বিত্ত মন্ত্ৰালয়ৰ ব্যয় বিভাগে গ্রামাঞ্চলৰ স্থানীয় নিকায়সমূহক অনুদান হিচাপে ১৮খন ৰাজ্যক ১২,৩৫১.৫০ কোটি টকা অনুমোদন দিছে। ২০২০-২১ বিত্তীয় বৰ্ষত আগবঢ়োৱা অনুদানৰ এয়া দ্বিতীয় কিস্তি৷

দ্বিতীয় কিস্তিৰ এই অনুদান সেই ১৮খন ৰাজ্যক দিয়া হৈছে, যিসমূহে প্রথম কিস্তিৰ ধন সদ্ব্যৱহাৰৰ প্রয়োজনীয় নথিপত্র বিভাগলৈ প্ৰেৰণ কৰিছে৷

গ্রামাঞ্চলৰ স্থানীয় নিকায়সমূহৰ আর্থিক অৱস্থাৰ উন্নতি আৰু সার্বজনীন সম্পদ সৃষ্টিৰ লক্ষ্যৰে পঞ্চদশ বিত্ত আয়োগৰ পৰামৰ্শক্ৰমে এই ধৰণৰ নিকায়সমূহক অনুদান দিয়া হয়। পঞ্চায়তীৰাজ ব্যৱস্থাৰ ৩টা পৰ্যায় অর্থাৎ গাঁও, ব্লক আৰু জিলাপৰ্যায়ত অনুদান দিয়া হয়৷ গাঁও আৰু ব্লক পৰ্যায়ত সম্পদ আহৰণৰ লক্ষ্যৰে এই অনুদান আগবঢ়োৱা হয়।

পঞ্চদশ বিত্ত আয়োগে গ্রামাঞ্চলৰ স্থানীয় নিকায়সমূহৰ বাবে দুইধৰণৰ অনুদানৰ প্রস্তাৱ দিয়ে৷ সেইবোৰ হ’ল–মৌলিক আৰু আৱদ্ধ অনুদান।

কেন্দ্র আৰু ৰাজ্য চৰকাৰসমূহে কেন্দ্রীয় সহায়ক প্রকল্প স্বচ্ছ ভাৰত আৰু জল জীৱন মিচনৰ অধীনত খোৱাপানী আৰু অনাময়ৰ শিতানত যি পুঁজি দিয়া হয়, পঞ্চদশ বিত্ত আয়োগৰ পৰামৰ্শ অনুসৰি প্রদান কৰা ধন ইয়াৰ আওতাৰ বাহিৰত৷

কেন্দ্রীয় চৰকাৰৰ পৰা অনুদান প্রাপ্তিৰ ধন ১০টা কৰ্মদিনৰ ভিতৰতে গ্রামাঞ্চলৰ স্থানীয় নিকায়সমূহক হস্তান্তৰ কৰাটো জৰুৰী। যদি কোনো কাৰণত এই ধন হস্তান্তৰত কোনো ধৰণৰ পলম হয়, তেনে ক্ষেত্রত সুদসহ প্রাপ্য ধন গ্রামাঞ্চলৰ স্থানীয় নিকায়সমূহক প্ৰদান কৰিব লাগিব৷

ইয়াৰ পূৰ্বে গ্রামাঞ্চলৰ স্থানীয় নিকায়সমূহক মৌলিক অনুদানৰ প্রথম কিস্তি আৰু চতুর্দশ বিত্ত আয়োগৰ বকেয়াৰ বাবদ বিগত বৰ্ষৰ জুন মাহত ৰাজ্যসমূহক ১৮,১৯৯ কোটি টকা মুকলি কৰি দিয়া হৈছে। একেদৰে আৱদ্ধ অনুদানৰ প্রথম কিস্তিৰ বাবদ ৰাজ্যসমূহক ১৫,১৮৭.৫০ কোটি টকা দিয়া হৈছে। সেই হিচাপে ব্যয় বিভাগৰ পৰা এতিয়ালৈ মৌলিক আৰু আৱদ্ধ অনুদান শিতানত ৰাজ্যসমূহক ৪৫,৭৩৮ কোটি টকা দিয়া হৈছে। এতিয়ালৈকে প্রদত্ত অনুদানৰ ৰাজ্যিকভিত্তিক খতিয়ান তলত উল্লেখ কৰা ধৰণৰঃ-

২০২০-২১ বৰ্ষত ৰাজ্যিকভিত্তিক গ্রামাঞ্চলৰ স্থানীয় স্ব-শাসিত সংস্থাসমূহত প্রদত্ত অনুদান-

*************

RM/KMN/DB