ਪ੍ਰਧਾਨ ਮੰਤਰੀ ਦਫਤਰ
ਪ੍ਰਧਾਨ ਮੰਤਰੀ 23 ਜਨਵਰੀ ਨੂੰ ਅਸਾਮ ਅਤੇ ਪੱਛਮ ਬੰਗਾਲ ਦਾ ਦੌਰਾ ਕਰਨਗੇ
ਪ੍ਰਧਾਨ ਮੰਤਰੀ ਕੋਲਕਾਤਾ ਵਿੱਚ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਦੀ 125ਵੀਂ ਜਯੰਤੀ ਦੇ ਸਬੰਧ ਵਿੱਚ ਆਯੋਜਿਤ ‘ਪਰਾਕ੍ਰਮ ਦਿਵਸ’ ਸਮਾਰੋਹ ਨੂੰ ਸੰਬੋਧਨ ਕਰਨਗੇ
ਪ੍ਰਧਾਨ ਮੰਤਰੀ ਅਸਾਮ ਦੇ ਸ਼ਿਵਸਾਗਰ ਵਿੱਚ ਇੱਕ ਲੱਖ ਤੋਂ ਅਧਿਕ ਜ਼ਮੀਨ ਦੇ ਪੱਟੇ ਵੀ ਵੰਡਣਗੇ
प्रविष्टि तिथि:
21 JAN 2021 1:44PM by PIB Chandigarh
ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ 23 ਜਨਵਰੀ 2021 ਨੂੰ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਦੀ 125ਵੀਂ ਜਯੰਤੀ ਦੇ ਸਬੰਧ ਵਿੱਚ ਆਯੋਜਿਤ ‘ਪਰਾਕ੍ਰਮ ਦਿਵਸ’ ਸਮਾਰੋਹ ਨੂੰ ਸੰਬੋਧਨ ਕਰਨ ਲਈ ਕੋਲਕਾਤਾ ਜਾਣਗੇ । ਪ੍ਰਧਾਨ ਮੰਤਰੀ ਅਸਾਮ ਦੇ ਸ਼ਿਵਸਾਗਰ ਵਿੱਚ ਜੇਰੇਂਗਾ ਪਠਾਰ ਵੀ ਜਾਣਗੇ , ਉੱਥੇ ਉਹ 1.06 ਲੱਖ ਜ਼ਮੀਨ ਦੇ ਪੱਟੇ/ਅਲਾਟਮੈਂਟ ਸਰਟੀਫਿਕੇਟ ਵੰਡਣਗੇ ।
ਪੱਛਮ ਬੰਗਾਲ ਵਿੱਚ ਪ੍ਰਧਾਨ ਮੰਤਰੀ
ਪ੍ਰਧਾਨ ਮੰਤਰੀ ਕੋਲਕਾਤਾ ਵਿੱਚ ਵਿਕਟੋਰੀਆ ਮੈਮੋਰੀਅਲ ਵਿੱਚ ਆਯੋਜਿਤ ‘ਪਰਾਕ੍ਰਮ ਦਿਵਸ’ ਦੇ ਉਦਘਾਟਨ ਸਮਾਰੋਹ ਦੀ ਪ੍ਰਧਾਨਗੀ ਕਰਨਗੇ । ਰਾਸ਼ਟਰ ਦੇ ਪ੍ਰਤੀ ਨੇਤਾਜੀ ਦੀ ਅਜਿੱਤ ਭਾਵਨਾ ਅਤੇ ਨਿਰ-ਸੁਆਰਥ ਸੇਵਾ ਨੂੰ ਸਨਮਾਨ ਦੇਣ ਅਤੇ ਯਾਦ ਰੱਖਣ ਦੇ ਲਈ , ਭਾਰਤ ਸਰਕਾਰ ਨੇ ਹਰ ਸਾਲ 23 ਜਨਵਰੀ ਨੂੰ ‘ਪਰਾਕ੍ਰਮ ਦਿਵਸ’ ਵਜੋਂ ਮਨਾਉਣ ਦਾ ਫੈਸਲਾ ਕੀਤਾ ਹੈ ਤਾਕਿ ਦੇਸ਼ ਦੇ ਲੋਕਾਂ , ਖਾਸ ਤੌਰ 'ਤੇ ਨੌਜਵਾਨਾਂ ਨੂੰ ਪ੍ਰੇਰਿਤ ਕੀਤਾ ਜਾ ਸਕੇ , ਜਿਵੇਂ ਕਿ ਨੇਤਾਜੀ ਨੇ ਕੀਤਾ ਸੀ , ਉਹੋ ਜਿਹੀਆਂ ਹੀ ਉਲਟ ਪਰਿਸਥਿਤੀਆਂ ਦਾ ਸਾਹਮਣਾ ਕਰਨ ਲਈ ਅਤੇ ਉਨ੍ਹਾਂ ਵਿੱਚ ਦੇਸਭਗਤੀ ਦੀ ਭਾਵਨਾ ਦਾ ਸੰਚਾਰ ਕਰਨ ਦੇ ਲਈ ।
ਇਸ ਅਵਸਰ ਉੱਤੇ ਇੱਕ ਸਥਾਈ ਪ੍ਰਦਰਸ਼ਨੀ ਅਤੇ ਨੇਤਾਜੀ ਉੱਤੇ ਇੱਕ ਪ੍ਰੋਜੈਕਸ਼ਨ ਮੈਪਿੰਗ ਸ਼ੋਅ ਦਾ ਉਦਘਾਟਨ ਵੀ ਕੀਤਾ ਜਾਵੇਗਾ । ਪ੍ਰਧਾਨ ਮੰਤਰੀ ਦੁਆਰਾ ਇੱਕ ਸਮਾਰਕ ਸਿੱਕਾ ਅਤੇ ਡਾਕ ਟਿਕਟ ਵੀ ਜਾਰੀ ਕੀਤੇ ਜਾਣਗੇ । ਨੇਤਾਜੀ ਦੇ ਥੀਮ ਉੱਤੇ ਅਧਾਰਿਤ ਇੱਕ ਸੱਭਿਆਚਾਰਕ ਪ੍ਰੋਗਰਾਮ ‘ਆਮਰਾ ਨੂਤਨ ਜਿਬਨੇਰੀ ਦੂਤ’ ਵੀ ਉਸ ਦਿਨ ਆਯੋਜਿਤ ਕੀਤਾ ਜਾਵੇਗਾ ।
ਇਸ ਸਮਾਗਮ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਮੋਦੀ ਕੋਲਕਾਤਾ ਵਿੱਚ ਹੀ ਨੈਸ਼ਨਲ ਲਾਇਬ੍ਰੇਰੀ ਦਾ ਦੌਰਾ ਕਰਨਗੇ । ਇਸੇ ਸਥਾਨ ਉੱਤੇ ਇੱਕ ਅੰਤਰਰਾਸ਼ਟਰੀ ਸੰਮੇਲਨ ‘21ਵੀਂ ਸਦੀ ਵਿੱਚ ਨੇਤਾਜੀ ਸੁਭਾਸ਼ ਦੀ ਵਿਰਾਸਤ ਦਾ ਫਿਰ ਤੋਂ ਦੌਰਾ’ ਅਤੇ ਇੱਕ ਕਲਾਕਾਰ ਕੈਂਪ ਦਾ ਆਯੋਜਨ ਵੀ ਕੀਤਾ ਗਿਆ ਹੈ । ਇਸ ਅਵਸਰ ਉੱਤੇ ਪ੍ਰਧਾਨ ਮੰਤਰੀ ਕਲਾਕਾਰਾਂ ਅਤੇ ਸੰਮੇਲਨ ਦੇ ਪ੍ਰਤੀਭਾਗੀਆਂ ਦੇ ਨਾਲ ਗੱਲਬਾਤ ਕਰਨਗੇ।
ਅਸਾਮ ਵਿੱਚ ਪ੍ਰਧਾਨ ਮੰਤਰੀ
ਇਸ ਸਮਾਗਮ ਤੋਂ ਪਹਿਲਾਂ ਦਿਨ ਵਿੱਚ , ਪ੍ਰਧਾਨ ਮੰਤਰੀ ਅਸਾਮ ਦੇ ਸ਼ਿਵਸਾਗਰ ਜਾਣਗੇ ਜਿੱਥੇ ਉਹ 1.06 ਲੱਖ ਜ਼ਮੀਨ ਦੇ ਪੱਟੇ/ਅਲਾਟਮੈਂਟ ਸਰਟੀਫਿਕੇਟ ਵੰਡਣਗੇ । ਰਾਜ ਦੇ ਸਥਾਨਕ ਲੋਕਾਂ ਦੇ ਭੂਮੀ ਅਧਿਕਾਰਾਂ ਦੀ ਰੱਖਿਆ ਲਈ ਤੱਤਕਾਲ ਕਾਰਵਾਈ ਦੀ ਜ਼ਰੂਰਤ ਨੂੰ ਧਿਆਨ ਵਿੱਚ ਰੱਖਦੇ ਹੋਏ , ਅਸਾਮ ਸਰਕਾਰ ਨੇ ਵਿਆਪਕ ਨਵੀਂ ਭੂਮੀ ਨੀਤੀ ਦੇ ਨਾਲ ਇੱਥੇ ਦੇ ਲੋਕਾਂ ਦੇ ਭੂਮੀ ਅਧਿਕਾਰਾਂ ਦੀ ਰੱਖਿਆ ‘ਤੇ ਨਵੇਂ ਸਿਰੇ ਤੋਂ ਜ਼ੋਰ ਦਿੱਤਾ ਹੈ । ਅਸਾਮ ਦੇ ਇਨ੍ਹਾਂ ਲੋਕਾਂ ਲਈ ਪੱਟੇ / ਅਲਾਟਮੈਂਟ ਸਰਟੀਫਿਕੇਟ ਜਾਰੀ ਕਰਨਾ ਅਤੇ ਉਨ੍ਹਾਂ ਵਿੱਚ ਸੁਰੱਖਿਆ ਦੀ ਭਾਵਨਾ ਪੈਦਾ ਕਰਨ ਨੂੰ ਸਰਬਉੱਚ ਪ੍ਰਾਥਮਿਕਤਾ ਦਿੱਤੀ ਗਈ ਹੈ । ਅਸਾਮ ਵਿੱਚ 2016 ਵਿੱਚ 5.75 ਲੱਖ ਭੂਮੀਹੀਨ ਪਰਿਵਾਰ ਸਨ । ਵਰਤਮਾਨ ਸਰਕਾਰ ਨੇ ਮਈ 2016 ਤੋਂ 2.28 ਲੱਖ ਭੂਮੀ ਪੱਟੇ/ਅਲਾਟਮੈਂਟ ਸਰਟੀਫਿਕੇਟ ਵੰਡੇ ਹਨ । 23 ਜਨਵਰੀ ਨੂੰ ਹੋਣ ਵਾਲਾ ਸਮਾਰੋਹ ਇਸ ਪ੍ਰਕਿਰਿਆ ਵਿੱਚ ਅਗਲਾ ਕਦਮ ਹੈ ।
***
ਡੀਐੱਸ/ਏਕੇਜੇ
(रिलीज़ आईडी: 1690908)
आगंतुक पटल : 167
इस विज्ञप्ति को इन भाषाओं में पढ़ें:
Assamese
,
English
,
Urdu
,
Marathi
,
हिन्दी
,
Manipuri
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam