হকশেল অমসুং য়াইফ-য়ুম্বাল মন্ত্রালয়

দাঃ হার্শ বর্ধন্না ভেক্সিনগী চিংনবা অমসুং অরানবা পাউগী মতাংদা ৱা ঙাংনবা আই.ই.সি. কেম্পেন হৌদোকখ্রে

“ঐখোয়না মসিগী অরানবা পাউ শন্দোকপা অসি থিংলসি”

“অচুম্বা অসি শক্তি লৈ অমসুং লেঙদনা লৈগনি”

মীয়াম্বু অচুম্বদা লাক্নবা চংশিনশি অমসুং অচুম্বা পাউ অসি অশেংবা মফমদগী লৌনবা হোৎনসি

“লৈবা অসিদা লৈরিবা অয়েৎপা অসি মালেম অসিনা ভেক্সিন ফংহন্নবা হায়রি মরক অসিদা ঐখোয়গী মফম অসিদনা অরানবা পাউ ওৎপা অমসুং চিংনবা কয়া অমা রাজনিতিগী অখুবা মিয়েংনা পুরি”

Posted On: 21 JAN 2021 2:10PM by PIB Imphal

হেলথ অমসুং ফেমিলি ৱেলফিয়রগী য়ুনিয়ন মিনিস্তরনা দাঃ হার্শ বর্ধন্না ঙসি আই.ই.সি.গী পোস্তর হৌদোক্তুনা লৈবাক অসিগী মফম খরদা ভেক্সিন অসিগী মতাংদা চিংনবা ফাওহল্লিবা অসি কোক্নবা হেলথ অমসুং ফেমিলি ৱেলফিয়রগী মিনিস্তর ওফ স্তেত শ্রী আশ্বিনি কুমার চৌবে অমসুং এন.আই.তি.আই. আয়োগকী মেম্বর (হেলথ) দাঃ ভি. কে. পোল য়াওনা হৌদোকখ্রে।

মালেমগী খ্বায়দগী চাওবা কোবিদ-১৯গী মায়োক্তা চৎথবা ইম্ম্যুনাইজেসন অসি ২০২১গী জানুৱারীগী ১৬তা ইকাই খুম্নরবা প্রধান মন্ত্রীনা হৌদোকখিবনি।

২০২১গী জানুৱারীগী ২১গী অয়ুক্কী পুং ৭ ফাওবদা হকশেলগী চেকশিন থৌরাং থবক তৌবশিং লাখ ৮ হেন্না ভেক্সিন পীখি। 

য়ুনিয়ন হেলথ মিনিস্তরনা মীপুম খুদিংদা লৈবাক অসিগী মায় পাকপা অসি অমুক নিংশিংখি, মালেমদা খ্বায়দগী মমিং লৈবা অনিশুবা লৈবাক ওইরি। মহাক্না হায় মদুদি, “ইন্দিয়া অসি কোবিদ-১৯ থেংন্নবা হোৎনবদা চংশিল্লিবা লৈবাক খরগী মনুংদা অমনি অমসুং মরক অসিদা কোবিদ-১৯ অসিগী ভেক্সিন অসিশু শেমগৎলি, প্রধান মন্ত্রী শ্রী নরেন্দ্র মোদীগী মশামক য়াওনা লুচিংদুনা লায়চৎ অসিবু মুথৎনবা হোৎনখিবা অসিদা থাগৎপা ফোংদোকখি। ঙসিদি লৈবাক অসিদা এক্তিব কেসেস অসি য়াম্না থুনা হন্থরকপা উবা ফংলি। চাওরাক্না নুমিৎ খুদিংগী অনৌবা কেস ১৫,০০০ রোম ঙরাং ফাওবদা রিপোর্ত লাকখি, মহাক্না মখা শমথখি।

ভেক্সিন্নেসন অসিনা লায়না অসি মুথৎপদা লৌরিবা থৌদাং অসি শন্দোক্না তাক্লদুনা মহাক্না হায়খি মদুদি, “পোলিও অমসুং স্মোলপোক্স মুথৎখিবা অসি য়াম্না চাওনা ইম্ম্যুনাইজেসন অসি চৎথবদগী ঙমখিবনি। অমুক্তং তিকা অসি থাখ্রবা, মীওই অসিদা লায়না অসি চংবা ঙমদবতা নত্তনা মহাক অসিনা অতোপ্পদা শন্দোকপা ঙমহন্দে। কোবিদকী মায়োক্তা চৎথবা ভেক্সিন্নেসন অসিশু মান্ননা মীওই অমবু লায়না অসি শন্দোকপা ঙমহন্দে লায়না অসি চপ মান্নবা মতমদা মুথৎপা ঙম্মী”।

দাঃ হার্শ বর্ধন্না চুমদবা অমসুং অরানবা পাউ শন্দোক্লিবা অসিদা লৌদনবা কন্না তকশিল্লি। “ঐখোয়না অরানবা অসি থিংলসি” মহাক্না নমদুনা হায়খি। মহাকনা মীয়ামদা পাউশিং অসি হেলথ মিনিস্ত্রীগুম্বা, পি.আই.বি., ইনফোর্মেসন অমসুং বোর্দকাস্তিং মিনিস্ত্রী অমসুং মাইগোভ ৱেবসাইতশিং অসিগুম্বা থাজবা য়াবা মফমদগী লৌনবা কন্না হায়খি।

শোক্তবা অমসুং মথৌ পানবা ভেক্সিন অসিগী মতাংদা মহাক্না হায়খি মদুদি, “মমিং লৈরবা হোস্পিতালগী মমিং লৈরবা দোক্তরশিংনা ভেক্সিন অসি কাপখি অমসুং মসিগী অপাম্বা অসি ফংবা অসিদা থাগৎপা ফোংদোক্লি। মসি রাজনিতিগী ওইবা মীওই খরনা শন্দোকপা পাউ অসিনা মীয়ামদা চিংনবা ফাওহনবনি। ৱাফম অসিদা য়েৎলিবা অসি মালেম পুম্বা অসিনা ভেক্সিন অসিবা ঙাইদুনা লৈরিঙৈ অসিদা লৈবাক অসিগী মফম খরদা রাজনিতিগী ওইবা অখুবা মিয়েংদা মীয়াম্বু লান্না পুরি”। অফাওবা দোক্তরশিং অমসুং হেলথকেয়রদা থবক তৌবশিংনা সরকারগী অমসুং লনাইগী মফমশিংদা কোবিদ-১৯গী ভেক্সিন অসি লৌরি অমসুং মখোয় অসি করিগুম্বা সাইদ ইফেক্ত অমত্তা লৈতনা থবক্তা লাক্লি।

ভেক্সিন্নেসন অসি কোবিদগী মায়োক্তা ‘আন্তিম প্রহার’নি হায়রদুনা, শ্রী আশ্বীনি কুমার চৌবেনা হায় মদুদি, “জানুৱারীগী ১৬ অসি লায়চৎ অসি লোইশিনবগী অঙাংবা ময়েক্কী নুমিৎ ওইনা লৈহৌরগনি। ইন্দিয়ানা ভেক্সিন অসি অওনবা পুরক্নবা ঙননা ফীরেপ লৌখি”।

য়ুনিয়ন হেলথ সেক্রেতরী শ্রী রাজেশ ভুশন, এন.ঐচ.এমগী সেক্ত্রেতরী অমসুং এম.দি. মিস. বন্দনা গুর্নানি, এদ্দিসনেল সেক্ত্রেতরী শ্রী মনোহর অগ্নানি, এম.ও.ঐচ.এফ.দবল্যু.গী দি.জি.ঐচ.এস.দাঃ সুনিল কুমার অমসুং অতোপ্পা মকোক থোংবা ওফিসরশিংনা থৌরম অসিদা শরুক য়াখি।

আই.সি.এম.আর.গী দি.জি.দাঃ বালরাম ভার্গাবা, এ.আই.আই.এম.এস.কী দাইরেক্তর দাঃ রন্দীপ গুলেরিয়া, এল.ঐচ.এম.সি.গী দাইরেক্তর দাঃ. এন.এন.মাথুর, সাফদার্জুং হোস্পিতালগী এম.এস. দাঃ এস.ভি. আর্য়া, আর.এম.এল. হোস্পিতালগী এম.এস. দাঃ রানা এ.কে. সিংহ, অমসুং  দিবলপমেন্ত পার্তনরগী মীহুৎশিং মদুদি বি.এম.জি.এফ., য়ু.এন.আই.সি.ই.এফ. অমসুং দবল্যু.ঐচ.ও.না থৌরম অসিবু ভর্চুএল ওইনা শরুক য়াখি।

****



(Release ID: 1690948) Visitor Counter : 101