইচৎ অসিনা পীরিবা চৈথেংশিং অমসুং আইননা য়াদবা মওং অমদা দ্রগশিং চলাইরিবা অসিগী মতাংদা পল্লদুনা মহাক্না অসুম্না ফোংদোকখ্রে, “কোবিদ-১৯ লাইনা-লাইচৎ অসিনা পীবা চৈথেং অমসুং লাইনা অসি লাকশিন্নবা তোঙান তোঙানবা পোলিসীশিং শেমদুনা চৎনখিবা ঐখোয় পুম্নমক থেংনরে, অসিগুম্বা লুরবা ফিভম অসি মীওই খরনা মশা মশাগী খল্লগা আইননা য়াদবা থবক থৌরমশিং হেন্না শিজিন্ননবা খুদোংচাবা অমা ওইনা লৌবা অসিনা লৈবাক অসিগী শেল-থুমগী ফিভমদা, হকশেল অমসুং মালেম অসিদা লৈরিবা মীওইশিং অসিদা চাওনা অকাইবা পীরে৷”
“মরু ওইনা কোবিদ ইরা অসিগী মতুংদা আইনা য়াদবা মওং অমদা ললোন-ইতিক তৌরিবা অসিনা পীরিবা চৈথেং অসি হন্থনবা অনৌবা অমসুং প্রেক্তিকেল স্ত্রাতিজীশিং অসিগী মতাংদা নিংথীজনা খন্না-নৈনবা মাস্ক্রেদ ২০২১ অসিনা পান্দম থম্লি৷ মখোয়শিং অসিগী খ্বাইদগী মরু ওইরিবা অসি ময়ামদা এৱার্নেস পীবদা মীৎয়েং থম্বা অসিনা ওইরি৷ কোবিদ-১৯ লাইনা-লাইচৎ অসিনা মমাংদা অমুক্তা থোকখ্রিদ্রিবা মওং অমদা ঐখোয়গী হেল্খ সিস্তেম অসিদা হিরম কয়ামরোম দরকার ওইহল্লি৷ পেসেন্তশিং অসিদা হেন্না ফবা হেল্থকেয়র পীনবা হেল্থকেয়র প্রোভাইদরশিং অসিনা হৌজিক লৈরিবা দিলিভরী মোদেলশিং অসি অমুক হন্না শেমদোক্লি৷”
অকুপ্পা ৱারোলগীদমক :
দাঃ হার্শ বর্ধন্না ভেক্সিনগী চিংনবা অমসুং অরানবা পাউগী মতাংদা ৱা ঙাংনবা আই.ই.সি. কেম্পেন হৌদোকখ্রে, “ঐখোয়না মসিগী অরানবা পাউ শন্দোকপা অসি থিংলসি”
হেলথ অমসুং ফেমিলি ৱেলফিয়রগী য়ুনিয়ন মিনিস্তরনা দাঃ হার্শ বর্ধন্না ঙসি আই.ই.সি.গী পোস্তর হৌদোক্তুনা লৈবাক অসিগী মফম খরদা ভেক্সিন অসিগী মতাংদা চিংনবা ফাওহল্লিবা অসি কোক্নবা হেলথ অমসুং ফেমিলি ৱেলফিয়রগী মিনিস্তর ওফ স্তেত শ্রী আশ্বিনি কুমার চৌবে অমসুং এন.আই.তি.আই. আয়োগকী মেম্বর (হেলথ) দাঃ ভি. কে. পোল য়াওনা হৌদোকখ্রে। মালেমগী খ্বায়দগী চাওবা কোবিদ-১৯গী মায়োক্তা চৎথবা ইম্ম্যুনাইজেসন অসি ২০২১গী জানুৱারীগী ১৬তা ইকাই খুম্নরবা প্রধান মন্ত্রীনা হৌদোকখিবনি। ২০২১গী জানুৱারীগী ২১গী অয়ুক্কী পুং ৭ ফাওবদা হকশেলগী চেকশিন থৌরাং থবক তৌবশিং লাখ ৮ হেন্না ভেক্সিন পীখি। য়ুনিয়ন হেলথ মিনিস্তরনা মীপুম খুদিংদা লৈবাক অসিগী মায় পাকপা অসি অমুক নিংশিংখি, মালেমদা খ্বায়দগী মমিং লৈবা অনিশুবা লৈবাক ওইরি। মহাক্না হায় মদুদি, “ইন্দিয়া অসি কোবিদ-১৯ থেংন্নবা হোৎনবদা চংশিল্লিবা লৈবাক খরগী মনুংদা অমনি অমসুং মরক অসিদা কোবিদ-১৯ অসিগী ভেক্সিন অসিশু শেমগৎলি, প্রধান মন্ত্রী শ্রী নরেন্দ্র মোদীগী মশামক য়াওনা লুচিংদুনা লায়চৎ অসিবু মুথৎনবা হোৎনখিবা অসিদা থাগৎপা ফোংদোকখি। ভেক্সিন্নেসন অসিনা লায়না অসি মুথৎপদা লৌরিবা থৌদাং অসি শন্দোক্না তাক্লদুনা মহাক্না হায়খি মদুদি, “পোলিও অমসুং স্মোলপোক্স মুথৎখিবা অসি য়াম্না চাওনা ইম্ম্যুনাইজেসন অসি চৎথবদগী ঙমখিবনি। অমুক্তং তিকা অসি থাখ্রবা, মীওই অসিদা লায়না অসি চংবা ঙমদবতা নত্তনা মহাক অসিনা অতোপ্পদা শন্দোকপা ঙমহন্দে। কোবিদকী মায়োক্তা চৎথবা ভেক্সিন্নেসন অসিশু মান্ননা মীওই অমবু লায়না অসি শন্দোকপা ঙমহন্দে লায়না অসি চপ মান্নবা মতমদা মুথৎপা ঙম্মী”। দাঃ হার্শ বর্ধন্না চুমদবা অমসুং অরানবা পাউ শন্দোক্লিবা অসিদা লৌদনবা কন্না তকশিল্লি। “ঐখোয়না অরানবা অসি থিংলসি” মহাক্না নমদুনা হায়খি।
অকুপ্পা ৱারোলগীদমক :
ভারতকী রাস্ত্রপতি, শ্রী রাম নাথ কোবিন্দনা ৭২শুবা গনতন্ত্রা দিবস নুমিৎকী মাংওইননা ৱা ঙাংবা
অকুপ্পা ৱারোলগীদমক :
ঐখোয়গী হকচাংদা নুংশা মঙালগী অমসুং অফবা বেন্তিলেসনগী তঙাই ফদবা অসি কোবিদ-১৯ লাইনা-লাইচৎ অসিনা ঐখোয়দা তাক্লে – উপ-রাস্ত্রপতি
অকুপ্পা ৱারোলগীদমক :
উপ রাস্ত্রপতিনা হায়দ্রবাদতা ভেক্সিনগী তেস্তিং অমসুং সর্তিফিকেসন লেব অমা লিংখৎনবা সেন্তরদা অয়াবা পীনবা হায়খ্রে
ভারতকী উপ রাস্ত্রপতি শ্রী এম. ভেঙ্কাইয়া নাইদুনা ঙসি য়ুনিয়ন হেলথ মিনিস্তর দাঃ হার্শ বর্ধনগা ৱারী শান্নখ্রে অমসুং তেলঙ্গানা সরকারনা হায়জরিবা ভেক্সিনগী তেস্তিং অমসুং সর্তিফিকেসন লেব অমা হায়দ্রবাদকী গেনোম ভেল্লিদা লিংখৎনবা অসিদা সেন্তরদা অয়াবা পীনবা তকশিনখ্রে। শ্রী নাইদুনা তেলঙ্গানাগী আই.তি. মিনিস্তর, শ্রী কে.তি. রামা রাওনা হায়জরিবা অসিগী মতাংদা য়ুনিয়ন হেলথ মিনিস্তরদা লানখৎখ্রে। শ্রী রাওনা চিথী অমদা য়ুনিয়ন হেলথ মিনিস্তরদা খঙহনখি মদুদি হায়দ্রাবাদ অসি চহি খুদিংগী দোজেস বিল্লিয়ন তরুক হেন্না পুথোকই অমসুং মালেমগী ওইনা ভেক্সিন পুথোকপদা অহুমগী মনুংদা অমগী থৌদাং লৌরি। দাঃ হার্শ বর্ধন্না উপ রাস্ত্রপতিদা থাজবা পীখি মদুদি মহাক্না হায়রিবা অসি মাইকৈ খুদিংদগী য়েংশিনগনি। মহাক্না উপ রাস্ত্রপতিবু খঙহনখি মদুদি মালেমগী ওইনা ভেক্সিনগী তেস্তিং অমসুং সর্তিফিকেসন লেবশিং অসি হিমাচল প্রদেশকী কাশৌলি য়াওনা তরেৎ লৈরি অমসুং মসিগুম্বা খুদোংচাবা অমা পীবা অসি মালেমগী ওইবা শকখঙবা অমা চংই।
অকুপ্পা ৱারোলগীদমক :
জি.এস.তি. কম্পেন্সেসন ৱাৎহৌবশিং মেনখৎনবা লুপা করোর ৬,০০০কী ১৩শুবা ইন্সতোলমেন্ত স্তেতশিংদা থাদোকখ্রে
শেলথুম মন্ত্রালয়গী দিপার্তমেন্ত ওফ এক্সপেন্দিচরনা জি.এস.তি. কম্পেন্সেসন ৱাৎহৌবশিং মেনখৎনবা ঙসি স্তেতশিংদা লুপা করোর ৬,০০০গী ১৩শুবা চয়োলগী ইন্সতোলমেন্ত থাদোকখ্রে। মসিগী মনুংদা লুপা করোর ৫,৪১৬.৬০না স্তেত ২৩দা অদুগা লুপা করোর ৪৮৩.৪০না জি.এস.তি. কাউন্সিলগী মেমবর ওইবা লেজিসলেতিব এসেমব্লী লৈজবা য়ুনিয়ন তেরিতরী (য়ু.তি.) ৩দা (দিল্লী, জম্মু অমসুং কাস্মির অমসুং পুদুচেরী) থাদোকখিবনি। লেমহৌরিবা স্তেত মঙা, অরুনাচল প্রদেশ, মনিপুর, মিজোরাম, নগালেন্দ অমসুং সিক্কিমগীদি জি.এস.তি. চৎনহনবগা মরী লৈনবা রিভিন্যুগী অৱাৎপা লৈত্রে। হৌজিক ফাওবদা স্তেত অমসুং লেজিসলেতিব এসেমব্লী লৈজবা য়ু.তি.শিংদা জি.এস.তি. কম্পেন্সেসনগী ৱাৎহৌরিবা অপুনবা শেন্ফমগী চাদা ৭০দি থাদোকখ্রে। মসিগী মনুংদা লুপা করোর ৭১,০৯৯.৫৬না স্তেতশিংদা অদুগা লুপা করোর ৬,৯০০.৪৪না লেজিসলেতিব এসেমব্লী লৈজবা য়ু.তি. ৩দা থাদোকখিবনি। জি.এস.তি. চৎনহনবগা মরী লৈননা চাউরাক্না লুপা করোর লাখ ১.১০গী রিভিন্যু মেনখৎনবা ভারত লৈঙাক্না ওক্তোবর ২০২০দা অখন্নবা বোরোৱিং ৱিন্দো অমা শেমখি। ৱিন্দো অসিগী খুত্থাঙদা স্তেত অমসুং য়ু.তি.শিংগীদমক ভারত লৈঙাক্না শেল পুবিবনি। ওক্তোবর ২৩, ২০২০দগী হৌরগা হৌজিক ফাওবদা শেল পুবগী তাঙ্কক ১৩ মপুং ফাখ্রে। চয়োল অসিদা থাদোক্লিবা শেন্ফম অসি স্তেতশিংদা পীবা অসিগুম্বা ফন্দশিংগী ১৩শুবা ইন্সতোলমেন্তনি। শেন্ফম অসি চয়োল অসিদা শেন্দোয় চাদা ৫.৩০৮৩গী চাংদা পুবনি। হৌজিক ফাওবদা চাউরাকপা শেন্দোয়গী চাং চাদা ৪.৭৪৯১গী চাংদা অখন্নবা বোরোৱিং ৱিন্দো অসিগী খুত্থাঙদা কেন্দ্র লৈঙাক্না লুপা করোর ৭৮,০০০গী শেন্ফম পুখ্রে।
অকুপ্পা ৱারোলগীদমক :
কোবিদকী শিংনবশিং লৈজরবসু ইন্দিয়ন রেলৱেজনা কোবিদ মমাংগী মতমশিংগা চাংদম্নবদা হৌজিক মেল এক্সপ্রেস ত্রেন ৬৫% চেলহল্লি
কোবিদকী শিংনবশিং লৈজরবসু ইন্দিয়ন রেলৱেজনা হৌজিক তোঙান তোঙানবা ইন্দিয়ন রেলৱেজকী জোনশিংদা নোংমদা ফেস্তিবেল এক্সপ্রেস ত্রেনশিং য়াওনা মেল/এক্সপ্রেস পু্ন্না ১১৩৮ চেল্লি। লৈবাক অসিগী মরু ওইবা লমথুংফমশিং হায়রিবা অখন্নবা ত্রেনশিং অসিনা ফাওনহল্লি। অহেনবা ত্রেনশিং চেলহন্নবগী মথৌ তাবা অদু তোইনা য়েংশিল্লি। কোবিদকী মতমগী মমাংদা ইন্দিয়ন রেলৱেজনা নোমদা চাংচৎতা মেল/এক্সপ্রেস ১৭৬৮ চেলম্মি। শিংথানিংঙাই ওইবদি ২০২১গী জনুৱারী থা ফাওবদা মেল/এক্সপ্রেস ত্রেন পুন্না পিয়র ১১৫ অয়াবা পীখ্রে।
অকুপ্পা ৱারোলগীদমক :
ইন্দিয়ন সাইন্তিফিক দাইস্পোরানা এস.তি.আই.পি. পোস্ত-দ্রাফ কনসল্তেসনদা ওপন সাইন্স পোলিসী, ইন্নোবতরশিং, নহা ওইরিবা রিসর্চরশিংগী খুদোংচাবশিংগী মতাংদা খন্নখ্রে
জনুৱারী ২২, ২০২২১দা গল্দ কোওপরেসন কাউন্সিল (জি.সি.সি.) মদুদি সৌদি অরাবিয়া, কতার, কুৱেৎ, বহরেন, য়ু.এ.ই. অমসুং ওমান হায়রিবশিং অসিগী ইন্দিয়া দাইস্পোরাগা লোইননা পাঙথোকপা পোস্ত-দ্রাফ এস.তি.আই.পি. কনসক্তেসনদা একাদমিসিয়নশিং, লুচিংবশিং, স্তেকহোল্দরশিং য়াওনা ইন্দিয়ন সাইন্তিফিক দাইস্পোরা, সাইন্স ইন্দিয়া ফোরমগী মেম্বরশিং অমসুং গল্ফ লৈবাকশিংগী কম্ম্যুনিতীগী মশক নাইবা লুচিংবশিংনা ওপন সাইন্স পোলিসী, ভারতকী ফেলোশিপশিং, ইন্নোবেতর, নহা ওইরিবা রিসর্চরশিংগী খুদোংচাবশিংগীম মতাংদা খন্নখ্রে। “পোলিসী অসিগী তোপতোপ্পা মগুন অদুদি মসি পোলিসী শেম্বদা ইন্দিয়ন দাইস্পোরাগা তান্নবা অহানবা পোলিসী ওইরি। মসিনা সাইন্স অমসুং তেক্নোলোজীগী থৌরাংশিংগী খুত্থাংদা ভারতপু মরোমদোম লেপচবা ঙম্বা লৈবাক ওইহনদুনা মপাঙ্গল কনখৎপা হেনগৎহনবনি অমসুং মসিগা ইরোইননা ইন্তরনেস্নেল কোওপরেসন প্রোএক্তিব ওইনা থৌগৎপনি”, হায়না কনসল্তেসন অসি লুচিংলিবা এস.আই.তি.পি.-২০২০গী সেক্রেতরিয়েৎকী এদভাইজর সাইন্তিস-জি অমসুং হেন্দ দা. অখিলেশ গুপ্তানা ফোঙদোকখ্রে।
অকুপ্পা ৱারোলগীদমক :
পি.আই.বি. ফিল্দ ওফিসশিংদগী ফংবা পাউ
- অসম: অসমদা কোবিদ-১৯গী অনৌবা কেস ৮ দিতেক্ত তৌরে অমদি লৈবাকপোকপা নুমিৎতা ১ শিখিবগী রিপোর্ত তৌরকখ্রে। অপুনবা কেস ২১৭০২৫দা হেনগৎলে, অপুনবা দিসচার্জ তৌখিবা মশিং ২১৩৭৬৩ অমসুং অপুনবা শিখিবনা ১০৭৯নি। এক্তিব কেস ৮৩৬নি।
- নগালেন্দ: নগালেন্দদা লৈবাকপোকপা নুমিৎতা কোবিদ-১৯গী অনৌবা কেস ২ রিপের্ত তৌরকখ্রে। অপুনবা কেস ১২০৮১দা হেনগৎলে। অপুনবা শিখিবনা ৮৮নি।
- মহারাস্ত্র: মহারাস্ত্রগী ফগৎলকপগী চাং চাদা ৯৫.২৪ ওইরে অদুগা কেস ফেতেলিতী রেৎনা চাদা ২.৫৩ ওইরে। হৌখিবা পুং ২৪দা তেস্ত ৫৭,২২৯ তৌখিবগা লোয়ননা মহারাস্ত্রনা হৌজিক ফাওবদা কোরোনাভাইরস তেস্ত ক্রোর ১.৪৩ পাংথোকখ্রে অমদি পোজিতিব ওইবগী চাং চাদা ১৪.০৬ ওইখি।
- গুজরাত: গুজরাত্তা কোবিদ-১৯গী অনৌবা কেস চাং য়াম্না হন্থরক্লি। ফগৎলকপগী চাং মখা তানা চাদা ৯৬.৭৪দা ফগৎলে। অনৌবা কেস- ৩৮০; শিখিবা- ০২; নাবা ফখ্রবা মীওই- ৬৩৭; এক্তিব কেস- ৪০৮৬; অপুনবা নাবা ফখ্রবা মীওই – ২,৫১,৪০০; অপুনবা শিখিবা- ৪৩৮১; অপুনবা পোজিতিব কেস- ২,৫৯,৮৬৭
- মধ্য প্রদেশ: রাজ্য অসিদা কোবিদ পোজিতিব ওইবগী চাং লেপ্পা লৈতনা হন্থরক্লি অমসুং চাদা ১.১দা লৈরে। ঙরাং (জনুৱারী ২৬) জিলা ১১দা পোজিতিব কেস অমত্তা রেকোর্দ তৌখিদে। তাঞ্জা অসিদা রাজ্য অসিদা কোবিদ ভেক্সিনেসন নিংথিজনা চত্থরি। হৌজিক ফাওবদা মীওই ৬৭,৪০০ হেন্না তিকা থাখ্রে। অনৌবা কেস- ২২৮; শিখিবা- ০২; নাবা ফখ্রবা মীওই- ৫১৫; অপুনবা নাবা ফখ্রবা মীওই - > ২,৪৭,০০০; অপুনবা শিখিবা- ৩৭৯৩
- ছতিসগর: লৈবাকপোকপা নুমিৎতা ছতিসগরদা কোবিদ-১৯ কেস ৩২১ রিপোর্ত তৌরকখিবা অমসুং ৯ শিখিবগা লোয়ননা ইনফেক্ত তৌখিবা মশিং ২,৯৭,৪২৯ শুরে অমদি শিখিবনা ৩,৬৬৬ শুরে। নাবা ফগৎলকখিবা মশিং ২,৮৮,৭৬৪ য়ৌদুনা রাজ্য অসিদা এক্তিব কেস ৫,০২১ লৈরে। অনৌবা কেস- ৩২১; শিখিবা- ০৯; নাবা ফখ্রবা মীওই- ৩; এক্তিব কেস- ৫,০২১; অপুনবা নাবা ফখ্রবা মীওই - ২,৮৮,৭৬৪; অপুনবা শিখিবা- ৩৬৪৪; অপুনবা পোজিতিব কেস- ২,৯৭,৪২৯
- রাজস্থান: ঙসি রাজস্থানদা সাইত ১২০৫দা কোবিদ ভেক্সিনেসন পাংথোকখি। হকশেল বিভাগনা ঙসি হেল্থ ৱার্কর ১,১৪,০০০ হেনবদা তিকা থাদোক্নবা পান্দম থম্লি। অনৌবা কেস- ১২৫; এক্তিব কেস- ১,০৬৬; অপুনবা নাবা ফখ্রবা মীওই – ৩,১১,৩৭৪; অপুনবা শিখিবা- ২৭৬০; অপুনবা পোজিতিব কেস- ৩,১৬,৯৭০; ঙসি ফাওবদা তেস্ত তৌখিবা সেম্পল- ৫৭,৭১,৫৫৯
- গৱা: গৱাগী কোবিদ রিকভরী রেৎ চাদা ৯৭.৬ য়ৌদুনা রাজ্য অসিদা অপুনবা এক্তিব কেস ১০০০গী মখাদা লৈরে। হৌজিক ফাওবদা সেম্পল লাখ ৪.৪ হেন্না তেস্ত তৌখ্রে। অনৌবা কেস- ৬৩; শিখিবা- ০১; নাবা ফখ্রবা মীওই- ৬২; এক্তিব কেস- ৭৭৪; অপুনবা নাবা ফখ্রবা মীওই- ৫১,৫১০; অপুনবা শিখিবা- ৭৬৩; অপুনবা পোজিতিব কেস- ৫৩,০৪৭; হৌজিক ফাওবদা তেস্ত তৌখিবা সেম্পল- ৪,৪২,৪৮৮
- কেরলা: রাজ্য অসিনা ঙরাং তেস্ত ৬০,৩১৫ তৌরবা মতুংদা অনৌবা কোরোনাভাইরস পোজিতিব কেস ৬,২৯৩ রিপোর্ত তৌখি। রাজ্য অসিনা হৌজিক ফাওবদা কোবিদ-১৯ কেস ৮,৯৯,৯৩২ রিপোর্ত তৌরকখ্রে। রাজ্য অসিগী শিখিবা মশিং ৩,৬৪৩দা হেনগৎলে। হৌজিক ফাওবদা য়ু.কে.দগী হল্লকখিবা অদুগুম্লবা মীওই ৭১ পোজিতিব ওইখ্রে অমদি মখোয়গী মনুংদা ৪৫দি তুংদা নেগতিব ওইখ্রে।
- তমিল নাদু: তমিল নাদু পব্লিক হেল্থ দিপার্তমেন্তনা হায়রি মদুদি জনুৱারীদা ভেক্সিনেসন দ্রাইব হৌদোকখ্রবা মতুং হৌখিবা নুমিৎ ১০নিদা তমিল নাদুদা কোবিদ-১৯গীদমক তার্গেৎ তৌরিবা মেদিকেল অমসুং ফ্রন্তলাইন ৱার্করশিংগী চাদা ৪০ খক্তমক তিকা থাখ্রে।
- কর্নাতকা: ঙসি ফাওবদা, কর্নাতকানা অপুনবা কেস ৯৩৬৯৫৫, শিখিবা ১২,২০৪, এক্তিব কেস ৬৬৩৩ অমসুং দিসচার্জ ৯১৮০৯৯ রেকোর্দ তৌখ্রে
- আন্ধ্র প্রদেশ: আন্ধ্র প্রদেশনা অনৌবা কোরোনাভাইরস কেস ১০০দগী তানা রেকোর্দ তৌখিবা মতুং নোংমা লৈরগা, লৈবাকপোকপা নুমিৎকী লোইশিস্সকপদা হৌখিবা পুং ২৪দা সিঙ্গল-দে তেল্লী ১৭২দা হেনগৎখ্রে অমদি কমুলেতিব ইনফেক্সন কাউন্ত ৮,৮৮,৭২৩দা হেনগৎখ্রে।
- তেলঙ্গনা: তেলঙ্গনাগী ইন্দস্ত্রীজ মিনিস্তর কে.তি. রামা রাওনা হিমাচল প্রদেশকী কশৌলিদা লৈরিবা সেন্ত্রেল দ্রগ লেবোরেতরীগী পরিংদা হায়দ্রবাদতা ভেক্সিন তেস্তিং অমসুং সর্তিফিকেসন লেবোরেতরী অমা লিংখৎপীনবা হায়জরদুনা হকশেল অমসুং য়াইফ য়ুম্বলগী কেন্দ্র মন্ত্রী দা. হর্শ বর্ধনগী মফমদা চেবাউ অমা ইখ্রে। হৌজিক ফাওবদা, রাজ্য অসিদা ভেক্সিনেসনগীদমক কো-ৱিন এপ্লিকেসনদা প্রাইভেৎ হেল্থ স্তাফ অপুনবা লাখ ১.৫৫না মখোয়গী মমিংশিং রেজিস্তার তৌখ্রে।
ফেক্ত চেক
*****
(Release ID: 1692912)
Visitor Counter : 157